 |
Questa pagina è ancora da trascrivere o è incompleta. | |
| - 40 - |
A la sciura Marchesa
- D. GIUSTINA Lambertenga Recalcaa.
- SONETT.
Me n’andava lott lott, lizzòn lizzon
Gingattand coi penser per la mia strada,
Quand senti a damm sul gœubb ona spalmada:
Chi l’è? me volti indree..... L’è on mè amison.
L’è el mè car Gian Pedrin, quell talenton,
Che oguidun voeur avell per camarada;
E, Orsù, el mè Cecch, fissemm ona giornada,
El me dis, de stà insemma a badilon.
Andaremm lunedì a Cà Recalcaa:
Si ben, mi ghe respondi, perchè in fin
Se la Marchesa no la n’ha invidaa,
La invidaremm nun lee a disnà intra trii,
In cà soa, già s’intend, l’è cinqu in vin.
Quest l’è staa el nost conzert... M’hala capii?
