Scha 'l Trenta 'vess maglio
 |
Questo testo è completo, ma ancora da rileggere. | |
| ◄ | Si legramen schuldause | Sta á Dieu, marusa chara | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
151.
(Annalas XIV, Vital, p. 230 — 281.)
Scha ’l Trenta ’vess maglio
Il spiert d’ la vanited,
Schi grand bain ’vess el fat
A tuot l’umanited.
5 Perche cur quel melnüz
Sün la terra gnit co,
La liberted svanit
E ’l pover füt chalcho.
Formet la nöbilted,
10 Fet guerr’alla radschun,
Stranglet l’egualited,
Per müder la chanzun.
Il merit non füt pü
Ün titel retschercho,
15 Cur la virtüd stuvet
Tar l’hom sbasser il cho,
Per plajer suot il giuf
Della captivited
Ün spiert cher adüso
20 Alla simplicited,
E reverir perciò
Con ün titel d’onur
Ün esan, chi ais naschieu
Il figl d’ün grand signur,
25 Overo quels chi sun
Da fortüna colmos,
Da bazs, cha Dieu el so
Co füttan guadagnos.
Quaist muossa, cha nel muond
30 Ais tuot confusiun,
Cur l’hom s’ lascha condür
Be tres l’ambiziun.
Nel temp del secul d’or
Tuot vivaiva containt,
35 Il nom ad ogniün
Eira solum contschaint.
Perque, d’inuonder vain
Tuot quella nöbilted?
Nun ais Adam il bap
40 Da tuot l’umanited?
E perche noss babuns
Nun ’vessan üsito
Quella distincziun
Ch’hozindi vain duvro?
45 Quels titels da patrun,
Da Giunker e Signur,
D’Illustrissem suvenz
In tuotta sa splendur?
Scha tel füss sto dal tschel
50 Fixo per il destin,
Schi tschert, cha Dieu’ ls ’vess fat
D’ün limun bger pü fin;
Acciò cha imminchün
Nun s ’vess podieu faller
55 Da ’s inservir dal nom,
Ch’el ’vaiva da duvrer.
Ma na, na, mieus signuors,
Il bap celestiel
S’ho creos similmaing
60 Al comün eguel.
Il merit solum fo
Aduzer traunter nus
In rango, dignited,
Quel ch’ais pü virtuus.