Leviticus
 |
Questo testo è completo, ma ancora da rileggere. | |
| ◄ | Exodus | Nouva Relatiun | ► |
Questo testo fa parte della raccolta Rätoromanische chrestomathie
LEVITICUS
Ilg Tertz Cudesch dalg S. Profeed Moysis.
LA SUOMMA & COMPILGIAMAINT da tuot ilg Cudesch.
IN tuot quist Cudesch vengen principalmaing compilgiads trais fats: Nomnadamaing ledschas, fats memorabels, e lura impromißiuns & imnatschas da Dieu. Taunt co chi pertengia via da las ledschas, sun quellas da trais sorts: 1. Ledschas, Ceremonialas, las qualas compilgiaven fats pro ilg exteriur servezen da Dieu, in sacrificis & [p. 258] offertas, plüs & da plüs sorts, da diversa mualgia, rabas é spaisas: Da diversas lavondas, è natiamaints da diversas malnettischas, da lgieut, chiasas ù rabas: Da diversas spaisas nettas & malnettas, licitas & illicitas da pudair mangiar ù na: è dad auters fats blers. 2. Ledschas Moralas, ù dals custüms, las qualas contngeiven las virtüds da Dieu comondadas, & ilgs vicis ù puchiads da Dieu scomandats: acioe chia iminchia persuna saves, da che fats chi s’dessen artngair, & che fats chi dessen far, schi dessen à Deis plaschair.
3. Ledschas Civilas, davart ilg offici da ilg Magistrat, da mantngair bunna policia è raschun, cun chiastiar, & ragischar oura ilg mal; implantar & mantngair é defender ilg bön. Fats memorabels sun quatter: Nomnadamaing co Aron & seis filgs sajen üts per Sacerdots. Co Aron ilg grond Sacerdot, hagia fat sia prüma offer ta offerta, & quella sea da Dieu confirmada, & acceptada. Co ils dûs filgs dad Aron, ils velgs, hajan malamaing administrâ ilg offiici da Sacerdot, & tras quai sean da Dieu, visibel è fermamaing chiastiads.
Las impromißiuns faun à savair, da bleras sorts d’benedictiuns da Dieu, à quels chi salven seis comondamaints: Lascuntra las imnatschas, faun à savair, da bleras sorts d’maledictiuns da Dieu, à quels chi supaßen seis comondamaints.
Mo quist tuot ais tschantscha, è dvantâ, in ilg dasiert da Sinay, in spazi d’ün mais; nomnadamaing dalg prüm dy, da ilg prüm mais, dalg secuond onn chi sun trats our d’Egipta, infinna in ilg prüm dy da l’auter mais. Sco quai s’po cler, our da Num. 1. 1, Exod. 40. 17. & Levit. 1. 1.
Quist Cudesch vain nominad Leviticus, perche ell tratta davart ils Levits & schlatta da Levi, ils quals sunn da Dieu tschernüds pro seis Servezen, in lö da ilgs prüms naschüds, per administrar ilg ofici [p. 260] da Sacerdots pro ilg Tabernaquel, & servezen da Dieu, pro tuotta quai, chi ngiva retscherchiâ, & da Dieu eira ordina. Sco vain tuot miß è descrit à la manüda, & nuo ngin ad incler in ilg Text sveß: Tuottas quellas chiaußas è ceremonias, mateivè taunt co sumbrivas avaunt ölgs, impart la malnettischa dilg puchia dalg pövel, et ilg chiastiamaint chia quel permeritava; impart ilg mez, chi ngissen da quel mal deliberads, chi eira ilg sacrifici dalg Meßias, & da la lavonda tras el fatta, per ils noß puchiads è malnettischa: Ilg offici da ilg qual tuot, eira figiüra è repræschentâ, tras quellas dittas ceremonias, sco eir tuott ilg mysteri è secret da noßa spēdraschun.
| [p. 261] | CAP. I. |
1. Ledschas da las woluntusas offertas dad arder.
1. Da mual groß. 2. Da mual manü. 3. Da l’utschlamainta.
1. MO ilg Sennger clamet á Moises, è tschantschet cū el, our dalg Tabernaquel da la Raspada, dschond:
2. Tschauntscha cū ils filgs dad Jsrael, & di ad els: iminchün intaunter vuo, cur el voul offerir ünn’offerta alg Senger, schi dess el offerir sia offerta, da boufs, da bèscha ù da chiavras.
3. Scha sia offerta, es offerta dad arder, da boufs, schi offerra ün masciel zainza defet; & ilg dess offerir voluntusamaing, pro la porta dilg Tabernaquel de la Raspada, avaunt ilg Senger.
[p. 262] 4. Et el dess puzar seis maun, sün ilg cheu da sia offerta dad arder: per ch’ella sea accepta avaunt el, per ilg reconciliar.
5. Lura dess quel armaint ngir scianad avaunt la fatscha dalg Senger: Et ils filgs dad Arō, ils Sacerdots, dessen manar naū pro ilg saung, & ilg dessen sprinzlar, intuorn intuorn, sün ilg utâr, ilg qual es à la porta dalg Tabernaquel da la raspada.
6. Lhura dess l’offerta dad arder ngir scorchiada, & ngir stalgiada in seis pezs.
7. Lura dessen ils filgs dad Aron, ils Sacerdots, metter ilg fœ sün ilg utâr, & la laina ordinar lura sur ilg fœ.
8. Davo quai dessen ils filgs dad Aron, ils Sacerdots, luguar indret quels tocks, cun ilg cheu & ilg grass, sün quella laina, chi ais missa sün ilg fœ, chi es sùn ilg utâr.
9. Mo seis dadaint, & sias chiomas dess ngir lavâ cun agua, & ilg Sacerdot dess quai tuot arder sün ilg utâr, offerta dad [p. 263] arder, & offerta amabla fatta tras ilg fœ, per üna dutscha savur alg Senger.
10. Mo scha sia offerta vain ad esser da mual manü, (cioe) da bescha ù da chiavras, per únn’offerta dad arder; schi dess el offerir ùn masciel zainza menda.
11. Schi ilg dess el scianar, da l’üna vart dalg utâr, incontra meza not, avaunt ilg Senger: Et ils filgs dad Aron, ils Sacerdots dessen spinzlar seis saung, intuorn intuorn sün ilg utâr.
