Sprichwörter (IV)
 |
Questo testo è completo, ma ancora da rileggere. | |
| ◄ | Volksmedizin | Sprichwörtliche Formeln | ► |
Questo testo fa parte della raccolta Rätoromanische chrestomathieNACHTRÄGE.
Sprichwörter.
(Vgl. Band II, S. 669.)
421. Tgi che lauda la feglia, plai alla mumma.
422. In bien luvre vegn mai memia tard.
423. Nagina vacca, nagina bisacca.
424. Cugl curom dils auters fa ins bugien curegias ladas.
425. Tgi ch’ei bia per strada, piarda l’entrada.
426. Urdiu cun resta, tratg en cun festa.
427. La fom catscha gl’uors ord tauna.
428. Cugls signurs sedattan, speilan ei ils purs.
429. Tschadun sec taglia la bucca.
430. Gronda fimera, pauca flomma.
431. Tgi che semna zarclem, sa buca meder salin.
432. Al mulin et alla spusa maunca ei adina zitgei.
433. Cul mel ei daus surengiu, vegn ei fatg via.
434. Ils gronds han liunga bratscha.
435. Cun art et inschin, san ins fender in pelign.
436. Cu tut ils puccaus ein vegls, vegn la ranveria giuvna
437. Meglier pauc che nuot.
438. Tgi che ha bi fil, fa bialla teila.
439. Il solegl dat pertut.
440. Ei dat buc in etg per tuttas plagas.
441. Quitau vala, pli che savida.
442. Ins sto prender ni dunna ni teila da candeila.
443. Femna cun caltschiel rut, femna de nuot.
444. Tgi che suna, lai saltar ils auters.
445. Meglier cumprar, ch’empristar.
446. Sil funs dil sac anfl’ins il quen.
447. Al cavagl ils spruns, alla dunna il pugn.
448. Buania mintgin tier la sia.
449. Ina detga uolp va buc ella falla.
450. Tgi che ha lenn, fa stiallas.
451. Matta e glina, oz sereina e damaun brina.
452. Tgi mai ei plein, ei senza ferein.
458. In bien paternies va mai a piarder.
454. Cu ei neiva egls aults, fa ei freid en la bassa.
455. Spert e bein, darar ch’ei vegn.
456. Tgi che fui dal luf, entaupa gl’uors.
457. Pass per pass ariv’ins a Roma.
458. Il fem, la tuss e l’amur catta ins prest ad agur.
459. Aveina e paglia fan il cavagl de battaglia.
460. In giavel catscha l’auter.
461. Sco la rauba vegn, va ella.
462. Tgi che semeglia, sepeglia.
468. Mo ina nusch en sac fa buca canera.
464. Bia per las vias porta naginas spigias.
465. In bien glas vin fa mal a nagin.
466. Rauba fatga cun rampin, peglia ina mala fin.
467. Suenter il sogn ils entscheins.
468. Ins maungla buc ir en l’aua, per mitschar della plievia.
469. Tgi blasma, cumpra.
470. Ei dat buca carn senz’ossa.
471. Tgi che sebogna en vin, pren ina nauscha fin.
472. La mort ei nossa sort.
473. Mintga crap sa far ina gronda butella.
474. Paun lom e lenn verd arsentan la casa spert.
475. Ei glei buca mintga di perdanonza.
476. Ins sto buca ludar il vau avon da ’l haver passau.
477. Per tgi, che va a mesa via, eis ella adina lada avunda.
478. Feglia suletta, nauscha poppetta.
479. Grondas plauncas, grondas launcas.
480. L’aua sparta.
481. Tgi che ha la vacca, ha il vadi.
482. Mintgin camonda sut ses tetgs.
483. Dil siu ei mintgin patrun.
484. Tgi ch’ei a mulin, mola.
485. Tgi ch’ei gl’emprem sil plaz, metta en la rescha.
486. En in fuorn cauld cresch’ei buca pastg.
487. La pagaglia suenter la lavur.
488. Tgi che gauda, paga.
489. Quei ch’ins fa sez, ei endretg.
490. Cul plaid ei ord bucca, eis ei memia tard.
