Nouvas Rimas/18
 |
Questo testo è completo. | |
| ◄ | 17 | 19 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 93] | Föglias d’utuon. |
I.
Addieu bels dis! Arsainta brama!
Haun pers las rösas lur sorrir;
Il vent suschurra tres la ramma,
D’ la fraida mort ais il respir.
5 La föglia secha, scruoscha, croda,
Nun tuorna pü a rinverdir;
Il raz soler pü nun res-choda,
Il vegl terrain, chi voul dormir.
Sco l’auncha verda föglia spira
10 E crod’, eir tü giarost croder;
Saron ’lur müts e cour e lira
E müt tieu vers e tieu chanter.
Addieu bels dis! Addieu bell’ora!
«Addieu!» dalöntsch eau od clamer,
15 Profuondamaing quaist dir m’accoura,
Sco d’ mort amih, salüd sincer!
| [p. 94] | II. |
Partida est, tü randolina,
Ma pensla hest tü bandunò;
Chi so scha l’an chi vain, cherina,
20 Am chattarost tü co darchò?»
Il svoul tü drizzast vers contreda,
Chi nun ho fraid, inviern nun ho;
E con tieu poch est fortüneda,
Chi d’ pochs’ s containt’ais fortünò!
25 Tü tuornarost, cur Meg sorria
Darchò al tet, chi t’ais contschaint;
Eau seguitesch ta lungia via,
Invers la riva d’Oriaint.
Addieu! Addieu, ma bella, chera!
30 Con te mieu cour, l’impissamaint!
Pü spessa dvainta la tschiera
E grisch am guard’il firmamaint.
III.
Velò d’ tschier’apper’il di
E clera glüsch nu ’s muossa,
35 Sorrir üngün e sguard amih,
Solen silenzi d’ fossa.
[p. 95] La föglia secha chatsch’il vent,
La bos-cha ferm s’almainta;
Dalets e spraunzas sun davent;
40 Pü ’l pasturet nun chaunta!
O pü d’ün craunz ais sech e ruot
Pü d’ün liam as chatta;
Tuot passa vi, tuot croda, tuot
Il vegl, l’infaunt, la matta!
45 La fögli’ ais verda, hoz, damaun
A terra ais s-chanteda;
Quaunt melanconic ais il plaun,
Il munt e la valleda!
Il vers ais trist, afflict il cour,
50 Del flüm grischainta l’uonda.
La flur sün via disch: «eau mour!»
Il scruosch del vent respuonda:
«Tü vit’avettast e d’ sorrir
Soler t’hest bain beeda;
55 Suned’ais l’ura, stust partir;
Desert’ais la valleda!»
«Tas sruors eir ellas mortas sun;
Che fer voust tü suletta?»
Eau cleg la flur e post la dun
60 Nel chod da ma stüvetta.
| [p. 96] | IV. |
«Inua vest föglietta, di,
Scruschind e ’t almantand?»
««Inua tuot vò, mieu bun amih,
E pitschen, ferm e grand!»»
65 ««Ün bütsch d’ solagl me verda fet,
Tres fraid, pruina mour;
Pü d’un amih am bandunet,
Pü d’üna chera sour!»»
««Eir tü ün di giarost croder,
70 Gnarò l’utuon per te!
Sinceras larmas post sperer . . . .»»
«Nun crid’üngün per me!»
V.
Cur vain l’utuon, pü nun sperrer aquia,
Da vair la rös’alpina riflurir;
75 Deserta d’ fluors ais uoss’ dels munts la via;
Que chi crodet nun pò pü rinverdir!
Che crajast tü, cha l’ora bella düra
Eternamaing? O vaun ais tieu sperer!
Sorrirs e fluors hest hoz, damaun s’ins-chüra
80 Nel orizzent la stail’al sguard pür, cler!
[p. 97] Il ram as tschuncha e la föglia croda,
Tuot s’addulura e nun sest perchè?
Tieu cour ais giuven e d’amur as s-choda;
Beo est tü; o füss eir eau usché!
VI.
85 «Secha föglia tres mieu pè chalcheda,
Svolast uossa tü dandet davent?
Inua vest tü, povr’abbanduneda?»
««Stu seguir la volonted del vent!
Her il vent, il spaventus orrizzi,
90 Mieu sustegn, il bös-ch, ho atterrò;
El dal munt get giò a precipizi,
Me suletta ho cossü laschò!
Il pür ajer della bell’aurora,
Con me, povra, cò e lo giovet;
95 Sül mezdi pürmemma, gnit trid’ora
E’ l vent nordic fin coggiò ’m büttet!
Nu’ m’almaint, nun plauntsch ma disfortüna,
Rassegneda sun ad ogni sort!»»
«Sainza sruors e sainza spraunz’üngüna,
100 Meglder ais as giavüscher la mort!»