Rime milanesi (Pertusati)/Per el di de Sant'Isepp
 |
Questo testo è incompleto. | |
Francesco Pertusati - Rime milanesi (1817)
Per el di de Sant'Isepp
| ◄ | In onor de Sant'Isepp | Per ona festa in onor de Sant'Andreja Avellin | ► |
Per el di de SANT’ISEPP.
- --
SONETT.
Sont minga inscì marzocch de no savè
Cossa fuss la Probàtega, e me par
D’ess là in Gerusalemm, e de vede
On monton de scanscett sternii sui car.
Lecc, barell, mattarazz.... cossa no gh’è
Che no presenta de miseri on mar?
Oh! che folla de gent calcada al pè
De quell laghett! Che facc! che oggiad! che sgar!
Ai curt: quij poverasc stan lì a curà
El bon moment de marcià in l’acqua, e allora
El prim che andarà a mœuj el guarirà.
Ma con Vù, Sant’Isepp, pomm andà a mucc:
Prim... segond... ultem; d’ora e de strasora
Vù fee accoglienza, e Vù fee grazia a tucc.