Rime milanesi (Pertusati)/Al devott de Sant'Andreja Avellin
 |
Questo testo è incompleto. | |
Francesco Pertusati - Rime milanesi (1817)
Al devott de Sant'Andreja Avellin
| ◄ | In onor de Sant'Andreja Avellin | Per la festa istessament de Sant'Andreja Avellin | ► |
Ai Devott de SANT’ANDREJA AVELLIN
- ---
SONETT.
Devott de Sant’Andreja, femm giudizi;
Piangemm, ma del ver cœur, i nost peccaa;
Alto su a confessass, lassemm i vizi
De vin, de giœugh, de donn, de nuditaa.
Perchè se la ne ciappa a prezipizi
Colee, che col folcin la sega el praa,
La brutta mort, no vaghem in perdizi,
Senza avegh temp de dì: Signor, pietaa!
Per quant sia ciall, capissi on poo el latin
Per dav sta væulta, in scambi del sonett,
Vestii a la meneghina on regordin;
Idest quell che se legg sul nost librett
Che el comenza: Emendemus, quel che infin
Se legg chi sott in stampa ciar é nett.1
- ↑ Emendemus in melius quæ ignoranter peccavimus, ne subito præoccupati die mortis, quæramus spatium pœnitentiæ, et invenire non possimus.