Sagen (surselvisch)
 |
Questo testo è incompleto. | |
Questo testo fa parte della raccolta Rätoromanische chrestomathie
Sagen.
1. La filunza e la scavunza si Crapner.
Dadens Crapner sur Siath, vegn ei raquintau, seigi ei duas femnas, ina fili e lautra scavi. Cu quella, che scavi, fetschi ir il scav sil pli ault grad, tragi il favugn e quel porti plevia. Cu la filunza fili sil pli ault, sche tragi ei in suffel, che porti garnialla.
2. Las femnas, che fagievan camischas en Strem.
Ina gada er' ei enta Strem in buob, che partgirava thiers et ei era il di de Sontgilchrist. Aber quei buob saveva buc, ch' ei fuss Sontgilchrist. … Allura ha el viu duas femnas, che fagevan camischas. El ha enconuschiu ellas et ha dau ad ellas de sia marenda. Aber ellas han magliau mo caschiel. Avon ch' ira naven, han ellas detg ad el: Mira, che ti hagies oz tes thiers ensemen; pertgei ei vegn eunc oz ina burascla!“ E bein gleiti eis ei vegniu1 ina tribla malaura cun neiv.
3. La femna, che fagieva dar garnialla si Surcrapp.
In onn vevan ils de Siath in starle de Ruschein2 en lur alp. Quel rabitschava ina sera si „Surcrapp“ ils stiarls. Cheu ves' el mond ina femna da leu si encunter il crap de Tschagugliuns. El crei, che quella seigi sepiarsa e damonda, nua ella vegli ira. Mo ella dat negina risposta e va vinavon. Cu l' ei stada si sper quei crapp, sche aulza ella si la schuba entuorn, entuorn et ei entscheiva sinquei a dar garnialla enzatgei sgarscheivel.
4. Igl umm e la femna, che fagievan never si Scharinas.
In schliet onn stuevan ils pasturs d' alp savens vegnir culs thiers ella bassa. In di vegnan dus pasturs culs thiers à Surpaliz, da lautra vard de 5 Selva. Pertgiront leu lur thiers, observan ei da lautra vard sin Scharinas in umm et ina femna en in dutg. Quels mavan pil dutg si e giu a turschont l' aua. Sinquei di in dils pasturs tier lauter: „Lein bein mirar, tgei quels dus cheuvi fan plaunsiu!“ Gleiti vesan ei, ch' ei seglian dil dutg giu, tochen tier la seiv, che sparta la pastira dil prau. Igl umm seglia lu sur la seiv 10 o egl prau e dat à tiarra. La femna semetta culla bratscha silla seiv e mira rient, co gl' umm leva si. Gl' umm cuorra dil prau si, tochen ch' el arriva tier ina casa de mises. La femna cuora suenter la seiv vi tochen tier quella casa. Ussa semettan domisdus si per la casa in sper lauter e lur vestgadira … ei vegnida tutt alva. Gl' auter di ei lu dau neiv tochen ella bassa. 15
5. Il tarmegl.
In umm de Tujetsch era el cuolm a far fein e pastg. Havent pinau de rischlar il fein, vegn ei in tarmegl, che va cun tut il fein. Cheu tila gl' umm il cunti el luft et il tarmegl cala si. Mo il cunti ha gl' umm buc anflau pli. 20
6. Igl umm cun il fazolet alv.
Plirs ummens en la tegia dell' alp de Tgetlems han inaga de bi clar di udiu de maneivel de tuttas sorts ramurs e scadanems, sco sch' ei ruclass leu dallas plauncas giu prauls e calderas, stgellas e stgalins, tut ch' ei zacudeva la tiara. Ei van odaviert e vesan sisum il fil della pezza in umm, 25 che mava vi e neu e sdermenava in fazolet alv, sco sch' el spuentass las mustgas. Bein gleiti ha ei dau neiv entochen la val.
7. Il stierl stgirbrin sin Fantauna freida.
Enasi Fantauna freida han ina gada dus pasters, ch' eran vegni giu da Plaun gron, tut en inaga udiu a clammar: „Vegni, vegni!“ Cheu seigi ei 30 da bi miezdi vegniu tut stgir en la tegia; ils pasturs han palpont anflau gl' esch tegia e mont ord tegia han ei udiu in sgarscheivel bierl. En dadens tegia han ei lu entupau in stierl stgirbrin.
8. Las duos femnas sin l' alp de Tiarms.
Sill' alp de Tiarms ha il paster inaga viu ina dumengia bein marvegl, 35 cura ch' el mava cun sia chitschada dadens la tegia enasi, sur ils platius dado la val Vigleuna, duas femnas, ina tut en tschietschen e l' autra tut en alv. Quellas mavan d' in crest sin lauter e perfin sin ils pli malsegirs grugns e fagevan sco d' encurir flurs. Ei era in di de stupenta biall' aura. Suenter ch' il paster ei staus o las pegnas de Calmut, eis ei vegniu ina brentina ord la val Vigleuna, en cuort eis ei stau freid e mitgiert e prest ha ei entschiet a plover, dar garnialla e never de tala maniera, ch' ei han 5 bunamein stuiu schar ira ils thiers à frusta et aunc quella sera stuiu ir cun las chischadas giu en la val.
9. Las duas femnas, che fagievan caltschiel sisum Praus.
Inaga ei in umm vegl ius sisum Praus et jus en ina tegia. Cheu era ei duas femnas, che fagievan caltschiel. Gl' umm ha detg ad ellas: „Jeu 10 stoi ira a catschar giu thiers.“ Sinquei han las femnas detg à quei umm vegl, el possi ira dabot, ei savessi eunc vegnir oz a plover. Gl' umm vegl ei sinquei ius bein spert encunter casa, mo el era buc ius ditg, sche ha ei entschiet a dar garnialla.
10. Quels che peinen lenna egl uaul de Cavorgia.
15 Egl uaul de Cavorgia udev' ins savens duront la notg a pinar, tigliar e scursar lenna. Nagin astgava ir a mirar, tgei quei fussi. Finalmein pren in umm la gagliardia, va e sezuppa la notg en quei liug.
Cheu vegn ei puspei pinau lenna sper el. El veseva, co las stiallas seglievan per gl' uaul entuorn; quels, che pinavan, vesev' el aber buc. Plein 20 tema astgava el buca seruchiar, schegie ch' el ha viu, ch' ina stialla ei seglida ad el en sac. Cura ch' ei ha tucau de stizar, han ei calau de far lenna et gl' umm ha astgau ir ord gl' uaul. Arrivaus à casa, ha el rugadau ora il sac et ha anflau en quel in toc aur.
11. Quels, che segaven en las caglias de Sontga Onna.
25 In mat de Trun fuva inaga staus o Darvella à matauns et ei vegnius à casa per las duas della notg. Cura, ch' el ei staus en in toc, sche ha el udiu a cantont enzatgei stupen et ha tertgau, ch' ei seigi mats de Zignau, che mundien anora. Per buca entupar quels, eis el ius iu toc ord via e dellas caglias de Sontga Onna en. En lezzas ha el udiu a segont; ei devan 30 cun las faulschs encunter la crappa tut, ch' ei deva fiug e lura gizavan ei; mo el veseva nigin.
12. Igl He, He egl uaul de Cumbel.
En igl uaul de Cumbel setegn ei si in aschi numnau „He, He!“ Inaga 35 segi in umm eus tras quei uaul e tut en inaga ha quel udent igl He, He survegniu las combas aschi grevas, ch' el pudeva bucca far in pass pli. Tut de vilau gi el: „Less ch' il nausch purtass.“ Sinquei ha el saveu ira aschi dabot sco vivon.
