 |
Questa pagina è ancora da trascrivere o è incompleta. | |
25.
(-1816).
Se i Milanes col scriv in milanes
Pretendessen de tra in terra el toscan,
Mi per el prim vorev che Don Giavan
El te ghe sonass giò sardell de pes;
Ma siccome l’è pubblegh e pales,
Manifest e patent a tutt Milan,
Ch’hin gent senza pretes, e bon vivan,
Vorèv mò inscambi ch’el ghe fuss cortes.
Tanto pu che stampand, stampen per lor,
E in cá soa, e per so divertiment,
E con licenza di superior;
E che infin dodes tomm n’hin minga assee
De porta el minem dann ai soeu talent
In d’ona Italia pienna de pessee1.
26.
Catto! el me dis, che i soeu paroll toscann
Hin tutta grazia, tutta ziviltaa,
E poeu el ne sgogna dopo a brazz de pann,
Senza che gh’abbiem faa ne ben ne maa?
Ma catto! s’el voreva strapazzann,
El doveva almanch fall in sbottasciaa2,
Sbassass, come el dis lu, trattann, parlann
Cont el lenguagg di goff e di rabbiaa!
Insci mo, coss’hal faa con la sua piatta?3
L’ha sassinaa de pianta i soeu argoment,
E el se desfaa líi de per lú la fatta:
E col vorrò sta sii e fa el caga in l’olla4,
L’ha obblegaa a volzass nun per stagh arent,
E a digh sii in bon toscan:»S/e//e che chiolla!
- ↑ pessee: pescivendoli: intendi che le carte dei poeti dialettali non fanno concorrenza a quelle infinitamente piú numerose dei saccenti, destinate ai pescivendoli. (Nota transclusa da pagina 324)
- ↑ sbottasciaa: linguaggio triviale. 11 Giordani sosteneva che il dialetto serve solo a esprimere idee rozze, basse, volgari, idiote: e che le idee alte solo si possono esprimere col parlare italiano. (Nota transclusa da pagina 324)
- ↑ piatta: saccenteria. (Nota transclusa da pagina 324)
- ↑ E col vorrè sta su, ecc.: fare il superuomo, il cacasenno. (Nota transclusa da pagina 324)
