Rime milanesi (Pertusati)/A la sciura Marchesa D. Giustina Lambertenga Recalcaa.
 |
Questo testo è incompleto. | |
A la sciura Marchesa
- D. GIUSTINA Lambertenga Recalcaa.
- SONETT.
Me n’andava lott lott, lizzòn lizzon
Gingattand coi penser per la mia strada,
Quand senti a damm sul gœubb ona spalmada:
Chi l’è? me volti indree..... L’è on mè amison.
L’è el mè car Gian Pedrin, quell talenton,
Che oguidun voeur avell per camarada;
E, Orsù, el mè Cecch, fissemm ona giornada,
El me dis, de stà insemma a badilon.
Andaremm lunedì a Cà Recalcaa:
Si ben, mi ghe respondi, perchè in fin
Se la Marchesa no la n’ha invidaa,
La invidaremm nun lee a disnà intra trii,
In cà soa, già s’intend, l’è cinqu in vin.
Quest l’è staa el nost conzert... M’hala capii?
Duu amison, Meneghin, e elfamos Avvocat Torti (Jesus per lù) giugand ona sira a on giœugh de nœuva invenzion capazz defà voga i sass, tacchenn baruffa de paroll intra lor duu: ma l’Avvocat mettendes per cor tesia da la part del tort, el mandè la mattina adree on bigliett de scusa a l’amis per ona lit che no la concludeva nagott.
- Risposta de Meneghin a l’Avvocat
- buttada là in sui duu pee.
- ---
- Stanzett in VÉRS OTTONARJ.
Superciamm a sta manera,
Avvocat, tel digh mi Rocch
L’è on sonamm ona sterlera
Sul coppin che me ’ trà locch.
Intra nun no se fa goss,
Pocch paroll, diroo tuttcoss:
Porch porcon d’on tarrocchin,
Che fa perd la tramontana
Anch giugandel de quattrin
Fina ai prèvet in sottana,
Te see ti che m’ha soldaa
El mazzucch mal peccennaa.
I tosann, Luchin, la noura,
Pover mi! restenn in botta,
Quand jer sira sont daa fœura,
E per roba de nagolla.
Che balocch! Sont staa mi quell
Propriament ch’ha rompuu i squell.
Mi no soo coss’abbia ditt;
S’era in collera con vù; E
quest sol l’è on gran delitt
Che no poss perdonamm pù.
Sbaruffamm con Camill Tort?
Tutt’el mond me darà tort.
Desgustaa di mee paroll,
Vernighent, mal. mesuraa
Per prudenza a rompicoll
Come on daino sii scappaa:
E restassem lì camuff
Inguaa a quij che fa su el ruff.
Me guard ven tucc in shiess,
No saveven cossa di,
Mi pareva on omm de gess
E diseva intra de mi:
O che bestia che te see!
Oh! podess fall tornà indree.
El castigh l’è staa tropp giust:
E la povera mia donna
Anca lee l’ha avuu el desgust
De restà su la poltronna
Con speranza de vedeff,
Ma attaccada a on fil de reff.
Rompuu el fil, sont andaa in lecc
Motrient, pensos, pentii,
Ah! che offend on amis vecc
L’è on peccaa che fa per trii!
Hoo bell stà, bell revoltamm,
No gh’è maud de indormentamm.
Me resolvi in fin di fin
Per vede de ciappà sogn
De trà in pee quatter cossin,
E me metti in codegogn;
Ma giacchè no poss dormi,
Stoo specciand che vegna dì.
Levi su quand al Ciel pias,
E no pensi d’andà a messa
Senza prima avè fɗa pas
Con l’amis pesg che n’è in pressa:
Chè el comanda inscì el Signor
A tucc quij che è staa offensor..
Quand ven denter Iseppin,
Eelmedaonacartainman
Pover mi! L’è on bollettin;
El cognossi de lontan,
E dervendel inivida,
Disi: Ohime! l’è scià ona sfida,
Leggi, e resti come on sass,
E per quant me frega i cucc,
Mò: l’è inscì da l’alt al bass;
Lù el se umilia, e mi linoucc,
Mi rissos, goff, ignorant
Volzaróo de fa el boffant?
Lù inscì bon, tant virtuos,
Lù che infin l’è pœù l’offes...
L’avvocat vittorios
L’è lu quell che paga i spes:
E tutt cœur, l’arriva a dì
Che me ven moneda mi.
Quest l’è on tratt che me sconquassa
Nè per quant mi possa dinn
In genæucc colla front bassa,
Cont ai cucc i madonninn
Ah! i paroll cunten nagoit,
E ve resti tropp de sott.