Rime milanesi (Pertusati)/Per on defesta de Natal.
 |
Questo testo è incompleto. | |
Francesco Pertusati - Rime milanesi (1817)
Per on defesta de Natal.
| ◄ | Ringraziament al sciur Giovann Nicola per on regall faa a Meneghin de duu stupendissem stracchinon. | Meneghin in d' on Convent de Fraa a Novara. | ► |
- Per on defesta de Natal.
---
- SONETT.
Me regordi quand s’era piscinin
Che tra tucci pù gran solennitaa,
Che dent per l’ann segnava el taccoin,
Mi sospirava i fest de Denedaa.
E me pareva de vedè el Bambin
A nass in su i presepi... E cervellaa,
Lomber, pescicu, salamm, luganeghin
Guarniven i bottegh di nost contraa.
In quij temp se mangiava el panatton,
Se ingurava i bonn fest al sciur Messee,
E lù el ne regalava i ducaton.
Ma se quij temp pur tropp hin vegnuu al manch
Ne speri de vedej a tornà indree,
Vuj che abbiee la defesta impunemanch.