Rime milanesi (Pertusati)/In onor de Sant'Andreja Avellin
 |
Questo testo è incompleto. | |
Francesco Pertusati - Rime milanesi (1817)
In onor de Sant'Andreja Avellin
| ◄ | Per ona festa in onor de Sant'Andreja Avellin | Al devott de Sant'Andreja Avellin | ► |
In onor de Sant’Andreja Ávellin.
- ---
- SONETT.
On avvocat, e no l’è strani el cas,
El diss, fors’anch in fall, ona bosia;
Ma perchè l’era timoraa de Dia,
El piang a pù non poss, nol sa dass pas
Poù el dà d’on pè in la seggia, e persuas
Che el mond l’è on traditor, el dona via
Ditt e fatt ai sò amis la libraria,
E l’è fraa Teatin, quand al Ciel pias.
Per on sentee tutt somenaa de spin
El riva alla pù alta perfezion;
E quest l’è Sant’Andreja l’Avellin,
E nun, che gh’emm ben olter che bosij
Da piang, da mett in mucc per el perdon,
Car el mè Sant, ohimè! semm semper quij.