12. Et ilg dessen talgiar in seis tocks, insembel cun seis peis è seis grass: Et ilg Sacerdot dess luguar quels tocks, bè indret sün la laina, la quala es missa sün ilg fœ, chi ais sún ilg utâr.
13. Mo ilg dadaint è las chiomas, dess ngir lavad cun agua: Et ilg Sacerdot dess offerir tuot quai, & arder sún ilg utár: Ilg es ùnn’offerta dad arder, ünn offerta fat ta pro ilg fœ, d’ùna amabla odur alg Senger.
[p. 264] 14. Mo scha sia offerta vain ad esser dad utscheus, per ünn’offerta dad arder, alg Senger: Schi dess esser sia offerta, d’culuoms da turtur, ú da juvens culuoms, ad offerir.
15. Et ilg Sacerdot dess offerir quel sün ilg utâr, & ilg talgiar ilg cheu cun l’ungla & ilg arder sün ilg utàr: siond seis saung squitschà ora via da la parait d’ilg utár.
16. E schel ha mis davent seis guotter in sembel cun ilg malnet; siond que buttà via, d’spera ilg utàr, incunter ilg oriaint, in ilg lö da la tschendra.
17. Schi ilg fenda lura ilg Sacerdot, per sias alas, zainza ilg sparalgiar in dus: & ilg fetscha arder sün ilg utàr, sún la laina la quala es missa sur ilg fœ: Ilg es ün’offerta dad arder, ùnn’offerta fatta pro ilg fœ, d’una amabla odur alg Senger.
CAP. II.
1. Ledschas davart las offerta voluntarias, da chiausas da farina, sea crüa, ù cotta in diversa maniera. [p. 265] 14. Et davart las primitias da quels pröpis fats.
1. MO scha qualchia persunna, voul far únn’offerta da spaisa à lg Senger, schi dess esser sia offerta, d’flur d’farinna: sün la quala el dess sponder öli, & metter sü sura intschais.
2. Usche des el manar pro ils filgs dad Aron, ils Sacerdots; Et ilg Sacerdot dess tour ün maū plain, da quella sia flur d’farinna, è da seis öli, insembel cun tuot ilg seis intschais: è fetscha brüschâr quellas chiaussas, la recordaunza da quella (offerta) sùn ilg utar. Quist es ùnn’offerta fat ta tras fœ, d’ùna dutscha odur à lg Senger.
3. Mo quai chi vain à survanzar, da quell’offerta da spaisa, quai dess esser dad Aron, è da seis filgs: Ilg es únna chiaussa Sanctisma, taunter las offertas, chi s’arden à lg Senger.
4. Mo scha tù vainst à præschantar la [p. 266 offerta] da Sacrifici cott in ilg fuorn, schi sean fuatschas zainza alvon, d’flur d’farina, masdadas cun öli: ù lazagnas zainz’alvon, ùttas cun öli.
5. Mo scha tia offerta vain ad esser sacrifici, cot in la padella, schi dessi esser d’flur farinna, zainza alvon, masdat cun öli.
6. Tù la desses rumper in tocks, haviōd tù tngù spons sù sura öli: ilg es sacrifici.
7. Mo scha tia offerta vain ad esser sacrifici da cudèra, schi falla d’flur d’farinna cun öli.
8. Davo quai, desses purtar ilg sacrifici, chi s’fá quistas chiaussas, à lg Singer: Et ilg desses manar à lg Sacerdot, & quel ilg dess metter sún ilg utâr.
9. Et ilg Sacerdot dess tour dilg sacrifici, ilg memorial da quella, & dess far fúment sura dilg utàr: ilg es offerta fatta cun fœ, in dutscha odur, à lg Senger.
10. E quai chi reista dalg sacrifici, dess esser dad Aron è seis filgs: ilg es chiaussa [p. 267] sanctisma, taunter las offertas chi s’arden à lg Senger.
11. Ingùn sacrifici, chia vuo ngi ad offerir alg Senger, nun des ngir fat cun alvō: Perche vuo nun desset arder alg Senger, ingiun sacrifici, d’ingiùna chiaussa cun alvon, ne chi hagia meil.
12. Las offertas da las primitias, desset quellas offerir à lg Senger; Mo è nun dessen ngir missas sün ilg utâr, per ünna dutscha odur.
13. Iminch’offerta da teis sac(a)[r]ifici, desses tú insalar cun sal: E nun laschar manchiar ilg sal, dilg pack da teis Deis, in teis sacrifici: In tuots teis sacrificis desses offerir sal.
14. Mo scha tù voust far à lg Senger, ùna offerta dals prüms frúts; schi offerra spias fraiscias, rostridas pro ilg fœ: ilg graun batú our da la spia plaina, fraiscia, per ilg sacrifici da teis prùms frùts.
15. E sponda sù sura öli, & intschais: ilg [p. 268] es ún sacrifici.
16. Usche dess ilg Sacerdot arder ilg graun batúd oura da quel, cun tuot seis öli & seis intschais: in offerta da recordaunza, fatta alg Senger cun ilg fœ.
CAP. III.
1. Ledschas da las offertas dad ingratiamaint, da boufs. 7. da bescha. 12. è da chiavras. 17. Cun comond da nun mangiar, ne graß ne saunck.
1. MO scha sia offerta, vain ad esser ùna offerta dad ingratiamaint: Scha el offerra d’mual gros, sea masciel ú femna: schi dess ell offerir zainza manchiamaint, avaunt ilg Senger.
2. Et poza seis maun sün ilg cheu da sia offerta, & ilg (Sacerdot) la scionna pro l’intratta dilg Tabernaquel da la Raspada: Et ils filgs dad Aron, ils Sacerdots, dessen sprinzlar seis saunck, sün ilg utâr intuorn, intuorn.
3. Lura offerra ilg (Sacerdot) dalg sacrifici d’ingratiamaint, cioe chi dess ngir ars [p. 269] alg Senger: ilg grass chi cuverna ilg dadaint, & tuot quel grass chi es sün ilg dadaint.
4. Da plü amasdus ranuoilgs, cun ilg grass chi es sü sura, è quel chi es sur ilgs flauncks: Et leiva davent la raid, chi es sura dilg nirom, insembel cū ils ranuolgs.
