Brefs officialas

romancio

Mathias Anton Cadéras Indice:Decurtins - Rätoromanische chrestomathie, IV.djvu Brefs officialas Intestazione 27 giugno 2020 75% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
Proclama Priedi
Nuvola apps bookcase.svg Questo testo fa parte della raccolta Rätoromanische chrestomathie
Vol. IV

[p. 608 modifica]

M. ANTON CADERAS.

[Brefs officialas.]

(Inedita nach den Autographen des Schreibers.)

I.

Nro. 29. Dil statthalter dil district Gleñer

ail president della municipalitat de Degien, a Vignioign, burger Gilli Martin Caduff. —

Ladir ils 18 de gber. 1802.

Burger!

Ord vossa ad . . essa dils 7 de quest meins mi para ei de comprender pigl emprim, che vossa vischnounca demuossig pauca premura de vegnir suenter ails camonds digl emprim consul Bonaparte — pil second, che voss stai comembers della Municipalitat se dostian de puspei prender si quei offeci par amur della schliata pagaglia, ch’ei ad els vegnida rendida tschella gada — pil tierz, che era vus domondeias vossa dimissiun a garegieigias, che sch’ei stoppig esser municipalitat ei dei vegnir ordinau iña autra, o nova electiun. Denton, che jeu spetg vegniend sura de quels puigns ils pli precis camonds dil burger cantonsstatthalter, vus respond jeu sco statthalter dil district sigl emprim puign, ch’igl ei absolutamein neccessari ded obedir [p. 609 modifica] senza entardar ail numnau emprim consul, a che vossa vischnounca se trai a diess iña sventira, sche ella retarda de metter en activitat la municipalitat, ed ils auters officials stai vidavont. Gl’ei schon arrivau a Cuera truppa franzosa, a quella sa mintgia moment vegnir augmentada. — Jeu lavur cun peis, a meuns per far, che miu district vegnig schenegiaus — cò aber sai jeu ver speronza de quei obtener, sche las vischnouncas staten en stinonza.

Jeu vus respond sil second puign, che ils camonds, che jeu hai reciert, eên de instituir las municipalitats de vidavont — Ils comembers de quellas eên, sche bucca per tschentament, sil meins pil duer, che mintgia burger ha de pertgirar ton sco stat tier el ses convischins dil mal, obligai de se schar dovrar per quest moment — giestas stgisas vegnien allura adiña vegnir tedladas — sin la pagaglia dil muñ sa ins ca mirar — gl’ei adina iña gronda satisfactiun per in galantum de ver faig tut il siu pil bein star de ses convischins — sche quei fuss bucca, sche vess jeu era refidau miu fadigius, a prigulus offeci.

Jeu respond sil tierz piugn il medem en risguard de vossa persuña, a vus obligesch cun voss comembers ensemen, ton sco stat sin mei, de prender si vossas chargias, a far, che vossa vischnounca hagig bucca de pitir per monconza de persuñas, che la sostegnian.

Salit republican!

Il districts statthalter

M. Anton Cadéras.

II.

Nro 37. Il statthalter dilg district Gleñer

alla municipalitad de Degian, a Vignoing.

Gliont ils 23. de 9ber 1802.

Burgers!

Per assigirar la restitutiun dilg uorden constitutionell a prevegnir ad insurectionells movimens silg avegnir veva il burger regierungsstatthalter de quest cantun tras express camond dil regierung helvetic schon sut ils 12 de quest meins faig stampar la publicatiun, la quala jeu vus eil sein de questa bref termettel, e tras la quala, sco vus veseits, ei vegn commondau, che bucca mai ils freywilligs stai termess tiers l’armada dils insurgents, che han quei eunc bucca faig, sonder tut ils habitonts de mintgia liug, deigian imediatamein dar giu lur waffens sin quella moda, a maniera, sco gl’ei en la publicatiun seza explicau, a sut la peina somigliontamein en quella publicatiun contenida.

Suenter de quei aber ha il medem burger regierungsstatthalter reciért dil regierung l’instructiun de restringer la disarmatiun sin quels [p. 610 modifica] burgers, che han favariu l’insurrectiun; ne surviu sut ils fendlis dils rebels.