13. Il butatsch cun egls en Arliun.
40 Dus mats mavan à Madernal à mattauns e vesevan mitga gada en Arliun en via in butatsch cun egls. Quel laghiava de seruclar denter las combas ad els. Ina ga raquintan els quei al farrer e quel cusseglia ad els, de star à casa.
Raquintond ils mats, ch' ei mundien tier quellas mattauns per far lur fortuna, dat il pleivont ad els in fest cun guotas melnas et in bintgun. El di lura, che sch' il butatsch selaschi aunc pli ver, deigien ei furar quel cun 5 quei fest. Ils mats ein lu puspei ii3 ina sera à Madernal à matauns; cheu ei il butatsch cun egls ruclaus encunter els. Mo senza sentardar han ils mats dau à quel ina ferma furada cun il fest, ch' il farrer haveva dau e burlent sgarscheivel rocl' il butatsch cun egls dellas plauncas giu, egl Rhein. Suenter han ils mats mai viu il butatsch cun egls pli. 10
14. Il butatsch cun egls si Giuf.
Ina dunna orasi Giuv veva schau maner ora ils thiers, essent gleiti temps de cargar ad alp. Ina vacca, cu glei stau stgir, semussa de giugar e cuora à sparuns vi encunter las teissas plauncas de Selva. Essent quellas aber fetg teissas, rocla la vacca. Tuts ils auters thiers han fatg il medem. 15 La dunna, plein tema, ei jda suenter et ei era jda della teissa plaun cagiu per encurir ses thiers e mirar, sch' ei seigien eunc en vetta[.] Seruschnont della plaunca si, rocla in butatsch cun egls ad ella giu el tschos. Dalla tema e sgarschur dat la dunna vi da mauls e revegn per lautra damaun[.] Arrivada en siu mises, eran tut ses thiers lau seuns e frestgs. 20
15. Las Tschalareras et il buob.
Ina gada han ils gieniturs schau in buob la sera en in iral. Las Tschalareras ein vignidas à bratsch, sco adina et han en lur furia priu il buob e portau, ch' ei han mei viu pli el. …
16. Las Tschalareras si Naustgel.
25 Ina sera eran ils thiers tut ruaseivels el stavel si Naustgel. Cheu ein tut en ina gada las Tschalareras vignidas à bratsch tras il stavel. Las vaccas han las Tschalareras chitschau tut el luft, che nagin ha viu ellas. Turnadas4 l' autra dameun las vaccas en stavel havevan ei strom ris el peis.
17. La Siarp si Tschamut.
30 Sut Tschamut er' ei ina siarp, la quala haveva in pindel enta culiez[.] Vid quei pindel pendevan duos clavs. Alura eis ei vegniu ina femna speras vi. Quella ha emprau: „Tgei fas ti cheu?“ La siarp ha detg. „Jeu stoi star cheu entochen la fin dil mund.“ Allura ha la femna detg alla siarp, sch' ella sapi bucca gidar ella. La siarp ha detg, sch' ella laschi 35 strihar ella la fatscha e senuspeschi bucc, sche sapi ella deliberar ella et allura sapi ella aunc prender las clavs, e tut quei, ch' ella possi arver cun quellas clavs, seigi tut siu. Sin quei ha la femna detg de seschar strihar la fatscha, mo eis ella senuspida, cu la siarp ei sesturtigliada entuorn ella per strihar. En quei moment ei la siarp stulida. 40
18. Il buc alv et igl umm de Cavorgia.
In umm de Cavorgia steva ina gada surnotg en in nuegl d' in mises, havent de mirar ora, ina vacca, che haveva de far vadi. Viers mesa notg sesarva igl esch nuegl et in stermentus umm vegn en dad esch cavalcont 5 sin in buc tut alv. Essent staus entadem nuegl, cava quei umm si ina rusna e tschenta giu en quella ina chista, che conteneva in scazi, cuviera puspei en e di: „Quei scazi dei mai nagin anflar; schegie ch' in cavass en quei liuc! Tgi, che voless anflar quel, stuess cavalcar en quei nuegl sin in buc alv, semegliont al miu, che havess bucc in tac!“ Igl umm stermentus ei 10 sinquei puspei cavalcaus ord nuegl et ius per5 siu fatg. Igl umm de Cavorgia haveva cun tema mirau tier tut quei. El tratga: „Ei fuss donn, sche in aschi grond scazi restass cheu zupaus.“ Lautra damaun cav' el, mo adumbaten. … Allura seregord' el, che quei umm terribel hagi tschentau per condiziun d' anflar il scazi, ch' ins stopi cavalcar en quei nuegl sin in buc alv. In 15 tal era bucca tgunsch d' enflar. Biars onns ha el giu, avon ch' el hagi enflau in tal. Finalmein reusesch' ei de comprar in buc tut alv per in pign prezi. Ina sera dellas mademas uras, sco l' auter, cavalchesch' el en quei nuegl sin il buc alv e suenter haver cavau bucca ditg, anfl' el il scazi.
19. Ils treis de Fallera à Paris.
20 Treis ummens de Fallera eran la sera avon il Num de Maria (pardanonza) … à Paris e havevan cussegl, co far d' esser glauter di à Fallera sin la pardanonza. Cheu dat ina femna veglia cussegl ad els d' in semetter sin in buc alv de cauras, l' auter sin in piertg et il tierz sin ina caura, aber de tschintschar toca Fallera bucc in plaid. Aschia han els fatg: in 25 ei semess sin in buc, lauter sin ina caura et il tierz sin in piertg et ein ira sin viadi. Quels thiers maven tutt en in fem. Cheu semegliava ei halt tonaton memia liung à quel sil piertg de tschintschar nuot et el di enzatgei encunter siu piertg. Sinquei stulescha quel et umm tutt ensemen et ins ha mai veu pli els. Ils auters dus han cuschiu fideivlamein tochen Fallera e 30 ein perquei era arrivai sin la pardanonza ventireivlamein.
20. Il bau à Vrin.
A Vrin vegnev ei salvau si en ina casa ina scattla cun in bau. Quella scattla sesanflava en igl encarden meisa. Mintgia gi savev' ins prender ord quella trenta bluzchers; davontier vegnev' ei lu en la scattla trenta bluzchers 35 d' in gi à lauter.
21. Igl uors en Val Sumvitg.
In catschadur ha viu en val in gron uors. El ha sitau giu el, aber enstagl siglir o seun eis ei ei sigliu ora suppa de frina cun tschareschas. En pign moment ha ei tucau de miert à Surrhein et in umm ei 40 vegnius tier il catschadur et ha detg, ch' ina femna, che haveva schliet num, seigi grad morta della mort anetga. Il catschadur ha lura saviu, tgei la suppa cun frina de tschareschas munti.
22. La femna sper il dutg.
Inaga er' ei in catschadur, che mava alla catscha. El ha lu viu ina femna sper in dutg e quella di ad el, sch' el stetti leu oz entochen las 5 dudisch della notg, sche sei ella librada, schiglioc stoppi ella star leu l' entira perpetnadat. El ha lu detg, ch' el vegli star. Suenter in' urialla ves' el a vegnent da quei dutg giu spir camutschs, mo el scheva; „Liberar in' olma ei tut pli che quei.“ Suenter han ei entschiet a ruclar da quei dutg giu spir aur et argient. Mo el scheva puspei: „Liberar in' olma ei tut pli, 10 che quei.“ Cura ch' ei gliei stau las dudisch della notg, era la femna liberada et el ei jus à casa. Cura ch' el ei vegnius à casa, era sia sora, che fuva schiglioc adina tresta, legra e quella, che fuva adina legra, tresta.
