Pagina:Goldoni - Opere complete, Venezia 1908, II.djvu/561: differenze tra le versioni

{{RigaIntestazione||''LA BUONA MOGLIE''|551|s=si}}

ch’el troppo amor che gh’ave per el vostro mario, ghe filasse el lasso<ref>''È secondare uno alla sua rovina''. {{Smaller|''[nota originale'']}}</ref>, e lo fasse deventar più cattivo.

{{Sc|Bettina}}. Mi de Pasqualin no me posso lamentar.

{{Sc|Pantalone}}. Cossa vol dir che no gh’avè el vostro bisogno, e che ogni zorno bisogna che ve manda da disnar?

{{Sc|Bettina}}. Ogni zorno la dise? Xe da poco in qua solamente. Pasqualin, coi bezzi che la gh’ha dà, l’ha compra de la roba per tornarla a vender; adesso nol gh’ha bezzi, per questo nol me ne dà.

{{Sc|Bettina}}. El saverà più de mi.

{{Sc|Pantalone}}. Faressi meggio a tornar a casa mia.

{{Sc|Pantalone}}. No lo voggio più quel furbazzo. Per un anno el xe sta bon, e savè quanto ben che ghe voleva. Co l’ha scomenzà a praticar, el m’ha rotto el scrigno, el m’ha porta via la roba de casa; e per no sentirme a criar, l’ha volesto cavarse de casa mia. L’ho lassa andar, sperando ch’el fasse giudizio, e ha parso ch’el se drezzasse un pocheto. Gh’ho dà mille ducati da negoziar, ma i dise che debotto nol ghe n’ha più. No voggio, sti quattro zorni che ho da star a sto mondo, reduserme a domandar la limosma per causa soa. Se vu volè vegnir, sè parona, ma lu no certo.

{{Sc|Bettina}}. Se nol vien elo, gnanca mi seguro.

{{Sc|Pantalone}}. Anca se nol ve dasse da magnar?

{{Sc|Bettina}}. Anca s’el me fasse morir da<ref>Sav., Zatta: ''da la''.</ref> fame.

</div>è