Ta-pù, lu trumbone d'accumpagnamente/Matrimonie d'amore
 |
Questo testo è completo. | |
| ◄ | La famije | La maschere | ► |
I
Si sa gna va: che dàjje dàjje e dàjje,
la cipullette ti divente àjje.
E ccuscì fu. Nu povere cucchïre,
4che da tre anne stave a chela case,
tenè’ la signurine vocche e nase,
s’annamurà. Nu ’ccinne e nu suspire...
fintante che je si’ ’ncallà le vene
8e je le disse: — Guè, ti vujje bbene... —
II
La signurine n’c’ere tante male
e solde n’se ne parle... ’nche la pale.
Però tenè’ nu pìcquele difette,
12che mezze mezze l’avè’ rruvinate;
a n’ucchie n’ci vedè, ere cecate!
Perciò sentenne fà’ chelu pruggette
n’si uffennì, n’si fece maravije
16e poche dope ne parlà ’n famije.
III
— La fija mè, pe’ spose a nu cucchïre?
— fece la mamma — mo le stave a dire! —
Lu patre, immece, che tenè’ cchiù tatte,
20j’arispunnì: — Che serve ’stu disprezze?
la mercia ’varïate a metà prezze...
La fija nostre te’ na cataratte,
cullù’ è bbelle, ma sta ’mmane a Criste...
24falle spusà: la nubiltà s’acquiste... —
IV
Spusà’! Chelu cucchïre ’nche le guante,
parè nu prufessore, e ogne tante
vasciàve l’ucchie ceche a la signore...
28— Madonna mè’, ma vasce a ’st’âtru late —
dicè la mujje. — No, ’ss’ucchie cecate,
i’ quesse hàjj’a vascià, pecchè a chest’ore,
se ’ss’ucchie ere sane e vedè’ bbone
32i’ stasse ancore abbasse pe’ garzone!