5. Et ils filgs dad Aron dessen arder sur ilg utâr, tenor l’offerta dad arder, chi es sün la laina, chi sta sün ilg fœ: in offerta fatta per ilg fœ, d’üna dutscha odur alg Senger. 6 Mo scha sia offerta vain ad esser da mual manüd, per únn’offerta d’ingratiamaint àlg Senger, sea ùn masciel ù ùnna femna: schi l’offerra zainza defet.
7. Schel maina ùn cheu d’bescha per offerta, schi ilg dess el manar avaunt ilg Senger.
8. E s’dess puzâr cun seis maun, sún ilg cheu da sia offerta, & ilg (Sacerdot) ilg dess scianâr, avaunt ilg Tabernaquel da [p. 270] la Raspada: Et ils filgs dad Aron dessen sprinzlâr seis saung, sün ilg utâr, intuorn, intuorn.
9. Et offerra (ilg Sacerdot) da quel sacrifici d’ingratiamaint, cioe chi dess ngir ars àlg Senger: ilg grass, & la cua intera, la quala chel dess tour giuo, giuo da pè d’la sciaina, & ilg grass, ilg qual cuverna ilg dadaint, & tuot ilg grass, chi es sün ilg dadaint (rantà).
10. Item ils dus ranuoilgs, cun ilg grass, chi es sün quels, & chi es sura dilgs flauncks: Mo la Raid chi es sura dilg nirom, dess el trar giuo cun ils ranuoilgs insembel.
11. Et ilg Sacerdot fetsch’arder quell grass, sura dilg utàr, per spaisa dad offerta fatta cun ilg fœ, àlg Senger.
12. Mo scha sia offerta, vain ad esser ün na chiavra, schi l’offerra avaunt ilg Senger.
13. Et s’dess cun seis maun, puzar sura [p. 271] da seis cheu, & (ilg Sacerdot) la dess scianar avaunt ilg Tabernaquel da la Raspada: & ils filgs dad Aron, dessen sprinzlar seis saunck sün ilg utâr intuorn, intuorn.
14. Davo quai dess el, offerir da quella propria sia offerta, ünn’offerta dad arder àlg Senger: cioe ilg grass, ilg qual cuverna ilg dadaint, & tuot ilg grass chi es sün ilg dadaint (rantà).
15. Da plü ils dus ranuoilgs, & ilg grass chi es sü sura, é quel chi es sura dils flauncks: Mo la Rait chi es sur ilg nirom, dess el trar giuo cun ils ranuoilgs insembel.
16. Quels fats tuots dess ilg Sacerdot arder sün ilg utâr in speisa d’offerta fatta per fœ, d’üna dutscha odur. Tuot ilg grass dess esser da ’l Senger.
17. Quist dess esser ünn’ordinatiun perpetua in vossas generatiuns, per tuottas vossas habitatiuns. Nun mangiarai, injün saunck, ne alchün grass.
| [p. 272] | CAP. IV. |
1. Ledschas, davart ilg Sacrifici, per ils puchiads, fats tras ignorantia, dalg grond Sacerdot. 13. da tuotta la raspada. 22. da qualchüns dals principals. 27. ù da qualchia persunna taunter ilg commün pövel.
1. DA plü tschantschet ilg Senger cun Moises, dschond:
2. Tschauntscha cun ils filgs dad Jsrael è di ad els: Cur chia qualchia persunna, vain ad havair pechia, tras ignorantia, in cunter inqual comondamaint da’ l Senger, ilg qual nun dess ngir fat: Et chell ha fat incunter ün da quels.
3. Scha ilg Sacerdot chi es üt ha fat puchia, usche chia la cuolpa vengia sura da ’l pövel: Schi dess el offerir à ’l Senger, per seis puchia chel ha commiss, ün vdè juven zainza defet, (ún sacrifici) per ilg puchia.
4. Et el dess manar quel vadè, pro la porta da ’l Tabernaquel da la Raspada, [p. 273] avaunt il Senger: Et dess metter seis maū sura da ’l cheu da ’l vdè, & il scianar avaūt il Senger.
5. Lura dess il Sacerdot üt, tour da ’l saunck da ’l vdè, & ilg purtar dadaint in il Tabernaquel da la Raspada.
6. Et il Sacerdot dess tendscher seis daint in il saunck, & dess da quel saunck sprinzlar set voutas avaunt il Senger, avaūt la vella da ’l Sanctuari.
7. Mo il Sacerdot dess eir metter da quel saunck, sün las cornas da ’l utâr da fúmēt avaunt il Senger, il qual es in il Tabernaquel da la Raspada: mo il reist da ’l saūck da ’l vdè, giuo da pé da ’l utar da las offertas dad arder, il qual es è la porta da ’l Tabernaquel da la Raspada.
8. Da plü dess el tour davent da ’l vdé, tuot il grass, da ’l sacrifici per il puchia: cioe tuot il grass chi cuverna il dadaint, & tuot il grass chi es sün ilg dadaint (ranta).
9. Item ils dus ranuoilgs, cun il grass chi [p. 274] es sú sura, è quel chi es sura d’ils flauncks: Mo la rasdella chi es sura da ’l nirom, dess el trar giuo cun ils ranuoilgs insembel.
10. Sco chi s’pilgia davent da ’l bouf da l’offerta d’ingratiamaint. Et il Sacerdot dess (quai) far arder, sün il utar da las offertas dad arder.
11. Mo la pel da ’l vdè, & tuot sia chiarn insembel cun seis cheu & chiommas: Itē il seis dadaint, & seis malnet.
12. In suoma tuot il vdè, dess el purtar ourdvart il Leger, in ün lö nett, in quel lö, inua chi s’bütta la tschendra, & il dess arder sün la laina cun fœ: In quel lö inua chi s’bütta oura la tschendra, dess el ngir ars.
13. Mo scha tuot la raspada dad Israel, vain ad havair pecchiâ tras ignorantia, & chia il fat es azupa avaunt ils öls da la raspada: E chi haveraun fat qualchiaussa, incunter qualchün dals comondomaints da ’l Senger, il qual nun dess ngir fat: Et [p. 275] usche sean crudats in cuolpa.