23. Il Blass de Lavaz.
L' alp de Lavaz, ch' apartegn presentamein alla Vischneunca de Medel, 15 udeva pli da vegl à Sumvitg. Avon biars onns han ils de Medel tut anetgamein … entschiet dispeta cun Sumvitg e pretendiu Lavaz per els. Quei ha dau dispetta e l' uatga ei ida en l' alp per decider quella causa. In de Medel duei lu quei di haver mess tratsch de siu jert en ses calzers et esser ius à Lavaz, leu hagi lu el engirau cun detta stendida, ch' el stetti sin siu tratsch, 20 e sin quei engirament ha l' uatga decidiu en favur dils de Medel. Quei umm ei suenter sia mort per strof de siu engirament ius entuorn en l' alp burlent sco in bov. In sogn spiritual hagi scungirau il bov en in pign lac, che sesanfla en quella alp. Mo cura, ch' ei vegn mal' aura, ne las quater tempras, aud' ins aunc ussa a burlent el. 25
24. La fantauna si Clavadi.
Ina gada ein plirs affons de Clavadi ii vi tier la fantauna. Cheu han els viu, ch' ei bugleva si raps en la fantauna. Mintgin ded els ha priu in pugn plein e purtau à casa. Ils gieniturs han viu, ch' ei era bials bluzgers … novs e quels ein spert ii ora tier la faunteuna. Mo cura ch' ei gliei 30 vegniu glieut gronda, bugliev' ei si nagirs bluzgers pli.
25. Igl ischi sper Sontgia Onna.
Gl' onn della ujarra encunter ils Franzos, suenter ch' ils noss havevan giu piars giu Rechanau, ein ils Franzos tratgs tras Trun et han sitau sin igl ischi sper S. Onna. Cheu eis ei flessiau saun ord igl ischi, dil mal, 35 ch' igl ischi haveva, ch' ils Grischuns hagien piars la libertat.
Sut las ragischs digl ischi à Trun eis ei era ina fantauna ded' aur.
26. Ils garnedels.
Il giavel ha inaga gariau da Niessegner ch' el laschi era ina plonta ad el. Niessegner ha dau al giavel ils garnedels; mo per far, ch' il6 giavel 40 sapi bucca noscher cun quels, ha Niessegner fatg suravi ina crusch, sco ins vesa aunc oz vid quei fretg.
26.7 Ils farbuns.
S. Pieder migliava inaga farbuns. Lura ha Niessegner emparau, tgei 5 el magli. „Nuot“ ha S. Pieder respondiu. „Sche dovei ei esser nuot!“ di Niessegner e da cheu denvi spisgientan ils farbuns buc.
27. Il plumatsch Niessegner.
Sin in plumatsch, sco el crescha sin la spinatscha, ha Niessegner durmiu en la stalla de Bethlamen, pertgei Nossadunna haveva buc auter plumatsch.
28. Il crapp si Friberg.
Sin la val Friberg fuv' ei in crapp gron e cheu er' il giavel suten. In umm de Schlans ei inaga jus si tier quei crapp et ha detg: „Sch' il giavel ei cheu suten, sche duei el vegnir ora!“ Sinquei ei vegniu ora in tgaun ner et ha persequitau gl' umm tochen giu S. Onna, nua ch' el ei lura svanius. 15
29. La platta de Caschlè.
Sin l' alp Caschlè setanev' il striegn si fetg bugien e fageva il barlut sin ina platta, che senumna la platta dil barlut. In spiritual ei jus si et ha benediu quella platta, aschia ch' il striegn ha stuiu ceder de quella e sin la platta ha el tigliau en il num de Jesus. Cura ch' el vegneva engiu, 20 voleva el beiber aua ord in dutg. Cheu vegnev' ei giu crappuna, per impedir quei. Il spiritual haveva aber nagina tema de quella crappa. Las strias han aber griu plein rabia: „Ina gada che ti has buca la scrotta nauscha cun tei, pudein nus schon tier tei.“ In per onns suenter mava quei spiritual igl unviern, cura ch' ei era gronda neiv, da Sedrun à Rueras, 25 et el haveva emblidau la stola. Cheu greschan las strias: „Fagiei ir la lavina! El ha bucca la scrotta.“ El fui en il vitg de Zarcuns davos in clavau. La lavina vegn e pren naven da quei vitg sulet quei bagetg; el vegn en la lavina e miera en quella.
La platta dil barlut à Caschlè ei aunc adina lau cun il num de Jesus 30 lien; ins di, ch' il striegn hagi transportau quella stermentusa platta sin in fil seida daven dal Badus neu a Caschlè. Ins veza orasum il crapp ils absatzs dils calzers dil sunadur dil barlut.
30. La platta de Runcaglia.
Enta Runcaglia eis ei ina platta, nua ch' ins encorscha igl absatz 35 d' in calzer. Sut quella platta han ils zagrenders satrau viva lur veglia, e lu saltau aschi ditg et aschi bein sin quella platta, ch' igl ei restau las nodas d' in absatz.
31. Il crapp de Puoz.
Sur Ruschein, si en igl uaul sesanfla il crapp dellas strias, numnaus „Crapp 40 de Puoz“. Quel ha la fuorma d' in von. Cheu eran ina gada treis strias, … che vevan seschau giu, de ruclar quei crapp giu en la vischneunca de Ruschein e far quella sutsura. Cheu schevan ellas ina encunter l' autra: „Nus stuein fistgienar, avon che Gieri, Gioder e Christian semuentian!“ A quels Sogns en numnadamein ils treis zenns della baselgia parochiala à Ruschein dedicai. Per cletg ha ei lu grad entschiet a tuccar à Ruschein, aschia che las strias han buca saviu ruclar il crapp. 5
32. Il crapp de Sontg Zein.
Si egl uaul sur Schluein ei in crapp, nua che Sontg Zein ei staus, biars, che van sper quei crapp vi, beten ina frastgia sin il crapp.
33. Il crapp de Martgiuna.
A Laus eis ei en in prau, numnaus Martgiuna, in crapp, che ha en la 10 noda ded in pei. Gl' onn della reformaziun ei igl avat Christian8 de Castelberg … ius en in di per tut la Cadi a perdagont et ha fatg quei viadi en treis sbargats. Gl' emprem sbargat, ch' el ha fatg, ha el passau sil crapp de Martgiuna et ha schau anavos la noda de siu pei.
34. Il Derschalet.
15 A Selva viveva avon bia onns in taffer giuven, che haveva aber quasi mintga notg il derschalet. El pren surdaquei plaid e cussegl cul spiritual … de quei liug. Cura ch' el ha lautra notg puspei survagniu il derschalet, ha el fatg ina certa enzenna, ch' il spiritual haveva detg et ha sinquei podiu levar si, ira giu e stupar cun pupi la rusna della clav digl esch-combra. Il derschalet era calaus et el ha saviu turnar enta letg et dormir ruasseivlamein vinavon. Gl' auter di er' ei en sia combra in stupen bialla giuvna; quella pudeva buc ir daven dad el el pli; pertgei per puder daven, stueva ella ir ora per la medema rusna, ch' ell' era vegnida en. El ha salvau la giuvna plirs onns fumitgasa et essent che quei era ina stupen 25 brava giuvna, sche ha el plaun e plaun survegniu affectiun per ella e maridau ella. La rusna della clav mirava el aber bein, ch' ella sei adina stupada. Els ein vivi plirs onns ensemen et han giu plirs affons. Inaga ha la dunna detg a siu umm: „Ussa sas ti schon prender ora quei ord la rusna della clav; ussa drovas ti nuota temer, ch' jeu fuigi pli. Jeu hai 30 gie memia bugien tei, ch' jeu pudess bandonar tei“ … El ha cartiu ad ella, Ina sera, avon semetter a ruaus, ha el priu ora il pupi ord la rusna della clav. L' autra damaun era sia dunna daven et el ha mai viu pli ella. Il pli mal steva gl' umm, che la dunna havev' era priu ils affons cun ella.
