Peidras impolidas/2
 |
Questo testo è completo. | |
Otto Paul Juvalta - Pedras impolidas (1863)
La prümavaira
| ◄ | 1 | 3 | ► |
Questo testo fa parte della raccolta Rätoromanische chrestomathie
| [p. 16] | La prümavaira. |
Cur la naiv s’alguainta,
Erva, föglia prüja,
La prüma flur flurainta,
Gilgia, rösa, ria;
5 Cur la prüm’ chüralla
Svollazza sülla flur,
Da fögl’a föglia balla
Nel mêr da bun odur;
Cur sülla pred’ l’agnè
10 Pascha, beschla, saglia,
Alleger il utschè
Nus la damaun sdruvaglia:
’Lur’, umaun! as scioglia
La cuverta fraida,
15 Chi spiert e cour e spoglia
In glatsch, fraidur tignaiva!
[p. 17] S’ rumpa la cuverta
Suot la chalur del di,
Ch’in tia membra dscheta
20 Penetra vi e pü.
Chod e fraid as masdan,
Dand fled e movimaint
’N germ bot eir as sdasda,
Renasch’e vain vivaint.
25 El prüja in tieu cour,
Do föglia, fluors e frütta,
’Na plaunta vain landrour,
Chi s’ clamma: „bös-ch d’ la vita“.