14. Cur il puchia vain à ngir cōtschaint il qual chels haun commiss: Lura la Raspada dess offerir ün vdè juven, in sacrifici per il puchia, & il dessen manar naun pro il Tabernaquel da la Raspada.
15. Et ils Seniuors da la Raspada, dessē metter lur mauns sün il cheu da ’l vdè, avaunt il Senger: Et (il Sacerdot) dess scianar quel vdè avaunt il Senger.
16. Et il Sacerdot chi es ütt, dess purtar da ’l saunck da quel vdè, aint in il Tabernaquel da la Raspada.
17. Et il Sacerdot dess tendscher aint seis daint in quel saunck, & dess sprinzlar set voutas, avaunt il Senger, avaunt la cortinna.
18. El dess eir da quel saunck, metter sün las cornas da ’l utar, chi es avaunt il Senger, in il Tabernaquel da la Raspada: Davo quai dess el sprinzlar tuot il saunck chi ais restâ, giuo da pè da ’l utar da las [p. 276] offertas dad arder, chi es pro la porta da ’l Tabernaquel da la Raspada.
19. Da plü dess el tour davent da quel, tuot il grass, & il fetsch’arder sura da ’l utar.
20. In suomma, el dess far cun quist vadè, ingual sco el ha fat cun il vdè da l’offerta d’il puchia, usche dess el far cun el. Usche vain il Sacerdot àls reconciliar, & ad eus vain à ngir perduna.
21. Alura dess el purtar oura il vdè, our dvart il leger, & il dess arder, ingual sco el ha ars il vdè passad: Il es ünn’offerta per il puchia da la Raspada.
22. Mo scha qualchün dals principals, vain ad havair pecchia, incunter ünqual comondamaint da ’l Senger seis Deis, da quels fats chi nun dess ngir fat, per ignorantia; usche chel sea crudad in cuolpa:
23. Cur seis puchia vain a ’l esser fat à savair, cun il qual chel ha pecchiâ: Lura des el purtar per sia offerta, ün buock masciel [p. 277] zainza defet.
24. Et el s’dess puzar cun seis maun sün il cheu dalg buock: Et (il Sacerdot) il des scianar, in quel lö inua chi sa scionna l’offerta dad arder avaunt il Senger: Il es ünna offerta dad arder.
25. Et il Sacerdot dess lura tour da ’l saunck, da l’offerta da ’l puchia, cun seis daint, & metter sün las cornas da ’l utar da las offertas dad arder: mo il reist da ’l saunck, dess el büttar oura da pé da ’l utar da las offertas dad arder.
26. Mo tuot seis grass des el arder sùn il utar, ingual sco il grass da l’offerta dad ingratiamaint. Et usche il Sacerdot vain à purgiar quel da ’l seis puchia; & quel ilg vain perduna.
27. Mo scha qualchún da ’l comön pövel da la terra, vain ad havair pechia, per ignorantia, & ha fat qualchiausa chia ilg Senger ha scomanda da far: & usche sea crudad in cuolpa.
[p. 278] 28. Cura chi ’lg ais manifestad il puchia il qual chel ha commiss: Schi dess el manar sia offerta, üna chiavretta chi tetta, zainza defet injün, únna femna.
29. Et el s’dess puzar cun seis maun, sün il cheu da l’offerta da ’l puchia: Et (il Sacerdot) dess scianar l’offerta da puchia, in il lœ da l’offerta dad arder.
30. Davo quai dess il Sacerdot tour da seis saung, cun seis daint, et metter sün las cornas, da ’l utar da las offertas dad arder: Mo tuot il reist da seis saunck, des el sponder oura, giou da pè da ’l utar.
31. Mo tuott seis grass dess el trar giuo, ingual sco il grass vain trat giuo da l’offerta dad ingratiamaint: Et il Sacerdot dess arder sün il utar, per ünna dutsch’odur à ’l Senger: Usche vain il Sacerdot à far la purgatiun da seis puchiad, & quel il sará perdunad.
32. Mo scha quel vain á manar, ün cheu d’bescha, per sia offerta, (per sacrifichiar) [p. 279] per il puchia: schi dess el manar üna femna zainza menda.
33. Et s’dess puzar cun seis maun, sün il cheu da l’offerta da ’l puchia: & il (Sacerdot) la dess scianar, per offerta da puchia in quel lö, chi sa scionna l’offerta dad arder.
34. Davo quai dess il Sacerdot tour da ’l saunck, da l’offerta da puchia, cun seis daint, & metter sün il utar da las offertas dad arder: mo tuot il reist da ’l saunck, dess el sponder oura giuo da pé il utar.
35. Da plü dess el tour giuo tuot seis grass, sco chi s’pilgia giuo il gras da ’l cheu d’bescha, da l’offerta dad ingratiamaint: Et il Sacerdot dess quel arder sün il utar, sur da las offertas chi s’faun cun fœ à ’l Senger. Et usche vain il Sacerdot alg purgiar, da seis puchia chel ha fat, & il sarà perdunad.
CAP. V.
[p. 280] 1. Autras Ledschas, da plüs sorts d’Sacrificis, per fals cummiß, tras infirmitad humauna, ignorantia, ù pauqua chüra. 14. Principalmaing ngond fallâ circa fats consecrads, da che d’sort persunas chi poßa esser.
1. CUra chia qualchün vain ad havair pecchia, chell ha udi üna relatiun cun il sacramaint, è chia el sea perdütta, sea lura chel haja udi, ù chel sea uschlö ngü per tschert: Schel nun vain á far á savair, schi dess el purtar sia iniquitad.
2. Usche eir, scha qualchün vain ad havair tuock, qualchia fat malnet, sea chi sea ün corp mort, d’ùna bestia sulvadgia malnetta, ùd ùn corp d’mual chiasaun malnet, ù d’ùn corp mort d’vermilgia malnetta: cumbain chel nun haja savù, schi es el pero malnet, & es culpabel.
3. Oder schel vain ad havair tock qualchia malnet dalg crastiaun, suainter tuot sia malnettischa, cun la quala chel s’po macular: Sea chi sea ad el stat azupad, ù chel haja savüd, schi es el pero culpabel.
