 |
Questa pagina è ancora da trascrivere o è incompleta. | |
| - 54 - |
- Per on defesta de Natal.
---
- SONETT.
Me regordi quand s’era piscinin
Che tra tucci pù gran solennitaa,
Che dent per l’ann segnava el taccoin,
Mi sospirava i fest de Denedaa.
E me pareva de vedè el Bambin
A nass in su i presepi... E cervellaa,
Lomber, pescicu, salamm, luganeghin
Guarniven i bottegh di nost contraa.
In quij temp se mangiava el panatton,
Se ingurava i bonn fest al sciur Messee,
E lù el ne regalava i ducaton.
Ma se quij temp pur tropp hin vegnuu al manch
Ne speri de vedej a tornà indree,
Vuj che abbiee la defesta impunemanch.
