Pagina:Decurtins - Rätoromanische chrestomathie, VIII.djvu/188

178 Otto Paul Juvalta

25 „Eir a vus vuless, Duonn’Amda,
Drizzer our ’na comischiun,
Ch’ais dad importanza granda
E prema eir fichun, fichun“:

„As giavüsches con pulitezza,
30 Scha uoss’ dalum vus gessas giò
La Signura Plavanessa
In sa chesa be ün po.“

„Varò da bsögn qualchün chi güda,
Que prema fich, scha eau nu ’m sbagl,
35 Glivrer damaun l’altschiva,
Cha la figl’ poss’ir a bal.“

[p. 15] „Ai, nun dir tel furbaria!
Forsa voul’ la fer güder, —
Hoz fet ella bacheria —
40 Fer liangias e sager.“— . . .

Cò tuots duos aunch quella saira
Nel dispers löet curritan
Cun la lintern’in maun per vaira,
Sentir l’incharg cha els survgnissan.

45 Cur famus füt reuschida
Quaist’astuzia grand’e bella:
Bot intrettan aint in stüva
Graziusas las sorellas.

[p. 16] La prümavaira.

Cur la naiv s’alguainta,
Erva, föglia prüja,
La prüma flur flurainta,
Gilgia, rösa, ria;

5 Cur la prüm’ chüralla
Svollazza sülla flur,
Da fögl’a föglia balla
Nel mêr da bun odur;