Rime milanesi (Pertusati)/Per ona festa in onor de Sant'Andreja Avellin
 |
Questo testo è incompleto. | |
Francesco Pertusati - Rime milanesi (1817)
Per ona festa in onor de Sant'Andreja Avellin
| ◄ | Per el di de Sant'Isepp | In onor de Sant'Andreja Avellin | ► |
- Per ona festa
- in onor de SANT’ANDREJA AVELLIN
- ---
- SONETT.
Sant’Andreja Avellin de norant’ann
El va fœura a dì messa ona mattina::
L’è a l’Introibo el le sorprend l’affann,
L’è colpii da la mort a la sordina.
Òmen, donn de bon temp, bagaj, tosann,
Al dì d’incou sta ranza repentina
La fa su fen: no gh’è de dubitann,
Pesg che i vairœur, pesg che la toss asnina.
El nost Sant Protettor, senti chi dis,
Con morì a sta manera, ah! che gran sort!
L’è andaa, senza savell, in Paradis.
Sì, perchè el stava pront de tucci or:
Ma volta là in d’on bott coi massem stort,
Ei donn vestii de biott.... ohimè! che orror!