35. Il Fulet.
35 Inaga fuv' ei ina femna en Lumneza, che selamentava si per in' autra ch' ella hagi adina il fulet a quella amitga ha cussegliau alla femna, de metter sin ella ina segir lada duront la notg cugl tigliom engiu. La femna ha fatg quei; mo ella ha mess la segir lada cugl tigliom ensi; pertgei ella ha tertgau, sch' il fulet vegn, savess el aunc tigliar mei. La notg ha la 40 femna giu il fulet; mo quel ha cuzau fetg pauc temps e cu la femna ei sedistadada, schischeva sia amitga morta sur ella en sin la segir. … … … …
36. Il Darschalet et il minal panetscha.
In umm survegnieva mintga notg il darschalet, el ha selamentau si per in auter e quel ha detg, ch' el dovessi mo metter in minal panetscha sin la fala digl esch e lura vegni el schon libers. El ha fatg suenter il cussegl 5 e la notg, cura ch' il darschalet ha vuliu arver igl esch, ei il minal cun panetscha ruclaus giu et el ha stoviu encurir si tutta puspei, pertgei don astga il darschalet buca far. El ei vegnius aschi unfis ded encurir si la panetscha, ch' el ei staus contens de buca turnar pli.
37. La fumitgiasa e la mugia.
10 In pur, che haveva ina grassa e bialla mugia saveva buca capir, pertgei quella fussi mintga dameun tut bletscha dil suar e schamessi aschi fetg. Ina gada ha el tertgiau: „Ti vul tuttina mirar ora ina gada, tgei quei ei!“ Et el ei staus en nuegl la notg. Cheu vegn sia fumitgasa e strocla si quella mugia, entochen ch' ella ei stada tut bletscha. La Dameun ha il 15 patrun domendau la fumitgasa, pertgei ella fetschi quei cun quei thier. La fumitgasa … ha rispondiu, ch' ella stoppi far quei aschi ditg, ch' ella astgi buca struclar de poder far ventscher il thier e quei possi ella buc senza lubienscha dil patrun. Il patrun ha dau la lubienscha, l' autra dameun era era la mugia vintschida e la fumitgasa ei stada liberada. 20
38. La Dieulda della Runcca.
Dadens Laus fuv' ei inaga egl uaul ina casa de crapp. Quella casa era fetg pintga, macorta et ei era en mo duas Dieuldas empau veglias. Ina de quellas veva teniu sil batten in affon de Laus. Inaga ei la mumma digl affon ida cun quel tiella madretscha e quella ha dau alla cumar, avon che 25 ir' à casa, ina rugliada cotgla et ha lura compignau quella in toc. La cumar scheziava aber pauc la cotgla e perquei ch' ella stueva aunc purtar sin bratsch gl' affon, sche perdev' ella mintgaton in cotgel ord il tschos. La madretscha scheva aber traso; „Pli che ti piardas, meins che ti has.“ La dunna saveva buca, tgei quei less dir; mo cura ch' ella ei vegnida à casa 30 et ha voliu metter giu la cotgla silla platta cuschina, ei la cotgla semidada en viv aur.
39. Igl umm selvadi e l' aura.
Inaga han ei entupau gl' umm selvadi, ch' ei era macort' aura et el rieva et era de buna veglia. Ina autra gada han ei entupau el, ch' ei era 35 biall' aura e lu bargieva el et era trests.
40. Igl umm selvadi et il fravi.
Pli daditg savevan ils fravis buca, co buglir il fier. Inaga ei gl' umm selvadi vegnius en ina fravia et ha viu, co il fravi semurdergiava de smacar ensemen dus tocs fier. Cheu ha gl' umm selvadi detg: „Ins sto better sablun egl fiuc e lu san ins buglir il fier!“ Il fravi ha empruau et ha fatg aschia e dapli lu han ils fravis saviu buglir il fier.
41. Igl umm selvadi et igl umm d' uaul.
Inaga ha gl' umm selvadi sturschiu giu il tschupi d' in grond pegn entochen giun plaun e lu fatg pigliar in umm, ch' era ad uaul, il tschupi e 5 gidar a tener. Mo cura ch' igl umm selvadi ha schau dar lartg il tschupi, ha gl' umm buca pudiu tener quel et ei vegnius sdermenaus lunsch egl uaul, nua ch' el ei daus giun plaun e morts.
42. Co la dunna d' igl umm selvadi ha mussau de far paun.
La dunna d' in umm selvadi ei vegnida en raschieni cun ina femna 10 pervia dil far paun. Da gliez temps savevan tier nus las femnas aunc bucca, co far paun. La femna ha detg alla dunna digl umm selvadi, sche mo ins savess far paun e lezza ha respondiu: „Quei san ins schon far; ins sto mo prender pasta vedra“. Pli bia hagi aber la dunna digl umm selvadi buca detg. Mo la femna, ch' era bucc ina tupa, ha fatg l' emprova et ei 15 finalmein vegnida tiel mistregn. Sin quella moda han nossas femnas empriu de far paun.
43. Co igl umm selvadi ha mussau da chischar.
Inaga ei gl' umm selvadi vegnius tier in perveseder ded in temps, cura che la glieut savevan aunc bucca far purment ord il latg. Gl' umm selvadi ha detg al perveseder, che ord il latg sapi ins far pischada, sch' ins vegli. 20 „Bien pia“, ha il perveseder respondiu: „Sche fai quei!“ Gl' umm selvadi ha lu fatg pischada, e detg: „Ussa savess ins aunc far caschiel?“ „Bien, sche fai era quei“, ha il perveseder turnau a dir. Gl' umm selvadi ha sinquei … fatg caschiel e lura detg: „Ins savess aunc far tschagrun!“ „Sche fai era quei!“ ha il perveseder detg vinavon. Gl' umm selvadi ha fatg 25 tschagrun, e cura ch' el ha giu finiu, sche ha el detg: „Ins savess er' aunc far tschera ord il latg.“ Mo cun quei ch' il perveseder ha bucca detg, ch' el deigi far, sche ha gl' umm selvadi bucca mussau, co far tschera, e perquei san noss signiuns far pischada, caschiel e tschagrun, aber bucca tschera.
44. Pertgei igl umm selvadi fegieva bucca tetg.
30 Igl umm selvadi ei vegnius dumandaus inaga, pertgei el fetschi bucca tetg sin sia casa. Sinquei ha quel respondiu: „Cura ch' ei gliei bialla aura, drov' jeu bucc' e cura ch' ei plova, sai jeu bucca far.