[p. 281] 4. Oder scha qualchún ngis à jürar, usche chel tschantsches oura cun sia buoqua inconsideradamaing, da vulair far bön ú mal: scuainter tuot quai chia il crastiaun, ligiermaing soula tschantschar cū jùrar: E chia quai ilg es azupâ: è chel da vo quai cunguoscha, chel sea culpabel in ùn da quels fats.
5. Cuntuot scha qualchún es culpabel in ùn da quists fats; schi des el far confessiun, in quai chel ha pecchia.
6. Et usche maina naun pro il Senger l’offerta da sia cuolpa, per il seis puchia, ilg qual chel ha commiss, ünna femna da mual manüd, ú d’bescha, ù d’chiavra, p ünn’offerta da ’l puchia. Et il Sacerdot dess far la reconciliatiun per el, per il seis puchia.
7. Mo scha la pusibeltad da quel nun es taunta, chel possa manar ün cheu d’bescha ú üna chiavra; schi dess el manar, p ün’offerta à ’l Senger, per il puchia chell [p. 282] ha commiss, dus culuoms da turtur, ù dus culuomsets, l’ün per l’offerta dalg puchia; & l’auter per l’offerta dad arder.
8. Lura ils dess el manar à ’l Sacerdot: ilg qual dess il prúm offerir quel chi es per il puchia; & dess cun l’ungla da seis daint il talgiar il cheu dspera il culöz, pero chell nun il sparalgia da fat (dalg corp),
9. Et da ’l saunck da l’offerta, dess el sprinzlar contra l’ünna parait dilg utâr: mo quai chi vain à restar da quel saunck, quai dess ngir squitschâ oura, giuo da pè dalg utâr: per che il es ùnn’offerta per ilg puchia.
10. Mo cun l’auter dess el far ùnn’offerta dad arder, suainter chi ais ordinad: Et usche il Sacerdot vain à far la purgatiun per il puchia; & quel il sarà perduna.
11. Mo schel nun vain ad havair la possi bilitad, da manar dus culuoms da turtur ù dus culuomsets; lura des quel chi ha pa chia, manar per sia offerta, la deschavla [p. 283] part, d’únna Efa d’flur d’farina, per il seis puchia: Et nun des metter sù, ne öli, ne in tschais: perche chi ais ún’offerta per ilg puchia.
12. E maina naun quai pro il Sacerdot, & il Sacerdot des tour da quella ún maū plain, per sia recordaunza: & la des far arder sura dalg utar, sún l’offerta fatta tras il fœ álg Senger: Ilg es ùnn’offerta per il puchia.
13. Usche vain il Sacerdot á far reconciliatiun per il seis puchia, il qual el ha commiss, in ùnna da quellas manieras: & vai alg esser perdona. Et (l’autra farina) fará dalg Sacerdot, sco l’offerta da spaisa.
14. Darcheu tschantschet il Senger cun Moises, dschond:
15. Scha ùnqualchün vain à surpassar è pachiar, per ignorantia, (pilgiond) dalgs fats consecrads alg Senger, schi maina à ’l Senger (per sacrifici) da sia cuolpa, ùn bùmatsch zainza defet, dalg presch da taūts [p. 284] sickels d’argient, da ’l sickels dalg Sanctuari, chia tú vainst à taxar per la cuolpa.
16. Et usche de ’l restituir quai, chel cun pachiar, ha tngü tut dals fats consecrads: Et dess á quai amo metter pro la tschinchiavla part, & dess dar alg Sacerdot: Usche vain il Sacerdot à far reconciliatiun per el, cun il búmatsch da l’offerta da cuolpa, & vain alg ngir perdonâ.
17. Scha ùn qualchùn vain á pachiar & à far qualchiausa, incunter qualchún dals comondamaints dalg Senger, il qual nū dess ngir fat: cumbain chel nun ha savü, schi ais el pero culpabel: Et dess purtar si a iniquitad.
18. Cuntuot schi dess el purtar pro il Sacerdot ün bümatsch da pretsch, zainza defet, suainter la taxa, per l’offerta da la cuolpa: Et il Sacerdot vain alg reconciliar, per il puchia chel ha comiss per ignorantia, nun saviond, & il sarâ perdonâ.
19. Perche il es ünn’offerta per il puchia, [p. 285] chel ha commiss, pechond à tuotta via incunter il Senger.
CAP. VI.
1. Ledschas circa dals sacrificis, per fals fats, in dō dalg prossem, & cufassads voluntusamaing. 8. Et circa tschertas observat iuns da las offertas da d’arder. 17. Da las offertas comünas. 19. & da quellas dalgs gronds Sacerdots, cura chi vengen üts. 24. & davart ils Sacrificis per il puchia.
1. Da plü ha il Senger tschantschâ cun Moises, dschond:
2. Scha ünqualchún vain ad havair pechia, & surpassad incunter il Senger, in quai chel schneja à seis prossem, quai chel ilg ha tngü dat in salf, ù surdat in seis maun, ù chel ha tut per forsa, ù chel ha fat fraud à seis prossem.
3. Oder chel ha chiattâ qualchiausa stat pers, & quai vain el à schnajar, cun ün faus saramaint, in che d’fat chi sea, chia il crastiaun po far, pechond in quai.
4. Haviond el dimena pechia, & crudâ in cuolpa: schi dess el restituir, quai chell [p. 286] ha tut per forza, ù chel ha ingiana seis prossem, ú quai ch’il ais stat fidad è dat in seis salf, ú quai chi eira pers, & chel ha tngü chiattâ.
5. Oder che (autra) chiaussa chi ma possa esser, da la quala chel ha jürâ fausamaing: schi des el turnantar ilg chiapittâl, & metter pro amuo la tschinchiavla part: Detta à quel, dalg qual quai eira, in il di da l’offerta per sia cuolpa.
6. El dess manar alg Senger, sia offerta da cuolpa, pro il Sacerdot, ün bümatsch our da la scossa, zainza menda, per far ilg Sacrifici per il puchia.
7. Et il Sacerdot dess far la reconciliatiun per el, avaunt il Senger, & vain alg ngir perdonâ: che chiaussa chel haja fat, da tuott quellas, chi sa soulen far, è chia il crastiaun crouda in cuolpa.
