Poesie milanesi/VI - Sonetti/23

by Carlo Porta

23

../22 ../24 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

23

◄

VI - Sonetti - 22

VI - Sonetti - 24

►

23.

I SETT DESGRAZI. (-1815).

On pover cereghett schisciamicchin¹,
Per toeuss sto carnevaa on divertiment.
L’ha pientaa ona pastoccia ai soeu parent,
E l’è sghimbiaa a la festa al Teatrin².

Però per no fa tort al collarin
El s’è vestii de mascher bravament,
Barattand contra on scud de pagament
L’abet de pret in l’abet d’on pollin.

Ma el diavol, nemís nassuu e giuraa
De tucc i Cristian, ma anmò pussee
De qui] ghe gh’han sul eoo quell o pelaa³,

Prevedend fors ch’el studi o la fortuna
Podeven tirali foeura del vivee⁴,
L’ha resoli de strozza el prevost in cuna,
E el te ghe n’ha faa vuna

Propi maggenga, e pesg de la tempesta,
Che in pocch pareli, senza tant franz, l’è questa:
Appenna su la festa,

El ghe spediss incontra on bel donnin
Cont on cuu pu redond d’on pomm poppin.
De moeud che l’abbadin.

Che l’è de carna infin, che infín l’è on omm,
Noi pò de manch de pettá i ong sul pomm;
E in quella on galantomm

De quij tal de la gippa de Baltramm⁵
El ferma al voi sto beli sciampin d’Adamm.
Ah traditor infamm

D’on demoni! va lá: corregh adree,
Fagh pur fa de maross anch la minee
Intant ch’el va a pollee!

Va lá: satisfet pur, fa i tò vendett:
D’ona desgrazia faghen foeura setti
Demoni marcadett!

Sissignor, propi sett, nanch vuna men:
Cuntéj, e vedarii se dighi ben.
Vuna, l’arrest; dò, el pien

Coi soeu de cá, che pronten la cannella;
La terza, i guaj e el rugh de la soa bella;
La quarta, la querella

E el nichíl transit⁶ de monscior vicari;
La quinta, el benefizi che va a l’ari;
La sesta, el vestiari

De paga al mascaree fin ch’el sta dent
Cioè a tutt sabet grass comodament ;
    L’ultema fínalment,

Quella d’ave daa el nas in d'on poetta
Che spantega sto fatt con la trombetta.

Note

1. schisciamicchin : gran mangiatore di michette, titolo che si dava per dileggio ai seminaristi.
2. Teatrín : cosí detto il minore dei due teatri regi, la Canobbiana. ora teatro Lirico.
3. o pelaa: la chierica.
4. vivee: seminario.
5. de quij, ecc.: poliziotti.
6. nlchil Iramil: formola curialesca indicante impedimenti a promozione.