45. Igl umm selvadi en la Cadi.
En in uaul della Cadi habitava gl' umm selvadi cun sia dunna. Da 35 temps en temps mav' el ora en ils vitgs dentuorn et engulava e sblundergiava, … tgei ch' el pudeva tier. De quei era la glieut adina plein tema e savevan bucca, tgei far, per vegnir libera da quei glimari. In di vegn in umm jester en la Cadi et et vegn raquintau ad el digl umm selvadi. Quei jester era in umm plein curascha e seporscha de liberar … els da quei inimitg, sch' els dettien ad el ina gronda summa daners. Tut ei stau da quei bein cuntents e leds. Gl' auter di semetta igl jester sin via, per encurir si gl' umm selvadi. Suenter ditg encurir vegn el tier la hetta digl umm selvadi e va … 5 en quella. Gl' umm selvadi damonda el bein dabot, nua el mundi. „Jeu mun ad encurir lavur;“ risponda gl' jester. „Bein! sche sas ti star cun mei!“; di gl' umm selvadi. Gl' jester ei cuntents et els van pli tard in tochet digl uaul en e prenden à mauns de fender lenna. In' uriala lavuran els omisdus bravamein; allura ha gl' jester saviu senschigniar, ch' igl umm selvadi 10 ei vegnius cun omisdus mauns denter la buora en, ch' el pudeva buc ora. … Gl' umm selvadi ha detg agl jester: Va e fai dar mia dunna ils cugns, ch' jeu possi ora cugls mauns!“ Igl jester va, mo enstagl dils cugns damond' el dalla dunna ils daners, ch' ella hagi en casa. La dunna surstat, va ora avon la hetta e grescha vi à siu umm, sch' ella duei dar tuts. Quel rispunda 15 dabot: „Gie, gie, dai tuts!“ El maniava ils cugns. La dunna vegn en, … … dat neu tut ils daners; igl jester pren els bein spert e fa la fuigia. Suenter in' uriala vegn igl jester tier in pastur, che pertgirava nuorsas e cumpra giu in tschut de quel. El pren, mazza quei tschut e metta il saun en ina scufla de curom, catscha quella en sil pez et entscheiva a cuorer. In moment 20 suenter catsch' el il cunti en la scufla, ch' il saun vegnev' ora et entscheiva a cuorer aunc pli dabot et en in pign moment9 er' el stulius ord ils egls. … Gl' umm selvadi ha spetgau ina gronda urialla, mo vegnent nagin neunavon, entscheiva el a clamar la dunna per agid. La dunna ha udiu il burlir digl umm et ei ida, per mirar, tgei ei seigi. Gl' umm damonda: „Vegnis buc 25 eunc cun ils cugns?“ … Et ella raquinta allura, co igl iester hagi fatg cun ella. Cura ch' igl umm selvadi ha udiu quei, eis el vegnius bunmein ordasen. La dunna ei currida per ils cugns et ha deliberau gl' umm. Sco ch' igl umm selvadi ei staus libers, eis el curius suenter agl jester et ei vegnius tier10 il pastur. Quel ha el dumondau, sch' el hagi buca viu in umm, che seigi 30 fugius. „Bein!“ di il pastur, „in tal umm ei staus cheu, ha cumprau in tschut et ei curius vinavon. Cura ch' el ei staus in toc, ha el catschau il cunti el pez, ch' ei gliei vegniu ora saun et allura ha el pudiu cuorer aunc … … bia pli dabot.“ Gl' umm selvadi tratga tier sesez: „Sche quei ei aschia, sche quei sai jeu era far; sche poss jeu era ir pli dabot.“ El catscha siu 35 cunti el pez; mo strusch ha el giu fatg treis pass, sch' eis el daus per tiarra vi e vintschius. Igl jester va giu egl vitg e fa de saver la fin digl umm selvadi. Tut era miez ordasenn dal legarment, et ei han lura pagau ora agl jester ina gronda summa daners. …
46. La uldeuna enten Grepault.
40 Ina uldauna era en pigliola enten Grepault, sper Zigniau. La hebama ei ida tier ella. Per pagaglia ha l' uldauna dau in tschos plein stiallas … ma de quei ha la hebama sehanau11 fetg pauc. Cura ch' ell' ei turnada anavos, ha ella schau dar las biaras stiallas ord il tschos. La uldauna ha griu suenter: „Pir che ti piardas e meins, che ti has!“ Cura che la hebama ei stada à casa, sche havev' ella enstagl dellas stiallas, thalers el tschos. Plein ricla de haver piars aschi bia stiallas, eis ella curida anavos, mo ha anflau ni las stiallas ni l' uldeuna 5
47. L' uolp rentada.
Ina gada er' ei à Danis in catschadur, che mava à catscha. El vegn en igl uaul e catt' ad agur sper ina gronda cuscha in' uolp. Plaunsiu eis el ius vitier la cuscha e vesa, che l' uolp era rentada cun in suget vid quella. El tratga encunter sesez: „Quei ei zaco bucca recli!“ El pren siu 10 cunti ord sac e taglia il suget. La uolp dat il tgau, sco sch' ella less engraziar … e va naven.
Gl' atun suondont va il catschadur a Ligieun cun ina roscha thiers. El ha bucca saviu vender lau tuts e stoviu vargar giu cun ina part Cura ch' el ei ius ordavon per encurir pastg, aud' el, passont tras in marcau a 15 clamar siu num. El mira anavos e vesa sin ina laupia, ch' ei era ina signura, che clamav' el. La signura envida si el tier ella et ha dau ad el ina stupenta merenda. Suenter ha ella dumandau, sche sia roscha thiers vegni gleiti. Gl' umm ha raquintau, ch' el mundi ordavon per encurir pastg e per siu grond smervegl ha la signura detg, ella hagi schon procurau 20 pastg per ses thiers. Cura ch' ils thiers ein pli tard arrivai, ha la signura dumandau, tgei el vegli per la mercanzia. Igl umm damonda in grond daner e la signura peglia el pil plaid, paga ora la summa cun daner blut e di lu: „Ussa prendei puspei vossa mercanzia e vendei ella! Jeu schengegiel à vus quella. Vus haveis pli baul era fatg bien cun mei. Jeu erel quella 25 uolp, che era fermada cun il suget vid la cuscha egl uaul e che vus veis … schau liber.“ Ella ha lura raquintau, ch' il giavel havevi rentau ella vid quella cuscha, perquei ch' ella levi passar ord la societad de striadira. Ussa seigi ella vegnida liberada tras el e resti ad el adina engrazieivla.
48. Duas cauras en ina cadeina.
30 In buob à Tavanasa stueva adina perver las cauras. Ina damaun anfl' el duas de quellas en ina cadeina. El vul schar lartg ellas, mo po buc. Sinquei vegn il buob vilaus, pren in fest e bastuna ellas bravamein. Suenter … va lu il buob e cloma il bab; mo cura ch' els ein turnai en nuegl, er' ei tut en uorden. Bucca ditg suenter van els enta Trun à fiera, vegnan en 35 ina ustria e cammondan ina mesa vin. L' ustiera porta il vin, tschenta quel sin meisa e di allura al buob: „Mo! Mo, ti pign! Ti stos buc esser aschi nauschs cun las cauras!“ Il bab ha capiu, tgei quei vegli dir, leva si bein spert, paga il vin, els van giuedora e laian il vin sin meisa.
