Poesie milanesi/VI - Sonetti/22

by Carlo Porta

22

../21 ../23 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

22

◄

VI - Sonetti - 21

VI - Sonetti - 23

►

22.

AL SUR AVVOCAI GIUSEPP’ANTONI MARTINELL.

Scritt in la soa delizia de Senagh.

(-1814).

Alto scià penna, carta e carimaa,
E giustemm el nost cunt, sur Martineli:
Ch’el varda chi che hoo giusta preparaa
Tiraa foeura anca mi el me cuntarell:

A lu: tant per lenzoeu slisaa¹ e sporcaa,
Tant per pan, per pitanza e fírisell²;
A mi: tant per falzett³ e gipp, s’ cioppaa
A furia de pacciá come on porscell;

A lu: tant per carocc inanz indree;
Tant per caffè, sorbitt, acqu e bombon;
Tant per latt, ciccolatt, cruzi e cuntee;

A mi: tant per la tolla del faccion⁴;
Tant per cremor de tarter al speziee;
Tant al dottor per l’indigestion.
Vedi a la conclusion.

Sur Martinell. che i cunt hin II p«r lí,
Se fors’anch no me ven quejcois a mi,
Come sarav a dí:

Tant per la frustadura di ganass,
Per i dent de nettass e de strappass,
E per el vegní grass

Tant de pu, in di vestii, de tila e pann,
Ch’ cl capirá che l’è minga pocch dann,
E mássem in sti ann

Ch’el vestiari l’è montaa a quell segn⁵,
Che mej che grass l’è asquas vess in di legn⁶.
Donca lu col so ingegn

El vedará che, a vorè sta a rigor,
Restarèv mi a la longa creditor;
Ma no stemm a descor

De danee.... pover lu.... nò..,, el me fa tort....
Se incontraremm.... giá no semm minga mort....
E poeú femm de sta soft,

Ch’el tegna sald.... puttost tornaroo chi
A sta con lu ancamò per quindes dí.

Note

1. slisaa: logorato per lungo uso.
2. iirisell: gergo, per vino chiaretto.
3. falzett: cintura dei calzoni.
4. tolla del faccion: audacia di presentarsi.
5. Allusione al prezzo esorbitante degli abili, effetto del blocco napoleonico, che in Lombardia cessò definitivamente nel 1814.
6. vess in legn: essere smagrito.