Pagina:Goldoni - Opere complete, Venezia 1915, XX.djvu/204: differenze tra le versioni

{{RigaIntestazione|194|''ATTO TERZO''||s=si}}

{{sc|Anzoletto}}. No gh’è caso: ho dito tutto quel che podeva dir; e nol se vol persuader, e no gh’è remedio che ’l se voggia piegar.

{{sc|Anzoletto}}. Per dir la verità, el m’ha parla con tanto amor, e con tanta bontà, che ’l m’ha intenerio. El dise, e ’l protesta, che se stasse qua, el me la daria la so putta con tutto el cuor; ma andando via, e andando cussì lontan, nol gh’ha cuor de lassarla andar. Nol gh’ha altri che ela; el ghe vol ben; el xe vecchio; el gh’ha paura de no vederla più; nol vol restar solo, senza nissun dal cuor. No so cossa dir, el m’ha fato pianzer; me diol in te l’anema, me sento a morir; ma co no gh’è remedio, bisogna rassegnarse al destin.

{{sc|Anzoletto}}. Cara siora Domenica, el cielo sa se ghe voggio ben. Ghe prometto alla presenza de sta signora, sull’onor mio, in fede de galantomo, de omo onesto, e da ben: altre che ela no sposerò. La lassa che vaga; tornerò presto; vegnirò a sposarla; ghe lo zuro con tutto el cuor.

{{sc|Marta}}. (Propriamente me intenerisso anca mi). Via, siora Domenica, cossa vorla far? No sèntela? El ghe promette de vegnirla a sposar.

{{sc|Domenica}}. Eh! cara ela, col sarà via de qua, nol s’arecorderà più de mi.

{{sc|Anzoletto}}. No son capace de usar ingratitudine con chi che sia, molto manco con ela, verso la qual gh’ho tanta stima, tanto debito e tanto amor.

{{sc|Marta}}. Mo caro sior Anzoletto, za che professe a siora Domenica tanto amor, perchè no ve resolveu de restar?

{{sc|Anzoletto}}. No posso; son in impegno. Ho dà parola; bisogna andar.

<div class="lower-alpha"><references group=lower-alpha /></div>