49. Las duas scuas en crusch.
Inaga eis ei vegniu à Breil ina femna en ina casa et ha dumandau in' almosna. La dunna de quella casa havev' ina buoba e quella haveva udiu, che sch' ins metti duas scuas en crusch avon esch, sche possi la striadira 5 … buc ora. Spert ha la buoba fatg quei e la stria voleva nuota ir pli. Ella scheva traso: „Jeu stos ir; jeu stos ir!“, mo meina mava. La patruna tertgava: „Sch' ella mo mass!“; pertgei ella stovev' era far per casa. Finalmein … ha la patruna stuiu ir ord stiva et ei lu tut surstada vesent las duas scuas avon esch, dallas qualas ella saveva nuot. Vesent la stria las scuas, 10 hagi ella fatg tribel cun la femna.
50. Ils dus pindels.
Ina femna de Siath ei ida avon onns tier ina enconuschenta sin visetta. Quela ha dau de dar à sias duas feglias dus stupents bials pindels, per schar ligiar entuorn tschenta. Mo la femna de Siath sminava bucca tut bien 15 de lautra et arrivada à casa ha ella ligiau ils dus pindels entuorn il moni d' ina scua e teniu quel a gradsi. Sinquei ha la scua pigliau fiug et ei berschada giu dil tut. Havess ella schau metter sias duas feglias ils pindels … entuorn12 tschenta, sche fussan lezzas barschadas.
51. Las matteuns che maven al barlut.
20 En Domliaschga mavan dus mats ina sera tier duas soras à mattauns. Sin via vegn in' uolp encunter els e voleva adispetg ira denter combas o. Cheu ei in dils mats vegnius vilaus et ha tratg ina cugl fest giu per l' uolp, che quella ei curida anavos, dent ratgs. Els van vinavon si en la casa dellas duas soras; mo quella sera era mo la mumma cun ina feglia en 25 stiva. Ils mats damondan suenter tschella feglia e survegnan per risposta, che leza seigi bucca bein, ella hagi mal il tgau. Els sminan sinquei bucca bien. La mumma fa vonzei il puschegn sco adina; mo els han bucca tucau en quel, secartend, che l' uolp savessi far migliar ora els las fridas. Els van gleiti suenter giuedora per ir à casa e vegnan sin via en in uaul, nua 30 ch' ei udevan a sunont. In dils mats lev' ir a mirar, tgei quei fussi. L' auter encuntercomi tumeva sgarscheivel e leva ir à casa. Basta, il gagliard ha detg, che sche l' auter vegli bucca vegnir a mirar, tgei quei seigi, sche mundi el persuls; el temi nuot. Il temeletg temeva aschizun, ch' el astgava gnanc ir à casa persuls e perquei ha el nuota saviu far auter, ch' ira suenter 35 tschel. Els van pia omisdus encunter il sunem e vegnan giu en in plaun, nua ch' ina detga partida striadira sunava e saltava. Las duas soras fuvan era denter; ina haveva ligiau si il tgau. A miez il plaz er' ei in, che scriveva en in cudisch sin ina meisa. Els van vitier quel, il gagliard ordavon e l' auter, tut tremblont, suenter. Il scarvont damonda els, sch' ei 40 plischessi bucca de saltar. Mo pertgei buc; risponda il gagliard, el saulti schiglioc bugien. „Mo, sche scrivi pia quei, ch' jeu ditg, cheu en quei cudisch!“, di il scarvont, „Alluscha essas era pri si en la societad e saveis vegnir cheu tier ils balls libramein.“ Sinquei rispunda il galiard, ch' els seigien memia lunsch daven e sch' ei fussi memia savens redunonzas, sche savessian els tonaton buc esser lau. „Ah! per gliez ei cuort rugalau!“, dat 5 il scarvon per risposta: „Nus dein à vus ina scatla cun etg e cun quel stoveis vus unscher mintgaga la plonta pei; aluscha esses vus cheu en in hui!“ „Ah, sch' ei gliei aschia,“ di ussa il gagliard: „sche vi jeu schon scriver en quei cudisch!“ El semetta vid la meisa; mo en stagl scriver quei, ch' il scarvon dev' en, scriva el ils plaids: „Jesus, Maria, S. Giusep!“ 10 Sinquei ei tut svaniu naven de quei plaz, priu ora la meisa, il cudisch e las scatlas cun etg. Ils dus mats prendan tier sesez nuot auter, ch' ina scatla cun etg e van à casa. Leu en omisdus vegni malseuns e han stuiu star ditg en letg. Finalmein eis ei lu vegniu in tec meglier cun omisdus, aschia ch' els pudevan silmeins ira entuorn, schegie bucca luvrar. In di 15 mavan els à spass ensemen et in di à l' auter: „Nus pudessan tonaton empruar, tgei forza quei etg ha!“ Tschel ei staus da quei fetg bein cuntents. … Els unschan il tschep de lenna cun quei etg e dian ils plaids: „Va che nus mai veseien tei pli!“ E sil moment ei il tschep de lenna stulius, che nagin ha viu el pli suenter. Il temeletg ei plaunsiu meglieraus dal 20 tut, l' auter ei aber morts pign temps suenter.
52. La veglia de Roma.
In umm de Sumvitg, che fuva a Roma schuldau, ha inaga dau in peieltgil … ad ina femna veglia, che tentav' el. Quella ha lu detg al giuven, ch' ella vegli schon far migliar ora el. Bia onns suenter, che quei giuven era 25 turnaus à casa, mav' el ina sera da Trun à Sumvitg. Ella val Mulineun ha el tut en inaga entupau quella veglia, alla quala el haveva dau il peieltgil à Roma. La veglia ha lu detg ad el: „Ussa vi jeu pagar à ti; perquei che ti has fatg!“ et ha fatg ruclar el giu ella val, nua ch' el ha stuiu star tochen tucar da stizar. 30
53. Las duas strias si Runtget.
Si Runtget fuv' ei duas strias e quellas stuevan far mintgadi per diesch bazs don. In di savevan ei buca, tgei far don; ellas han priu la vacca, ch' ei vevan, ein idas si la greppa de Punteglias e han schau ruclar giu quella. 35
54. La hutscha.
Giu Uors er' ei ina femna, la quala vegneva generalmein tenida per stria et haveva ils egls cotschens, ida a rugar truffels. Il pur ha aber schnegau ad ella l' almosna agrad giu. Cun smanatschas ei quella femna ida naven. Cura che la dunna dil pur ei ida la sera giun tschaler, per prender 40 truffels, er' ei leu ina hutscha nera, che migliava quels e mo cun breigia ha ella saviu far ceder quella ord tschaler.
55. La veglia zoppa de Friberg.
In cavre de Schlans ha inaga la notg viu sin via ella val Friberg ina femna veglia zoppa. Quel' ha cuninaga tacau el. Mo el ha sedefendiu e dau sin ella, entochen ch' el ha giu rut siu fest tut en paglia. Sulet ina 5 bucada sisum havev' el aunc en maun; la veglia ha detg: „Ei gliei tia ventira, che ti has aunc quei toc entameun, schiglioc manizass jeu si tei, ch' ils utschals savessen migliar.“ En quei toc haveva il cavrer tigliau en ina crusch.
56. Il giat ner à Rueun.
10 In Landrechter giu Rueun haveva miserias de survignir fumegl; el haveva in gron quolm e cheu leva nagin star, perquei ch' ei seigi sperts. In ha tutina detg, el vegli empruar. Schon la emprema sera, ch' el ei staus el quolm, eis ei vigniu in giat ner e leva traso suflar giu la cazola. El ha aber adina spuentau naven e nuota tumiu. L' autra sera era il giat 15 puspei cheu, cura ch' el ha fatg cazola et era il davos aschi ghigliards, ch' el ha voliu trer culla topa sin la cazola per stizar quella. Cura ch' il fumegl ha viu quei, ha el tratg cul cunti giu per la topa, ch' in toc ei seglius sut beun en. Il giat ha dau in sgregn et ei stulius. La dameun ha el enflau in det d' ina femna et ha enconuschiu vid quel igl ani de sia 20 patruna. Vegnient à casa cul latg han ei detg, che la patruna seigi enta letg malseuna, ella hagi tigliau giu in det jer sera giun tschaler de tigliar giu carn.
