Rime milanesi (Pertusati)/Per la festa istessament de Sant'Andreja Avellin
 |
Questo testo è incompleto. | |
Francesco Pertusati - Rime milanesi (1817)
Per la festa istessament de Sant'Andreja Avellin
| ◄ | Al devott de Sant'Andreja Avellin | On Sonett anmò in onor de S. Andreja Avellin | ► |
- Per la festa istessament
- de SANT’ANDREJA AVELLIN.
SONETT.
Quell’osservà la Legg de Dio appontin,
Quell tend, quell’aspirà a la perfezion
L’è on dover sì, ma l’è anch on strangorin
Che el strozza tucc insemma i nost passion.
E pur el santo Pader Avellin,
Oh! esempi de stupor, de ammirazion!
El se liga a scernì l’or el pù fin
De la vertù per vôt in ogna azion.
Devòtt de sto gran Sant, cossa femm nun?
Content d’on poo de ben, chi l’è che batt
Del Vangeli el streccioeu?... Pocch o nessun.
E pœù emm de cred d’avell per avvocatt,
De vess i sò caroeu, tucc, e ognidun?
Oh gran stortura! oh pretension de matt!