Rime milanesi (Pertusati)/Per on Ofizzi general in suffragi di pover Mort.
 |
Questo testo è incompleto. | |
| Proemio necessario alla intelligenza de' successivi Sonetti su un argomento medesimo. | ► |
Per on Offizi general
in suffragi di pover Mort.
Sonett Prim.
Sorell, fradij, e vu o marì, o miee,
O amis d’on temp, dal mond de là fin chì,
Sbraggiand a quanta vôs Misereree!
4I anem purgant dì e nocc se fan sentì.
Piangen i poverasc, e tant pussee,
Quantocchè se fa el sord al sò sgarrì,
Chè la pù part de quij che resta indree,
8No pensen che a mangià, bevv, e dormì.
O cœur de ferr! O mond del temp d’adess!
Ma chì volti bandera; e vedi on crœucc
11De gent, ma gent de ben de tucc duu i sess,
Dedicaa a sollevav, part in genœucc,
Part in gir per limosna, Offizi e Mess....
14Mort beneditt fee festa, e sughee i œucc.
Su l’istess argument.
Sonett Segond.
Domà on botton de fœugh sott ai pescitt
D’on bell bagaj mezz mort el ne fa s’cess,
E per quij pover spiret beneditt
Che brusa in purgatori, ah! semm de gess.
Via, confessemmel pur, che raboccitt
De vott, des agn, gh’avevem pussee impress
I veritaa de fed per arà dritt
E saldo: se marciava a offizi, a mess.
Dovechè intuitù de certi mod
Se pensa pocch in ora al mond de là:
Se cred, ma inscì a l’ingross, e la se god.
Intant i pover Mort han bell luccià,
Han bell cerca pietaa: l’è pientaa el ciod.
Ma che? Chi è dur de cœur la pagarà.1
Istess argument.
Sonett Terz.
Tradiditque Joseph in carcerem ubi vincti
Regis custodiebantur, et erat ibi clausus.
Gen. c. 39.
Isepp coi bogh ai pee l’è là in preson,
Ma el spera de sortinn con tutt’onor,
Chè de parlann in Cort a sò favor
S’è impegnaa el cardenzer de Faraon.
Ma fudessel on locch o on pocch de bon
Costù, de presonce deventaa scior,
El desmentega el sò benefattor,
E Isepp l’è anmò là dent, tort, o reson:
Sto fatt ciar e redond de la Scricciura
No l’ha besogn d’ess stiracciaa coi dent
Per fann l’applicazion: l’è ona picciura
Del santo purgatori, l’è on avvis,
Anzi on sclam doloros di nost parent,
Che imploren d’andà prest in paradis.
Istess argument
SONETT QUART.
Mœur de’ mort improvvisa, o anca a sò lecc
A la miee el marì, la mamma al tôs,
E caragna la donna, e i smani e i vôs
D’on fiœu desperaa me metten frecc.
Ma che? Passaa pocch dì vedi in d’on specc
Come quell pover omm, quell bravo spos,
Quella mamma d’on cœur inscì amoros
Hin traa despart dai sò parent pù strecc.
Ma se col fornì el bott de la campana
La memoria del mort la sfuma via,
Quasi che la fudess ona bambana,
Chi ajutarà quell’anema? Oh! rossor!
Oh vituperi di chi è ingrat con Dia,
Cont el sò sangu, coi sò benefattor!
Istess argument
- ---
SONETT QUINT.
El purgatori el gh’è. La santa Fed
M’el dis: mi n’hoo assee inscì: no vuj reson
Chè ghe'n sarav de vend, e hoo compassion
In scambi, e ben de cœur de chi no cred.
Parland mò intra de nun, che semm ered
De bon parent, che s’hin sugaa el polmon
Per fann stà ben... se fussen là in preson
Tra quij fianim a smanià, cossa suzzed?
Pover anem! Han pari a lumentass,
A domanda piangend Offizi e Mess:
Chi è mort è mort, e gh’emm on cœur de sass.
No se parla de lor nè pocch nè spess,
No pensem che a mangià, ballà, andà a spass;
E questa l’è la fed del temp d’adess.
Istess argument.
- SONETT SEST.
Chi fa del ben no pò aspettass che ben,
Proverbi vecc, proverbi inscì lampant,
Che el gusten tucc i dì la gent dabben,
Che el san fina i mazzucch i pù ignorant.
Ma ohimè che de mazzucchel mond l’è pien
E l’è pien de infincisc che inguaa di piant
Se nutrissen, se ingrossen sul terren,
Senza da on pass per el sentee di Sant.
Parlégh de Sacrament, tant en fan senza,
De predegh, de orazion non se n’incanta,
De pover mort, de offizi, de indulgenza,
L’è tuttuna: stan lì come insensaa;
Ma se l’è inscì, bougna che ve la canta:
Chi no fa ben, no pò aspettass che maa.
Proemio necessario alla intelligenza de’ successivi Sonetti su un argomento medesimo.
Una pia e generosa Benefattrice con egregia contribuzion di danaro ricuperato nell'anno 1804 il locale dell’inaddietro Chiesa di San Pietro de Pellegrini nel borgo di Porta Romana ad oggetto di ritornarla a pubblico spirituale beneficio, e di renderla colle debite facoltà superiormente ottenute, accessibile agli abitanti singolarmente di quella popolatissima contrada, e dei più lontani parrocchiani di San Calimero, ha dato moto a così lodevole opera, da altri in seguito con arbitrarie erogazioni favoreggiata e promossa.
L’architetto Girolamo Fontana, che per solo zelo della gloria di Dio sovr' intendeva al ristoramento di detta Chiesa, ne fece noto a diversi suoi conoscenti e signori il bisogno nel modo da lui ideato ad oggetto di raccorre limosine per condurre a fine l’opera incominciata; e tal si fu quello di presentare. egli stesso di propria mano a cui piacquegli diversi sonetti nel nostro non insulso vernacolo, che gli venne fornendo di mano in mano l’amico suo Meneghino da lui pregato a tal
- ↑ Cor durum habebit male in novissimo: Eccl. 3.