Ta-pù, lu trumbone d'accumpagnamente/La famije
 |
Questo testo è completo. | |
| ◄ | Lu secrete di professione | Matrimonie d'amore | ► |
I
I’ tenche na famije, no’ pe’ ddire,
che è lu specchie de la maravije.
Ne seme puche: mamme ’nche tre fije,
4ma ci sparteme làcrim’e suspire.
Maie na parole, maie nu dispiacire,
si campe tra le rise e le pazzije.
Nen seme ricche, ma... chi se la pije?
8Ci cuntintème e... tire che gna tire.
N’ci manche quattre sagne di tritelle,
na case che te ’mmente ’n facci’a sole
11’nche na capanne d’uva muscardelle
c’arranche a le finestre e la ribbèle,
e nu cardille dentr’a na cajòle
14che picche, cante e s’arivòte ’n cele.
II
Sole na cose, munne ammastardite!
Stasere mamme ha fatte na frittate
e pe’ farle minì cchiù sapurite,
18’mmezze, tajàte a ffelle, ci-à mmischiate
na savicicce. Ma gnà l’à 'mmannite,
le felle s’à ristrette da nu late;
perciò quande l’à cotte e l’à spartite
22nu quarte stave piene acchichilàte
e ’mmece a ll’âtr’e tre, sort’assassine!,
n’ci s’allucciàve manche nu pezzette.
25«Pijète — ha fatte Mamme — ca mi spicce».
Mannagge!... Tutt’è quattre le fircine
s’è ’mbivizàte gnì le bajunette
28supr’a lu pezze ’nche la savicicce!