Pagina:Goldoni - Opere complete, Venezia 1922, XXI.djvu/392: differenze tra le versioni

{{RigaIntestazione|386|''ATTO PRIMO''||s=si}}

{{sc|Lissandro}}. No, siora Cecilia, no la rida, perchè le xe cosse che no xe da rider. {{Ids|(con serietà)}}

{{sc|Zanetto}}. Ah cossa diseu, vu che se omo, ah! {{Ids|(a Lissandro)}}

{{sc|Lissandro}}. Digo cussì che la me fa compassion, e mi che pratico in quella casa, son capace de servirla da amigo e da galantomo.

{{sc|Zanetto}}. Oh magari! Oh siestu benedetto! {{Ids|(lo bacia)}}

{{sc|Cecilia}}. Ma come xela stada? Se pol saver?

{{sc|Zanetto}}. L’ho vista giersera a un festin. ''Vederla e amarla fu in un punto solo''. L’ho vardada, la m’ha vardà. L’ho saludada, la m’ha saludà. L’ho invidada a ballar... la m’ha refudà<ref>Rifiutato, respinto.</ref>. {{Ids|(si getta dolente su la sedia)}}

{{sc|Cecilia}}. (Oh matto maledetto!) {{Ids|(da sè)}}

{{sc|Lissandro}}. La l’ha refudà! {{Ids|(a Zanetto, seriamente)}}

{{sc|Cecilia}}. Possibile sta cossa! {{Ids|(a Zanetto, ironicamente)}}

{{sc|Zanetto}}. Da putto<ref group=lower-alpha>''Specie di giuramento'': da giovine onesto.</ref>, la m’ha refudà, e se nol credè, domandeghelo a sior Bortolo, ch’el giera presente anca lu. {{Ids|(a Cecilia)}}

{{sc|Cecilia}}. Ghe giera anca mio fradello? {{Ids|(a Zanetto)}}

{{sc|Zanetto}}. Siora sì, el ghe giera anca èlo, e come ch’el xe mio amigo, el l’ha dito a tutti... No so se de mi o de ella, i s’ha messo a rider, e a sganassar<ref>Sbellicarsi dalle risa (da ''ganassa'', guancia): vol. XII, p. 161, n. 2.</ref>.

{{sc|Zanetto}}. L’è quel che digo anca mi.

{{sc|Lissandro}}. (La lassa far a mi). {{Ids|(piano a Cecilia)}} Sior Zanetto, questa xe la prima volta che gh’ho l’onor de conosserla; ma vedo che el xe un galantomo, vedo ch’el gh’ha della passion, el me fa peccà.

{{sc|Zanetto}}. Amigo, no vardè che sia fio de fameggia, perchè in t’un bisogno vederè chi son.

{{sc|Lissandro}}. No gh’è bisogno de gnente. Vorla che mi ghe procura l’occasion de trovarse in compagnia de siora Cattina?

{{sc|Zanetto}}. Oh magari! {{Ids|(balza dalla sedia)}}

<div class="lower-alpha"><references group=lower-alpha /></div>