491. In plaid per forza vala buc ina scorsa.
492. Plaid ei plaid.
493. Quei che noda, sa.
494. Scret stat scret.
495. Marcadau ei marcadau.
496. Tgi che vul buca arver ils egls, sto arver la buorsa.
497. Il don ha mintgin sez.
498. Tgi che stat tier de far, sto era star tier de pagar.
499. Tgi che ha saltau, sto gidar a pagar ils musicants.
500. Il creditur sto encurir il debitur.
501. Cun aviras pag’ins buca deivets.
502. Quei ch’ei pagau, ei regulau.
503. Duas gadas pag’ins buc.
504. Ins sto tadlar plogn e risposta.
505. Mintgin astga dir sia rischun.
506. Ina perdetga, che ha viu, vala per diesch, che han udiu.
507. Tgi che quescha, consentescha.
508. Schenghetg storscha gl’entelletg.
509. Cugl schambun anfl’ins raschun.
510. Mintg’in cun de siu per.
511. Ina buna dunna ei ina cruna.
512. Femna malvuglida, razza futida.
513. Morta la feglia, morts il schiender.
514. Tgi che va cul dabien, ha il demal.
515. Al fegl la buis, alla feglia la roda.
516. La curtauna, la nodacasa et igl ani audan al giuven.
517. La nodacasa arta nagin.
518. La nodacasa va culla casa.
519. Ils logens [de satrar] van culla casa.
520. Ils logens ein della schlateina.
521. Mintgin ei il bab de sias ovras.
522. Mintgin ei il figl de sias ovras.
523. Erur ei buca puccau.
524. Il fatg suenter il pertratg.
525. Savilar fa buca nodas.
526. Tgi ch’ei en suspect, ei en defect.
527. Mintgin ha de dar quen per sesez.
528. Quei che fa e quei che camonda ein tutina.
529. Puccau confessau ei miez perdunau.
530. Tgi ca fatg il puccau, sto purtar la peina.
531. Pial per pial.
532. Il paltrun piarda mischun.
533. Tgi che ha fiuc, ha liuc.
534. Bein cumin, bein de nagin.
535. Ils praus della pervenda han buca patrun.
536. Tgi che ha ina bucca de fel, sa buca spidar mel.
537. Pli buns il vin, pli spert a la fin.
538. Bein empustiu, et miez cusiu.
539. A tgi che sa buca tgei far, dat il giavel lavur.
540. Femna paterliera, schliatta filiera.
541. Ins sa, nua ins ei, mo mai nua ins vegn.
542. Tgi che po buca purtar il crap, sto ruclar el.
543. Bein enschignau ei miez luvrau.
544. La glisch ei mesa compagnia.
545. La ruina ruoi il fier et ils quitaus il cor.
546. Tgi che va a letg senza tscheina, tuta notg sesdermeina.
547. Cul vin ei spinaus, ston ins beiber el.
548. Nua ch’ei glei ovs, dat ei crosas.
549. Ina bucca bletscha ei pir, che la tegna.
550. Sil fem suonda la flomma.
551. Aua cun vin fa mal a nagin.
552. Il piarder fa schliet saun.
553. Dunna e bos pren aschi datier, sco ti pos.
554. Mo in pign nibel lavagia il pli bi serein.
555. Cugls signurs ei schliet migliar tschareschas.
556. Il mal vegn a cavagl e va a pei.
557. Vin fa mistrals.
558. La lieunga unscha, il den punscha.
559. Niessegnar siara ina porta et arva in barcun.
560. A tgi che ha paun, maunca ei buca tgaun.
561. Sabiuts fan segliuts.
562. Nagin ha pli schliats calzers, che las femnas dils calgiers.
563. En casa ina tertigniera, en nuegl ina pugniera fan ira gl umm cul siu a fiera.
564. Bia parents, bia torments.
565. Muneida fa queida.
566. Il paun ei cars, cu ei maunca la muneida.
567. Bialla dunna, nauscha spina.
568. Tard ne prest vegnin nus tuts sut il medem crest.