Poesie milanesi/VI - Sonetti/25

by Carlo Porta

25

../24 ../26 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

25

◄

VI - Sonetti - 24

VI - Sonetti - 26

►

25.

(-1816).

Se i Milanes col scriv in milanes
Pretendessen de tra in terra el toscan,
Mi per el prim vorev che Don Giavan
El te ghe sonass giò sardell de pes;

Ma siccome l’è pubblegh e pales,
Manifest e patent a tutt Milan,
Ch’hin gent senza pretes, e bon vivan,
Vorèv mò inscambi ch’el ghe fuss cortes.

Tanto pu che stampand, stampen per lor,
E in cá soa, e per so divertiment,
E con licenza di superior;

E che infin dodes tomm n’hin minga assee
De porta el minem dann ai soeu talent
In d’ona Italia pienna de pessee¹.

Note

1. pessee: pescivendoli: intendi che le carte dei poeti dialettali non fanno concorrenza a quelle infinitamente piú numerose dei saccenti, destinate ai pescivendoli.