Ed ais stat darcheu nouva combatta
 |
Questo testo è completo, ma ancora da rileggere. | |
| ◄ | Sta á Dieu, marusa chara | Nus gnin qui incunter con grand'allegria | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
153.
(Annalas XII, Vital, p. 313.)
Ed ais stat darcheu nouva combatta
Per podair mantegner libra la patria,
Ed il Suprem per defensur
Ha miss nos general Dufour.
5 Viva Dufour e si’ armada,
Chi ais stat tuot bain preparada
Dad ir aint pel chantun Lucern
E s-chatschar oura quel fos guvern.
Quels da lung temp nan ins-chürits
10 Per causa dels fos gesuits;
Ma uossa sun els tuot alerta,
Cha ’ls gesuits han stü tour perta.
Schi uossa, meis chantun Grischun,
T’allegra fich e ’t tegna bun,
15 Cha ’l Sonderbund quel ais sfrischlà
E Siegwart - Müller ais mütschà.
Ed ais bain stat granda battaglia,
Chi ha causà granda travaglia
A blers da noss confederats;
20 Ma uossa sun els allegrats.
Guarda, co cha ’l Dieu divin
Ha usche bod miss termin,
Ch’el ha la pasch manà in Sviz
E s-chatschà our ils gesuits.
25 Uossa dimena, meis Grischuns,
Ans allegrain e ’ns tgnain fich buns,
Cha nus eschan libers dals tirans
Chi ’ns han causats da spander sang.
E v’ lain rovar per buna pasch,
30 Cha Dieu mantegna tant ’r ils frars,
Chi non vegna plü occasiuns,
Chi saja da trametter battagliuns.