Poesie milanesi/VI - Sonetti/26

by Carlo Porta

26

../25 ../27 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

26

◄

VI - Sonetti - 25

VI - Sonetti - 27

►

26.

Catto! el me dis, che i soeu paroll toscann
Hin tutta grazia, tutta ziviltaa,
E poeu el ne sgogna dopo a brazz de pann,
Senza che gh’abbiem faa ne ben ne maa?

Ma catto! s’el voreva strapazzann,
El doveva almanch fall in sbottasciaa¹,
Sbassass, come el dis lu, trattann, parlann
Cont el lenguagg di goff e di rabbiaa!

Insci mo, coss’hal faa con la sua piatta?²
L’ha sassinaa de pianta i soeu argoment,
E el se desfaa líi de per lú la fatta:

E col vorrò sta sii e fa el caga in l’olla³,
L’ha obblegaa a volzass nun per stagh arent,
E a digh sii in bon toscan:»S/e//e che chiolla!

Note

1. sbottasciaa: linguaggio triviale. 11 Giordani sosteneva che il dialetto serve solo a esprimere idee rozze, basse, volgari, idiote: e che le idee alte solo si possono esprimere col parlare italiano.
2. piatta: saccenteria.
3. E col vorrè sta su, ecc.: fare il superuomo, il cacasenno.