Sut questa restrictiun, che mida soletamein il tierz artikel della publitatiun, dei ussa senza entardar la disarmatiun vegnir effectuada, a vus, burgers municipals! veits sper las obligatiuns contenidas enten la stampada publicatiun /: priu ora il tierz artikel:/ eunc quella de distinguer denter ils habitonts de viess bezirk, quals seigian compri eil diember de quels, che dein vegnir disarmai, a quels bucca, ed esses responsabels per l’exacta notizia, che vus veits de dar leu sura a mi, a tras mei ail burger regierungsstatthalter — vul gir, che vus doveigias formar, a termetter ent iña lista specificada de tut quels, che han favoriu la laventada, ne ean stai tiers l’armada insurrectionella, ed han dau giu, ne bucca dau giu lur waffens, sco gl’ei prescrit.

Ils hahitonts de viess bezirk pon restar persuadi, che quei ei bucca mesiras, che derivan ni da mei, ni da vus, ni dilg burger regierungsstatthalter. Ilg ei necessarias precautiuns pridas della regenza, la quala aschi gitg, sco ella subsista /: vul gir tocha la constitutiun generala, che vegn fatgia a Paris veng introducida:/ ei obligada de dovrar tut ils miez per mantener ilg publi ruaus et ei enaquei sostenida dell’armada franzosa, la quala mai alura ven a se retrer da mintgia cantun, cura ilg ruaus ei stateivlamein en quei restitueus.

Vus vegnits burgers municipals! senza entard publicar questa mia bref cun la publicatiun dil burger regierungsstatthalter, a da leu d’envi vus secuntener suenter quella, sche vus leits bucca trer sur vus sez ils castigs, che vegnian dai a quels officials, che fan bucca lur obligatiun.

La munconza de risposta aber vegn a vegnir prida per iña negativa — quei per avis.

Salit republican!

Il districts statthalter.

III.

Nro 84. Il stadthalter d’il disrict Glenner

a la municipalitad da Degien a Vignioign.

Gliont ils 9 Xbr. 1802.

Burgers!

Il cuselg executiv della Republica Helvetica ha sutt ilg 9 d’il meins vargau decretau, ca tutt il sal, ca seigig encunter las leschas vengieus introducaus en la tiarra, ner s’afflig ounc els magazins ner tiers ils mercadonts per vender, dei vegnir sequestraus.

Necessitaus da dar executn a quei decret mi comonda il burger regierungsstadthalter da imponer a tuttas municipalitads la strenga obligatn da [p. 611 modifica] imediatameng metter il sequester sin tutt il sal ca s’affla en lur bezirck per vegnir en pin ner en gron vendeus, ner ca d’ils mercadons les ounc vengir introducaus.

Glei meu duver da vus admonir tiers l’exatta executn da quest comond, Burgers! a da vus far responsabels per tutt quei, ca tras vossa negligenza 5 ner malversaziun daventass en contrari da quei. Saveigias aschia co vus veits da sa contener, a steit sagirs, ca in vegnig a vigilar da quei ca vus figeits ner bucca figeits da quellas varts.

Salid republican

il district stadthalter

M. Anton Cadéras.

IV.

Nro 14. Il Statthalter dil district Gleñer

alla municipalitat de Degien à Vignoign.

Ladir ils 21 de Genè 1803.

Burgers!

La combra administrativa avend survegniu il camond della regenza de termetter ent senz entardar la nota de quellas municipalitats, las qualas hagien eung bucca pagau la generala impositiun d’uiarra, ne kriegssteür, stond che igl obergeneral Ney veglig sez ordinar l’executiun militara encunter quellas — mi camonda, de schi gleiti, sco mai pusseivel ei, per express dar part de quei ad ellas, cun avisar, che sche lur contributiun en temps de quater gis suenter la notificatiun seigig bucca messa giu en mees meuns, per vegnir termessa tiers agli, ella vegnig à compigliar era ellas en la nota dellas vischneuncas renitentas, che vegn termessa à Bern.

Vossa vischneunca, burgers municipals! se affla eil diember de quellas, che han eung bucca saddisfaitg! à per quei riceveits vus la presenta tras in express, il qual vus vegnits à pagar, sco cheu sut ei notau, se resalvond la combra administrativa era de metter si à vus vossa contingenta digl express, ch’ei vegnius de Cuera.