8. Da plù tschantschet il Senger cun Moses, dschond:
9. Cumonda ad Aron & à seis filgs, è di: [p. 287] Quist es la ledscha da l’offerta dad arder: stetta l’offerta dad arder sura d’il fœ invidà, chi es sura d’il utar, tuot la not, infina la matinna: & arda il fœ dalg utar sura da quel (da contin).
10. E s’vesta ilg Sacerdot cun sia vesta d’lgin, & metta eir sura da sia chiarn las chiautschas da mùdar, d’lgin: è pilgia la tschendra dil utar davent, cur il fœ ha ars davent l’offerta dad arder, sur il utar: Et la metta d’ùna vart dalg utar.
11. Lura dess el trar oura quella vestimainta, & trar aint autra vestimainta: & porta usche la tschendra davēt, ourdvart il Leger, in ün lö net.
12. Et il fœ chi ais sur il utar, dess esser invidâ da contina; el ma nun des stùdar, mo il Sacerdot des invidar aint laina sùn quel iminchia damaun, & dess luar l’offerta dad arder indret sün quella, & arda sur quel il grass da l’offerta dad ingratiamaint.
[p. 288] 13. Il fœ dess continuamaing arder sün il Altar, ne ma s’dess stüzar.
14. Mo quist es la ledscha da l’offerta da spaisa; ùn dils filgs dad Aron la dess offerir alg Senger, avaunt il utar.
15. El des tour seis maun plain da la flur d’farina da l’offerta dad arder, & da seis öli, & tuot il intschais chi es sura da l’offerta: & fetscha arder il fat da fúment, sura dalg utar, per üna dutscha savur alg Senger. 16. Mo quai chi vain à vanzar da quella dess Aron & seis filgs mangiar: quai des ngir mangia zainz’alvon, in ùn lö sonig, in il púerti dalg Tabernaquel da la Raspada, dessen els mangiar.
17. Cun alvon nun desse ngir cuschinâ. Eug ils nhai dat per lur part da mia offerta dad arder: Il es ünna chiaussa sanctisma, ingual sco l’offerta dad arder, & l’offerta da cuolpa.
18. Iminchia masciel dals filgs dad Arō [p. 289] po mangiar da quella: (quist) es ùna ordinatiun perpetua in vossas generatiuns, da las offertas chi s’faun per fœ, à lg Senger. Che chi tuoqua quai, des esser song.
19. Darcheu ha il Senger tschantschâ cū Moises, dschond:
20. Quist es l’offerta dad Aron è da seis filgs, la quala chi dessen offerir alg Senger in il di chel vain à ngir ütt, la deschavla part d’ünna Efa d’flur d’farina, per offerta perpetua: l’üna mitad da quella la damaun, & lautra mitad la saira.
21. Quella dess ngir pina da in üna padella cun öli, & la desses manar scuflada sü: ils tocks cots desses offerir, per ún’offerta da spaisa, d’üna dutscha odur alg Senger.
22. Et usche fetscha il Sacerdot, il qual vain ütt in lö dad Aron, d’intaunter ils seis filgs, quella offerta; per ùna perpetua ordinatiun, dess quella ngir arsa tuotta alg Senger.
23. Et tuotta offerta dalg sacerdot dess [p. 290] ngir arsa interamaing, é nun dess ngir mangia inguotta.
24. Da plü tschantschet il Senger cun Moises, dschond.
25. Tschauntscha cun Aron, è cun seis filgs, è dy: Quist es la ledscha da l’offerta da puchia. In quel pröpi lö, inua chi sa scionna l’offerta dad arder, dess ngir scianâ eir l’offerta dalg puchia avaunt il Senger: Il es ùn fat sanctissem.
26. Ilg Sacerdot, il qual offerra l’offerta dalg puchia, la dess mangiar: la dess ngir mangia da in ùn lö soing, in il pùerti dalg Tabernaquel da la Raspada.
27. Tuott quai chi vain à tucquar sia chiarn, dess esser soing: è schi ngis sprinzlâ da quel saung, supra d’ün vestimaint schi dess quel vestimaint, sur il qual es sprinzla il saung, ngir lava in ùn lö soing.
28. Et il vasche da terra, in il qual ilg es cott, dess ngir ruot: mo schi ilg es cot in ún vaschè d’bruonz, schi dess el ngir struscha, [p. 291] & lava oura cun agua.
29. Tuots ils masciels, taunter ils Sacerdots, pon mangiar: perche chi ais ünna chiaussa sanctissima.
30. Mo tuott offerta per il puchia, dalg saung da la quala, vain ad esser manad in il Tabernaquel de la Raspada, per la reconciliatiun, in il lö soing, nun dess ngir mangia, mo ars cun il fœ.
CAP. VII.
1. Ledschas intuorn alchünnas observatiuns, dalgs sacrificis per la cuolpa. 11. E da render gratia. 22. Cun comondamaint da nun mangiar gras, ne saung da mualgia. 29. è che parts dals sacrificis pertengen pro als Sacerdots saja alg grond è parsura, oder als plü baß è pitschens.
1. MO quist es la Ledscha da l’offerta da cuolpa, il es ùn fat sanctissem.
2. Aint in quel lö, inua chi soulen sciannar l’offerta dad arder, dessen els sciannar eir l’offerta da cuolpa. Mo seis saung dess (il Sacerdot) sprinzlar sün il utar, intuorn intuorn.
[p. 291] 3. Mo tuot seis grass des el offerir; la cua, & il grass chi cuverna il dadaint.
4. Eir amandus ranuoilgs cun lur gras, & il gras chi es sü sura, & il gras dals flauncks: Et tira giuo la raschdella chi es sün il nirom, cun ils dus ranuoilgs insembel.
5. Et il Sacerdot dess arder quels fats sün il utar, per ünn’offerta fatta per fœ, à lg Senger: Ilg es ün sacrifici per il puchia.
6. Iminchia masciel, taunter ils Sacerdots, po mangiar: mo è dess ngir mangia in ün lö soing, il es ün fat sanctissem.
7. Sco chi es l’offerta per il puchia, usche dess eir esser l’offerta per la cuolpa; da quels, dess esser üna ledscha: E dess esser dalg Sacerdot, il qual ha fat cun quell la purgatiun dalg puchia.
