Sta á Dieu, marusa chara
 |
Questo testo è completo, ma ancora da rileggere. | |
| ◄ | Scha 'l Trenta 'vess maglio | Ed ais stat darcheu nouva combatta | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
152.
(Annalas XIV, Vital, p. 223 — 224.)
Sta a Dieu, marusa chara,
Eu uossa vegn davent da tai;
Eu sun qui oblià
Per nossa libertà.
5 O nöbla libertà,
O chara, dutscha patria,
O chara libertà,
Chi hast tut da nus cumgià.
O nöbel, char pajais,
10 Tü meritaivast il prais,
Eirast in tuotta flur,
Uossa est in mandonur.
Eu at dun quaist anè
Per segn da grand’amur,
15 Eu met sü meis chapè,
Sta a Dieu, tü il meis cour!
Scha tü voust ir davent,
Meis cour quel sto murir,
Meis cour quel sto murir,
20 In terr’ant ura ir.
Va a Dieu, il meis dalet,
Vast uossa our suot meis tet,
Sta a Dieu, il meis cuffort,
O frizza della mort.
25 Stat a Dieu, il meis bap char,
Charischma mamma mia,
Va a Dieu, il meis figl char,
Dieu saja ta compagnia.
Piglia, Dieu, tü meis infant,
30 O Segner, in teis mans;
Tras spada non laschar
In terra giò crodar.
Els sun passats da Bern,
Sun rivats in Lucern,
35 Ma qua s’han els fermats,
Chi eiran scuffortats.
Il nos char general
Ha tschantschà pleds cordials,
Ans ha bain informats
40 E zuond fich allegrats.
Pür giain da legrament
Il nos char regiment,
Pür giain con anim bun,
Dieu saja nos patrun.