 |
Questa pagina è stata trascritta, formattata e riletta. | |
| — 7 — |
Istess argument.
Sonett Terz.
Tradiditque Joseph in carcerem ubi vincti
Regis custodiebantur, et erat ibi clausus.
Gen. c. 39.
Isepp coi bogh ai pee l’è là in preson,
Ma el spera de sortinn con tutt’onor,
Chè de parlann in Cort a sò favor
S’è impegnaa el cardenzer de Faraon.
Ma fudessel on locch o on pocch de bon
Costù, de presonce deventaa scior,
El desmentega el sò benefattor,
E Isepp l’è anmò là dent, tort, o reson:
Sto fatt ciar e redond de la Scricciura
No l’ha besogn d’ess stiracciaa coi dent
Per fann l’applicazion: l’è ona picciura
Del santo purgatori, l’è on avvis,
Anzi on sclam doloros di nost parent,
Che imploren d’andà prest in paradis.