8. Mo quel Sacerdot, chi fa l’offerta dad arder, per ùnqualchùn, quel dess havair la pell, da quell’offerta, chel ha offert.
9. Usche eir iminchia offerta da spaisa, chi vain cotta in fuorn: è tuot quai chi [p. 293] vain pina pro, in la padella, ù in la cudêra quai dess esser dalg Sacerdot chi offerescha.
10. Usche eir tuott’offerta da spaisa, chi vain masdada cun öli, ú chi ais sütta, dess esser dals filgs dad Aron, l’ün taunt co lauter.
11. Mo quist es la Ledscha da las offertas dad ingratiamaint, chi s’offerra alg Senger.
12. Mo schel vain ad offerir, offerta da laud, schi dess el cun l’offerta da laud, offerir fuatschas zainz’alvon, masdadas cun öli: è lazangas zainz’alvon, strichiâ cun öli: Mo quellas fuatschas chi sun masdadas cun öli, dessen esser fattas our d’flur d’farina, cun vaschias.
13. Mo pro las fuatschas dess el eir offerir paun cun alvon, insembel cun l’offerta da laud, da seis ingratiamaint.
14. Et da quel (paun alvad) praschainta ün da tuot l’offerta, in ün’offerta alvada [p. 294] alg Senger: Et quella dess esser dalg Sacerdot, chi ha sprinzlâ il saung dalg Sacrifici dad ingratiamaint: Da quai nun s’dess laschar vanzar inguotta infinna la damaun.
15. Mo la chiarn da sia offerta da laud, da seis ingratiamaint, des ngir mangiâ in quel di, chi s’offerra.
16. Mo scha sia offerta dad arder, es ün vut, ú ün’offerta voluntusa, schi dess ella ngir mangiada in quel di, in il qual chell vain ad offerir sia offerta dad arder: Et l’auter di, dess ngir mangiâ, quai chi ais stat vanzâ.
17. Mo quai chia da plü vain à restar, da la chiarn da quel sacrifici, dess in il tersavel di ngir ars cun fœ.
18. Perche, schi vain à ngir mangiâ ünqualchiausa, da la chiarn da sia offerta d’ingratiamaint, in il tersavel di, quel chi offerirá, nun vain ad esser accept: quel nun il vain à ngir quintà pro: mo vain ad esser [p. 295] üna vungua: Et la persuna chi vain ad havair mangiâ, vain á purtar sia iniquità.
19. Mo la chiarn chi vain ad havair tuock qualchiaussa d’malnet nun dess ngir mangiada, mo dess ngir arsa cun il fœ: mo taunt co dalg areist da la chiarn, quel la po mangiar iminchün chi es net.
20. Mo la persunna chi ha mangia da la chiarn dalg sacrifici dad ingratiamaint, (offert) alg Senger, haviond sia malnettischa à dös, quella dess ngir talgiada giuo da seis pövels.
21. Somlgiauntamaing la persunna, la quala vain á tuquar qualchiausa malnet, sea ün malnet crastiaun, oder ün malnet armaint, oder auter d’malnet, chi sa struozgia, è davo quai vain à mangiar da la chiarn da l’offerta d’ingratiamaint, chi (pertengia pro) alg Senger: quella persunna dess ngir talgiada giuo da seis pövels.
22. Da plü tschantschet il Senger cun Moises, dschond:
[p. 296] 23. Tschauntscha cun ils filgs dad Israel, è di: Vuo nun desset mangiar ingiün grass, ne da boufs, ne da bescha, ne da chiavras.
24. Il gras d’üna limargia morta, da sai sves, ù d’üna limargia scartazada da las bestias, pudai bain duvrar pro (auter) adöver tuot; mo mangiar nun desset per ingiünna via.
25. Perche, quel chi vain à mangiar ilg gras da quel mual, dalg qual chia ün ha fat sacrifici da fœ, alg Senger: quella persunna, chi vain ad havair mangià, quella dess ngir talgiada giuo da seis pouvels.
26. Usche eir, nun desset mangiar injün saung, in tuottas vossas hafdaunzas, ne dad utschels, ne da bestias.
27. Qual persunna, chi vain ad havair mangia saung, quella dess ngir talgia da giuo da seis pouvels.
28. Da plü ha il Senger tschantschâ cun Moises, dschond:
[p. 297] 29. Tschauntscha cun ils filgs dad Israel, è di: Scha qualchün offerra à lg Senger, ün sacrifici dad ingratiamaint, schi porta el sves alg Senger la sia offerta, dalg sacrifici da render gratias.
30. Seis mauns dessen purtar naun l’offerta dad arder, à lg Senger: porta il gras insembel cun il pègk, chi vengen manads via è naun avaunt il Senger.
31. Lura dess il Sacerdot arder quel gras sur il utar: Et il pègk dess esser dad Aron é da seis filgs.
32. Dadt eir alg Sacerdot, per offerta alvada, la spadla dretta, da voss sacrificis d’ingratiamaint.
33. Quel, dals filgs dad Aron, chi vain ad offerir, il grass & il saung, da l’offerta d’ingratiamaint, quel dess havair quella spadla dretta per sia part.
34. Perche eau nhai tut dals filgs dad Israel il pègk da l’offerta schmanada, é la spadla da l’offerta aduzada, da lur sacrificis [p. 298] da render gratias: Et nhai dat a ’l Sacerdot Aron, & à seis filgs, per ordinatiun perpetua, quai (chi s’dess tour) dals filgs dad Israel.
35. Quist es l’unctiun dad Aron, & l’unctiun da seis filgs, da l’offerta dad arder á lg Senger: In il di chel ils ha cumandats da s’prosmar naun pro, ad administrar il Sacerdotâl, alg Senger.
36. Ilg qual il Senger ha comondâ, chi ils vengia dat, in il di chel ils ha üts, dalgs filgs dad Israel, per ünn’æterna ordinatiun, in lur generatiuns.
37. Quist es usche la ledscha da l’offerta dad arder, da l’offerta da spaisa, da l’offerta da puchiâ, & da l’offerta da la cuolpa; Somlgiauntamaing, da l’offerta da la consecratiun, & da l’offerta d’ingratiamaint.
