Rätoromanische chrestomathie X/Monolog da Tell nella giassa stretta
 |
Questo testo è completo. | |
| ◄ | L. Justinian Lombardin - Terza scena | Cudesch della Duttrina Catholica | ► |
E. ROUSSETTE.
[Monolog da Tell nella giassa stretta verti nel dialect da St. Maria.]
(Annalas, sexta annada, p. 281 — 283.)
Tras quista giassa stretta sto’ l passar;
A Küssnacht atra via non condüa —
Propizi’ ais l’ occasiun — eau vögl gujar.
Davo quist samvüer am zopparà,
5Dallà la frizza non il po sbagliar;
La giass’ ais strett’ el non am po mütschir.
Fa pür teis quint cu’l tschel, tü vil chastlaun!
Davent stos tü, tas uras sun quintadas.
Quiet e prus hai eau fin qua vivü —
10Be sulvaschina hai nels guads chatschà,
Sün mordraretsch ma non m’hai impissá —
Coun spiert maglin la pasch m’hast involada;
In tössi da serpaint has tü corrot
Meis spiert bandus, meis cor chi’l mal fügiva;
15Tü m’has düsá á fatts abominabels —
Quel chi per schaibia seis ufaunt pigliet,
Quel sa tuccar nel cor del adversari.
Meis chars ufaunts, vus povers innozaints,
Fidela donna eau as stögl proteger
20Dall’ira del chastlaun! — Qua ch’eau trembland
Per trar sü’l mail del arc il nerv stendeva —
E qua cha tü cun cor crudel, satanic
Mirar m’has fat sü’l cheau da meis ufaunt —
In taunt cha impossant eau at roveva,
25Allá güret eau schlass in meis intern
E Dieu sulet udit meis güramaint,
Cha mia prüma frizza dess tuccar
Teis cor tyrann — Que ch’eau in quella jada
Da far güret in mez á mi’anguoscha,
30Que ais ün sonch dovair — Eau ’l vögl complir.
Patrun es tü, Chastlaun del at imperi;
Però permiss non s’vess l’imperatur
Tals fatts — Tramiss es tü in quist pajais
Per far güstia — Rigurusa schi, —
35Ma tü non suoschas arbitrariamaing
Squitschar il pövel sot teis giuf satanic;
Ad ais ün Dieu, il qual misfatts chastia.
Schi vé naunpro tü mess da grand dolur
Prezius clinöz, est ossa meis dalett. —
40Eau ’t dun ün punct da mira chi fin ossa
A meis aröv pareva impossibel;
Però à te non po’l fügir. — E tü
Del arc fidela corda chi sovenz
In giös e festas m’has taunt servi,
45Non ’m bandunar in quist momaint terribel.
Be oss’ am serv, amo tü nerv fidel,
Il qual sovenz la frizza ha slaunschà —
Sch’ ell impotent’ oss’ à meis maun fügiss,
Eau la segonda a slaunschar non vess. —
50A qua’ m vögl eau sezzar sü ’l baunc da crap,
Chi ’l viandaun invid’á cuort repos,
Perchai à quia in quist lö sulvadi
As scuntran ils umauns sainz’ as cognoscher
E sainz’à cor tor ils pissers dels aters. —
55Qua passa tot serius il marchadaunt,
Sper el il pelegrin — il muonch pietus,
Il malfattur, l’ allejer musicant,
Chavals da soma cun lur greivas chargias,
Chi d’ eistras terras mainan ils prodotts,
60Sun qua chatschads da speculants forests;
Els tots quiets davo lur via vaun
A lurs affars — E’ l meis ais omicidi!
Scha ’l bap uschgliö sortiva, chars ufaunts,
Que eir’allgrezzia cur el retuorneva;
65Qualchassa ogni votta as maneva’l,
Forz’ eira que’ na bella fluor alpina
Obain ün rar utsché, ün crap glüschaint
Sco chatt’il viandaun girand pe ’ls munts. —
Ün’ atra chatscha ha el hoz in mira
70Un cor umaun vo el cun mort culpir;
Del inimi el qua l’ avgnüda spetta. —
Ma be sun vus meis chars unfaunts s’ impaiss’ el
In quist momaint — el vo voss’ innozenzia
Deffender cunter l’ ira del tyrann,
75Perque va el del arc il nerv à stender. —
Eau spett’ a qua sün nobla sulvaschina. —
Sovenz girand as vezza il chatschader
Pels munts intuorn nel rigurus inviern,
Ardit gujand da spelm à spelm il sagl
80E sün paraits da crippels s’ rampignand,
S’ tachand à quellas cun seis agien saung
Per praisa far d’ ün miser chamotschet.
Ma hoz il prämi ha plü grand valur,
Meis inimi mortal vögl eau mazzar!
85 Ma vit’intera hai eau l’arc dovrà,
M’exercità sco tucc’ad ün chatschader;
Sovenz hai eau siettà nel nair d’ la schaibia
E gudognà plü d’ün custaivel prämi
Nels tirs d’allgrezzia — Hoz però vögl eau
90 Il cuolp d’elit gujar et il prüm prämi
Am gudognar nel circul da noss munts.