57. Duas vaccas en ina cadeina.
In umm de Breil ha ina gada sin in cuolm giu duas vacas en ina cadeina. 25 … Spert pren el in cunti e taglia giu in' ureglia alla vacca, che udeva buc en quella cadeina. El ei allura semess en treglia; mo suenter cuort temps vegn in umm de Breil sin esch nuegl edi: „Scarvon! Scarvon; sche vus scheis ora quei, sche manez' jeu vus, ch' ils utschals san migliar si vossa carn!“ Quel ei lu aunc biars onns suenter ius da scala laupia si e 30 giu, mo cun in' ureglia; mo il scarvon ha mai astgau dir ora ad enzatgi, entochen ch' il striun ei staus morts.
58. La stria en baselgia.
In mat mava savens tier ina matta. Ses gieniturs levan buca quei et il prer era buc. In di ei il mat aber tonaton puspei jus. Gl' auter di ha il prer 35 fatg vegnir en il mat a survir messa e detg, ch' el deigi tier igl „Orate fratres“ … pigliar cun siu maun dretg pil pei dretg dil spiritual, sche vesi el ella. Il mat ha fatg aschia e mirau anavos. Cheu ha el viu quella matta, semanada cul dies anen, che haveva in curte sil tgau.
59. La stria cun siat giats.
40 Dus calgers eran inaga ii a Madernal tier ina matta a cuser. Quella haveva siat giats e quels vegnevan traso e disturbavan ils calgiers en lur lavurs. In dils calgiers vegn vilaus, pren e tila in laisch suenter ils giats, che quels ein fugi giu sut pegnia et in suenter lauter ein stai quiets. La sera pren la matta tuts siat giats e va giuedora. Cura ch' ils calgiers ein ii, per ir à casa et ein arivai ora sin la pun, eis ei sigliu siat giats tut ners si per els. Ils calgiers han stuiu luvrar cun tutta forza per puder seriscuder 5 dils gats e vegnir sauns à casa.
60. La stria de Trin.
Ina femna de Lumneza mava pli daditg daven da Cuera entochen Lumneza. … Ina gada vegnev' ella era cun sia carga sutsi tras Trin. Cheu ha ina femna de Trin voliu far prender ella in sac tochen Flem. Mo ella 10 haveva carga avunda et ha buca schau cargar si quel. Cura ch' ella ei stada vargada Trin, sche pudeva il cavagl buca trer e las rodas mavan gnanc entuorn pli. Cheu mir' ella sut il car en e vesa cheu in' olp. Spert pren ella il fest, bastuna l' uolp e tuca quella principalmein vid il tgau. Gl' auter di veva la femna giu Trin e ligiau si fetg il tgau. 15
61. Las treis strias.
Inaga era ei à Muster in umm et ina dunna, che vevan duas feglias. Ina damaun marvegl va la dunna à quolm et empau suenter era il bab cun las duas feglias. Sin via ruausan els sper ina fantauna. Lura dien las feglias ina si per lautra: „Quei fuss biall' aua per far tempiasta“. Il bab teidla 20 tier empau e di lu: „Savessas Vus far tempiasta?“ „Gie, gie!, dien ellas. Sinquei ha il bab detg, de far dar tempiasta sin in de lur praus. Las feglias han sinquei turschau empau l' aua de quella fantauna e tut en inaga ha ei entschiet a dar tempiesta sco nuschs sin il prau, ch' il bab haveva detg. „Ussa saveis Vus calar! Vus haveis fatg fetg bien!“ di il bab: „Tgi 25 ha mussau quei à Vus?“ Las feglias rispunden: „Quei ha la mumma mussau e nus savein aunc bia!“ „Schon bien!“ rispunda il bab, ei van lu tochen si egl quolm e fan leu marenda. Suenter marenda di il bab: „Nus volein ir si en clavau e dormir empau!“ Els fan quei e cura che la mumma e las feglias durmevan, ei il bab ius ord clavau, ha serau las portas e lu 30 dau fiuc al clavau, che tuttas las treis strias ein berschadas ensemen.
62. Il striun da Vrin.
Inaga viveva à Vrin in striun, ch' ei levan manar à Vella per barschar. Ei han ligiau il striun cun las combas vid in bert, aschia ch' el stueva runar suenter il tgau. Mo duas gadas ha el sefatg libers, cura ch' el era 35 o Suresas, dadens Vignogn. Era quellaga havess el sefatg lartgs, sch' in jester havess bucca dau il cussegl als ummens, de trer ora ils calzers al striun. Ils ummens han suondau il cussegl et il striun ha bucca podiu fugir pli. Sinquei han ils ummens aber era pigliau lauter sco striun e manau omisdus ora … Vella, nua ch' els ein vegni barschai il striun e quel, che haveva dau il cussegl. 40
63. La davosa stria en la Cadi.
In pur haveva ina fumitgasa, che fuss bugien ida à Sogn Plazi. Il di avon havevan ei aber aschi bia de rischlar, ch' ei podevan bucca ventscher. Cura che la fumitgasa ha domendau il Patrun, sch' ella savessi ira à Sogn 5 Plazi, ha el respondiu, ch' el schassi bugien ira ella, sch' ei ventschessien de rischlar, aber quei seigi buca pusseivel et aschia stopi ella star cheu a gidar a rischlar dameun. Da miezdi tulanava la fumitgasa traso tiel patrun, ch' el dovessi semetter giu e dormir empau. Quei pareva curios ad el. Il davos eis el tutina semetts giu, aber ha bucca dormiu, per mirar, tgei ch' ella fetschi e cura 10 ella ha tertgau, ch' el dormi, ha ella aviert la porta dil clavau tochendem e dau cul risti sil fein; quel ei sil fiat suflaus da porta en sin ladretsch tut schuber. Il patrun saveva bucca, tgei tertgar, ei aber staus vinavon eung ina uriala a ruasar, per bucca schar encorscher la fumitgasa, ch' el hagi viu, co ella hagi fatg. Cura ch' el ei levaus si, ha la fumitgasa detg, ch' ella hagi 15 seduvrau e rischlau tut. Lautra dameun ha il pur dau ad ella ina bref e detg, ch' ella sapi ira à Sogn Plazi e purtar quella bref al mistral. En quella bref haveva el mez, co ei fussi schabigiau cul fein et ch' ei deigien pigliar ella, pertgei quei seigi ina stria. Il salter ha pigliau ella pils cavegls … et fatg far ella treis turnigels. La stria ha lura detg: „Jeu sundel à 20 meuns; aber da cheu denvi vegn il striegn vignir aschi fins, ch' el sa saltar sin las capialas dils signurs en casa cumin, ch' els encorschen buc.