Seigies persuadi, burgers municipals! che la combra manegia bien, à vul tras quest avis spargniar à tutt las vischneuncas de sia administratiun las sgarscheivlas spesas, à grevas consequenzas d’iña executiun militara, senza quei vegniess ella tutt à la grada ver termess la nota à Bern, à schau suondar quei che voleva; — à se sproveit par quella fin de muentar voss convischins tiers il prompt adempliment de questa schon da gitg scrett’ora contributiun. —

Quels han eung mai empruau iñ’ executiun militara, à velgig il Ciel, ch’ei emprovian bucca! — mantener schuldada suenter lur garegiar, et eung dar mintgia gi, à mintgia schuldau iña paga buñ à gronda, porta en paugs gis [p. 612 modifica] pli, che quella contingenta, che vegn dumondada, à che vegn bucca schada suenter, mò procacciada eil temps dell’executiun. Duess aber, sco gl’ei feitg carteivel la renitenza d’antginas vischneuncas caschunar l’augmentatiun della truppa eil cantun, sche fussen quellas eung dasperas la chischun de smisereivlas spesas agli cantun sez, et a biars, ch’empon nuotta. — a cò lessen ei rispunder per suenter? freylich vegniessen ellas era, a zvar giestamein, à stuer portar giu las spesas de quellas vischneuncas, nua che la truppa sin ilg marsch se ferma, cun quei aber fuss il doñ apportau ails auters, eung nagliu resarcius avunda.

La combra administrativa eilg medem temps, che ella mi camonda de tener quei tutt avon allas vischneuncas rinitentas, vul era, che jeu las avisig, che cura ellas ina gada en messas sin la nota, la executiun vegnig adina crodar sin ellas, sche giè, che ellas dafertont pagassen. Ord quei veseits la necessitat absoluta de pagar endeifer ils quater gïs — duront ils quals vus mi vegnits afflar à Gliont.

Salit republican!

Il districts statthalter

M. Anton Cadéras.


P. S. Le regordeit era dil bott de Gliont —

aigl express aber vegnits a paga Xrs 40 —

Il distr. statthn.

V.

Nro 136. Il Statthalter dil district Gleñer

alla municipalitad da Degien a Vignioign.

Gliont ils 17 de Jeñer 1803.

Burgers!

La combra administrativa se occupond cuils quins della vischnouncas, che dils 22 de 9ber enneu han giu schuldada en quartier, per schar vegnir tier ad ellas la empermessa bonificatiun, ha s’atgiert, che differentas vischnouncas de quest district han lur quins eunc bucca dau ent - et ha per consequenza dau scaffiment a mi de far de saver ad ellas, ch’ei dettian en lur quins sil pli cuord pusseivel. Ord quests quins sto ei constar, cons umens gl’ei stau, a con gitg quels han en quei liug se teniu si - era il temps - ent il qual, ne pil qual gl’ei vegniu traig las ratiuns de peun, a carn. Sche vus esses eil cas, dil qual ei cheu se plaida, sche vegnits en temps ded oitg gis a mi schar vegnir tier ils quins domandai.

Salit republican!

Il districts Statth.

M. Anton Cadéras.

[p. 613 modifica]

VI.

Nro 158. Il Statthalter d’il district Gleñer

a la municipalitad da Degien, a Vignioign.

Lgiont ils 11. Favrer A°: 803.

Burger.

La stampa che acompōgia questa bref vengits vous sin ilg pli gleiti puseivel a publicar en vossa vischneunca, a leu suenter exponer en lieug public, per not che minch’in che ves lust de prender survetsch vengig informaus d’ils avantaigs de quel, d’ilg qual ei bein setractescha. Glei absolutameing scomendau de quella scarpar navend de sieu leug p consequenza vengits vous a ver bein adaig sisur, e far assaver ils nums da quels che quei figiessen sch’ei vengien a vossa savida.

Salid republican

Il district sthltr.

M. Anton Cadéras.

VII.

Nro 173. Il statthalter dil district Gleñer

alla municipalitad da Degien, a Vignioign.

Gliont ils 19 de Fevrè 1803.

Burgers!

Vus re . . . que sta bref de duas sorts stampas de publicar suent’il solit. Tras l’iña veg. . . . che ha lust d’emprender la pli adequata maniera de far scola, ne mussar alla giuventegna, envidaus de l’adressar tiers la combra administrativa per vegnir instruius dellas conditiuns, sut las qualas el pudess vegnir prius si ell seminari de Burgdorf — à tras l’autra vegn ei fixau la methoda de trer ent la taxa helvetica per las patentas; mo questa davosa ha bucca plaz en niess cantun, stond che las leschas, sin las quallas ella se fundamentescha eên mai stadas publicadas leu, ne messes en executiun.

Salit republican!

Il districts statth.

M. Anton Cadéras.

P. S. Davart la sanadat della s. v. biestgia restan mai Lumbrein a Cumbel en quarantena.