38. Il qual chia il Senger ha comondâ à Moises, sün il munt da Sinay, in quel di, chel ha comonda à ’ls filgs dad Israel, chi [p. 299] dessen offerir lur offertas, in il dasiert da Sinay.
CAP. VIII.
1. Moises haviond fat ngir insembel tuot la Raspada. 6. lava, è vesta Aron & seis filgs, cun las vostas soinchias. 10. Lura conseigra el il Tabernaquel, & tuot la vaschella soinchia. 12. & eir Aron é seis filgs.
1. Da plü tschantschet il Senger cun Moises, dschond:
2. Pilgia Aron & seis filgs cun el, & las vestas, & il öli dad uondscher, & eir il vdè pro il sacrifici dalg puchia, & ils dus bümatschs, & il chianaster cun il (pun) zainza alvon.
3. Et maina insembel tuot la Raspada, pro la porta dalg Tabernaquel, da la congregatiun.
4. Quai ha Moises fat, sco ilg Senger ilg haveiva tngü commondâd: Et la Raspada ven insembel, pro la porta dilg Tabernaquel da la Raspada,
5. Qua dis Moises à la congregatiun: [p. 300] Quist es quai, chia il Senger ha comondâ chia vuo fetschat.
6. E Moises fet ngir naun pro, Aron & seis filgs, & ils lavet cun l’agua.
7. Davo quai ilg trass el aint la Rassa, & il tschinter intuorn, cun la tschinta: Lura ilg trass el aint la mantella, & tras dsur in giuo il libruock: & il tschintet, cun la tschinta dalg libruock: & usche cun quella sarel la vestimainta à döss.
8. Lura matet el sura da quel, il Pectorâl, & in il pectoral matet el, Urim & Tummim.
9. Davo quai matet el sün seis cheu, ilg Chiapè Regal, & matet sur il Chiapè Regal, dret sia fatscha sü la lomma d’aur, la curuna da sanctitad; sco il Senger haveiva tngü comonda à Moises.
10. Moises pilget eir il öli dad uondscher & undschet il Tabernaquel, & tuottas las chiaussas chi eiran in quel, & las consecret.
11. E sprinzlet da quel set voutas sura [p. 301] dalg utar, & undschet il utar & tuot sia vaschella, & il Lavaduoir è seis peis, per ils consecrar.
12. Mo el sprinzlet eir dalg öli dad uondscher, sur il cheu dad Aron, & il üdschet per il consecrar.
13. Davo quai fet Moises approsmar naun pro, eir ils filgs dad Aron, & ils vestit cun las Rassas, & ils tschintet cū üna tschinta, & ils liet sü üna baretta, sco il Senger haveiva tngü comonda à Moises.
14. Lura fet el ngir naun pro, il vdè dal sacrifici dilg puchia; & Aron è seis filgs maten lur mauns, sün il cheu dalg vdè, il sacrifici per il puchia.
15. E Moises ilg scianet, & pilgiet dalg saung, & il matet cun il daint, sün las cor nas dilg utar, intuorn, intuorn, & purgiet il utar: Et il restaunt dalg saung bütet el giuo da pe dalg utar: & usche il ha ’l consecrà, per far purgatiun dals puchiads sura da quel.
[p. 302] 16. Da plü pilget el il grass tuot, chi eira sur il dadaint, è la rasdella dalg nirom, & ils dus ranuoilgs è lur grass: E Moises fet arder quai, sura dalg utar.
17. Mo el ardet ourdvart il Leger, il vdé la sia pell, la sia chiarn & il seis malnet: Sco il Senger havaiva tngü comonda a Moises.
18. Davo quai fet el manar naun, il búmatsch da l’offerta dad arder, & Aron è seis filgs puzen lur mauns, sün il cheu dalg bümatsch.
19. Et Moises il scianet, & sprinzlet ilg saung sura dalg utar intuorn, intuorn.
20. Lura talget el il bümatsch in tocks: Et Moises ardet il cheu, ils tocks, & il gras.
21. Mo il dadaint é las chiommas lavet el cun l’agua: E Moises fet arder tuot ilg bümatsch sün il utar: (sco) ünn’offerta dad arder, d’úna dutscha savur, & offerta fatta tras fœ, alg Senger: Sco il Senger haveiva tngü comonda à Moises.
[p. 303] 22. Lura fet el manar naun pro il secuōd bùmatsch, il bùmatsch da la consecratiun: Et Aron è seis filgs maten lur mauns sún il cheu dalg bùmatsch.
23. Et Moises il scianet, & pilget dalg saung, & matet giuo da pee, sün il tender da l’uralgia dretta dad Aron: & sur dalg pölsch da seis maun dret, & surn dalg pölsch da seis pè dret.
24. Usche fet el ngir naun pro, ils filgs dad Aron: & Moises matet da quel saung, giuo da pè sùn il tender da l’uralgia dretta, & sùn il polsch da seis maun dret, & sura da seis daint grond da seis pè dret: Davo quai sprinzlet Moises il saung, sùn il utar intuorn, intuorn.
25. Davo quai pilget el il grass & la cua, & tuot il grass dalg dadaint, & la rasdella dalg nirom, & amasdus ranuoilgs, cū lur grass insembel, & la spadla dretta.
26. El pilget eir il chianaster, dalg (paū) zainza alvon, chi eira avaunt il Senger, [p. 304] üna fuatscha zainza alvon, & ùnna fuatscha da paun fat cun öli, & ùnna lasangia: Et matet sura quel grass, & sura da la spadla dretta.
27. Et matet quai tuot sün las palmas dals mauns dad Aron, & sùn las palmas dals mauns da seis filgs: & fet schmanar, per offerta da schmanar via è naun, avãt il Senger.
28. Davo quai pilget Moises quellas chiaussas giuo da lur mauns, & las fet arder sura dalg utar, sura da l’offerta dad arder: sco ünn’offerta da consecratiun, d’üna dutscha odur: offerta fatta cun fœ alg Senger.
29. Lura pilgiet Moises il peck (dalg bùmatsch) & il manet via e naun, per únna offerta da schmanar, avaunt il Se(n)nger: quel fuo la part da Moises da ’l bùmatsch da l’offerta da la consecratiun: Sco il Senger haveiva tngù comondâ à Moises.
30. Davo quai pilgiet Moises, dalg œli