Ta-pù, lu trumbone d'accumpagnamente/La maschere
 |
Questo testo è completo. | |
| ◄ | Matrimonie d'amore | Lu ddore de lu casce | ► |
I
Pe’ lu passate jave pe’ le pene
quande s’avvicinave Carnevale:
nen c’ere Criste ca putè’ fa ’mmene
4di fa’ na mascarata genïale
Quanta nuttate! E che divertimente!
Mo vestite da guardia papaline,
mo da pascià ’nche n’àbite d’argente,
8mo da brihànte, mo da capuccine,
mo ’nche na coccia d’àsene... di tore...
Mi piacè ca la ggente, pe’ na sere,
mi scagnàve pe’ quelle che nen ere.
12Ma da quande caschìve a lu trafore,
tra mìdeche, mahùne e ’ngissature
m’arimanì na cossa struppïate
e ne putìve fà’ cchiù mascarate.
16Pe’ che serve a cagnà’ la vestiture
II
quande nen po’ nnascunne lu difette?
Ma l’âtra sere stive a la cantine:
dope che m’avè fatte nu tressette,
20jve a caccià la cocci’a lu fistìne.
E che truvive?! Maie che gni ’st’anne!
Luce, fracasse, paramènte, sone...
Che balle! E che buffè! Cirche e ddummanne.
24Ma quelle che mi fece ’mpressïone
fu’ le maschere... a mmurre.. a centenare!
Nu chiasse... na mischianze di culure...
Da certe mosse e a la caminature
28ricunuscive ’Ndrèc lu macellare
’nche na tòneca ggialle: da ’rimìte.
Appresse: Gesuvè lu sacrestane
vestite da diàvele. Faggiane
32purtave nu cimìre e nu vestite
III
a la giantarme, sfoderà n’affare
pe’ farme 'mpavurì’... Je vulè dire:
’nche me ’sse storie?! facce lu stagnare,
36i’ su’ cullù che venne ’ssi cimìre...
Giuvanne ’nche na cocce di leone,
che si facè’ purtà pe’ la capezze
da lu fije di Cicche lu Sbruffone
40che n’si te’ ritte pe’ la debbulezze!...
Mi sintìve na cose a li vedèlle!...
Pinzìve: che destine! Pe’ ’sta cosse
sul’i’ nen pozze fà nisciuna mosse!...
44Lu vine m’avè’ date a le cervelle.
Vajje a pijà tre canne di telacce
ci’ appiccichìve du’ cuccarde ’mpette,
la maschere; na mazze e na bbarrette
48e ’scive travistìte da pajacce!...
IV
Però quand’arrivive a lu vijòne
mi sintìve nu ccune scuncertate.
Penzave: se la ggente se n’addòne,
52mo ti sinte le strille e le mazzate!...
Ma immece a une a une, tutte quente
cumenze’ a dire: — Vide gnà fa bbelle
lu cioppe chela maschere! Ti ’mmente
56che mastre! E chi sarrà ’stu masanelle?
Ma è n’artiste! brave! — A dovv’è ’scite?
— Vide che ’ntercalate... sempre ’guale...
— L’à studïate! — Pare naturale!... —
60Le scroccate di mane avè’ sturdite...
La ggente ci sajè supr’a le segge
pe’ vedè mèjje a sbatte ’sta cianchette...
’Nche na parole, amiche, ’stu difette
64l’àvetra sera diventà nu pregge!