 |
Questa pagina è stata trascritta, formattata e riletta. | |
| — 6 — |
Su l’istess argument.
Sonett Segond.
Domà on botton de fœugh sott ai pescitt
D’on bell bagaj mezz mort el ne fa s’cess,
E per quij pover spiret beneditt
Che brusa in purgatori, ah! semm de gess.
Via, confessemmel pur, che raboccitt
De vott, des agn, gh’avevem pussee impress
I veritaa de fed per arà dritt
E saldo: se marciava a offizi, a mess.
Dovechè intuitù de certi mod
Se pensa pocch in ora al mond de là:
Se cred, ma inscì a l’ingross, e la se god.
Intant i pover Mort han bell luccià,
Han bell cerca pietaa: l’è pientaa el ciod.
Ma che? Chi è dur de cœur la pagarà.1
- ↑ Cor durum habebit male in novissimo: Eccl. 3.