64. Il scazi de Sontgia Gada.
In giuven della Cadi surveva tier in signiur à Paris. Quei Signiur mava adina la sera dils medems dis, allas medemas uras ord casa. 25 Quei ei curdau si al giuven13 et essent schon ditg tier quei signiur, damond' … el inaga quel, nua el mundi adina talas seras. Il signiur damonda el sinquei: „Vul forsa vegnir cun mei?“ Et il giuven ha senza ditg patertgar, … detg: „Gie!“ „Aber ti astgas bucca dir ora quei, che ti vesas et audas en nossa societat; schiglioc va ei mal cun tei!“ Tala sera ein il 30 Signiur e siu survient ii ensemen et els vegnan en ina sala, nua ch' ei era serimnau bia signurs, tut students della scola nera. Denter auter bia raquinta … quei signur era, ch' ei detti egl Grischun à Muster, sper Sontgia Gada in scazi, zupaus en ina buschna14 sin in prau de tal e tal. Quei scazi vegni gleiti scuvretgs e sch' enzatgi savessi quei e sepostassi sper quella 35 buschna tal e tal di, de quellas uras, vasessi el in grond botsch cun gronds corns. Sch' el pigliassi lu quei botsch pils corns e tenessi el entgin temps senza plidar in plaid, survegnessi el15 il scazi, e fussi rechs avunda. Udent il giuven quei, ha el gleiti detg giu la plaza culla stgisa, ch' el lessi ir à casa per ina cuorsa. Arivaus à casa, va el gl' indicau di allas uras fixadas 40 à Sontgia Gada sper quella buschna. Bein gleiti vegn in grond botsch … grisch neunavon. Cun curascha carga el quel pils corns e di: „Ussa hai jeu tei, ti bestia!“ Enaquella ei il botsch puspei staus stulius et il scazi ei restaus bucca scuvretgs.
65. Il scazi en la Val.
Tier in pauper umm, cun biars affons vegn inaga in scolar della scola nera. Quei umm haveva sia casa si Crestas, nua che quella dil Canales stat 5 uss. La sera mava quei umm ora sil Crest cun quei jester, et ei raschunavan … in cun l' auter. Ina sera di igl jester: „Sch' il paster de Tschegndado savess, tgei peglia en il bintgun de sia sutga, sche fuss el rechs avunda.“ Sin quei roga gl' umm igl iester, ch' el duessi dir ad el, nua ch' el savessi cavar enzatgei, per nutrir andantamein sia familia. Quel rispunda: „Na, grad 10 ussa buc!“ El deigi pli tard ir en tal e tal liug ella val a cavar, sch' anfli el forsa enzatgei. Gl' auter di ha il pauper priu in umm cun el et ei jus. Arrivai el liug destinau, han els cavau, mo anflau nuot auter che crappa. Survegnent nuot auter, han els priu empau de quella crappa cun els. Il cumpogn mava il bia vi Ligieun cun biestga. Era quei onn ha el fatg quei e priu, 15 pli per far il nar, de quella crappa cun el à Ligieun. Leu va el en ina stizun e mussa quella crappa, Spert ha il possesur de quella stizun damondau … el, tgei el vegli per quella crappa. El ha lura damondau in schi sgarscheivel prezzi, ch' el ha stuiu semanar entuorn e bucca astgau mirar els egls, dumondont il prezzi. Mo il mercadont ha sil zuc pagau ad el la 20 summa. Turnaus à casa, ha el voliu turnar a caver de quella crappa, mo anflau buc in pli.
66. Il scazi de Clavadi.
Passont in scolar della scola nera per la Surselva, eis el vegnius à Sumvitg et ha mirau si encunter Clavadi. Suenter haver mirau empau, ha el 25 clamau ora: „O, Clavadi, Clavadi, ti ch' eis il pli bi; has en scazis pli, che tut la Cadi!“
67. Il scolar della scola nera e sia spusa giu Glion.
In scolar della scola nera giu Glion haveva amizezia cun ina giuvna et ei havevan destinau de maridar. Avon che maridar ofniescha il spus 30 alla giuvna, ch' el sei in scolar della scola nera e stopi ir' ali giavel. Tut stuida damonda la giuvna, sch' ei fussi bucca pusseivel de liberar el dil giavel. Il spus di: „Bein!“ Sch' ella fetschi quei, ch' el ditgi, sche possi ella forsa liberar el. Suenter treis onns vegni el a vegnir cun aunc sis auters tier ella en fuorma de tgapers; et ei vegnien a setschentar sin ina 35 plonta. Bein gleiti vegni lura in signur neutier e quel vegni a dumondar ella, qual de quels tgapers ella vegli; el detti in ad ella. Ella deigi prender … quel, che laschi pender l' ala dretga. La spusa ha teniu quei bein endamen e suenter treis onns eis ei vegniu siat tgiapers sin ina plonta sper la casa della spusa. Pauc suenter eis ei era vegniu in signur jester et ha 40 detg alla matta, tgeinin de quels tgapers ella vegli; el detti in ad ella. Cura che la giuvna ha damondau dal signur il tgaper, che schava pender l' ala dretga, ha quei signur tratg quel cun tal fel e gretta el tschos alla matta, ch' il tschos ei ruts. Aschia ha la spusa pudiu liberar siu spus.
68. La profetia dil scular della scola nera.
5 In scular della scola nera ha, cura ch' el ei ius tras la Cadi, detg, Trun vegni ha vegnir grund, Pardomet pastira de cavals.
69. La muria gronda à Breil.
La muria gronda ei vignida ina sera à Breil sco ina capetscha de brentina, … la quala ei setschentada en stiva della casa, nua che nua ch' il Hotel 10 Tener ei ussa. En quella casa ein tuts morts ora e suenter bunamein tut la vischneuna.
70. La muria gronda à Somvitg.
Dal temps della muria gronda vesev' ins ella Vischneunca de Sumvitg mo treis cazolas. Las vaccas mavan da mesa stad à pastg sut il vitg e 15 havevien jvers, che schlupavien ora, pertgei che nagin mulschevi ellas. Il farrer de Sumvitg ei jus cun Niessegner à Surhein e turnont à casa eis el morts sin la pun.
71. Ils endisch de Schlans.
Cura, che la muria gronda haveva calau à Schlans, era ei vanzau fetg 20 pauca glieut. Il di de St. Marc ein tuts ii à messa et ils jasters han dumbrau … endisch. De cheu d' arriva ei, ch' ins di ils endisch de Schlans.
72. La ruina de Brulf.
Sin in di de Zercladur, gl' onn 1683, haveva ina dunna empostau ina zerclunza. … Vegnent neutier il di fixau, sche vuleva la zerclunza absolutamein 25 bucca vegnir; mo la dunna ha teniu ella pil plaid e fatg vegnir ella. La zerclunza era quei di tribel malruaseivla; tudi miravi ella si encunter quei plaz, ch' ins numna ussa „la bova gronda“ e scheva: „Oz sun jeu vegnida cheu cun schliata peda; o, mo bucca oz, bucca oz! Tgi, sa, sche mias compognas damognan persullas.“ Sinquei ei lu all' ina suenter miez di 30 rutt' ora la bova, che ha satrau il vitg de Brulf cun la capluta de S. Pieder e S. Paul et ha teniu si treis uras il Rhein. Ina suletta familia seigi vegnida liberada en quei vitg. Quei era paupra glieut. Plirs dis ei vegniu in utschi sin fanestra, che scheva cun clars tuns: „Fugi!“ Gl' emprem hagien quella glieut nuota ditgau gl' utschi; il davos di, cura ch' igl utschi ei turnaus, 35 han ei schau el en stiva et quel ha repetiu pliras gadas: „Fugi; fugi!“ La glieut ei sinquei fugida encunter Muster. Ei eran bucca da lunsch da Caschliun, ch' ei han tertgau, che la fin dil mund vegni; aschi tribel tunava la bova, che mava giu e sur Brulf ora.