Rätoromanische chrestomathie X/Historias biblicas/Joseph nella chiasa puthifara
 |
Questo testo è completo. | |
| ◄ | Historias biblicas - Joseph gnit vendü intün pajais ester | Historias biblicas - L'iñozenzia nella praschun | ► |
La 18 Historia.
Joseph nella chiasa puthifara.
Quel chi d’eis, prus e prudaint, fidel et real, a quel non dess esser afano, schia el sto eir bandunar sia patria, et sta retirar in pajais esters. Dieu eis dapertot con el. Dapertot chiata el büna glieut. Minchia marchiadaunt havet compognia vers Egipt. Puthiphar, ün notabil Signur compret a Joseph. Joseph servit a seis Signur, fidel, et realmaing, et per quai era Dieu, eir jüst con el. Tott quai chia Joseph feva, fet Dieu fortiná et con riuschenschia. Seis Signur l’havet zond jent, et non s’ laschet sa servir da ingiün atter, co solum dad’el. Tott l’eccolomia al gnit s’urdat. [f. 3r] Dapertot daj eir mals crastiauns, et da quels chi sa sto sa temar. Joseph era zond ün bel juven. La doña da Putiphar era zond aimiaivla con el, et al volet al surtavellar, per al far pechiaintar. Ma el non sa consentit et dischet: „Co dessi jau far usche ün grond mal, et ma pechiaintar cuntra meis Dieu?“Ella s’ mettet minchia di davo. Ma el muchiet sur da tott ora. Üna jada era Joseph sulet a chiasa, et rizet ora sias fatschendas. Qua clapet ella pro seis jabaun et redublet il medem schiandulus progiet. Ma Joseph laschet seis jabaun in maun et müchiet. La donna vezet quá sprechiada, schi gnit ella zond rabiantada. Perchia la compagnia da mals crastiauns sa volgian sovent nella plü amara inimicizia. Ella comainzet da brajer, et clomet insemal tott la glieut da chiasa. „Guardai“, dischet ella, chia mal crastiaun chia mais hom ha rabla in chiasa! El gnit aint pro maj, et volet comainzar seis spass con maj. [f. 3v] Ma jau s’ brajet, usche ât chia jau podet. Qua laschet el illura inavo seis jabaun, et müchiet.“Ella mettet il jabaun davent, infin chia seis hom gnit a chiasa. Quista mosset ossa il jabaun, chia el percio crajes plü bain, et al dischet amo quistas manzögnias da scherz. Qua devaintet il Signur zond rabiainta, et laschet al inocenziaivel dalunga büttar in praschun. Simpissai quai bain uffaunts! Qua s’ da Joseph, il nobil plain inozenzia, et volurus ün bel exaimpel. El s’impesset nella taindaziun pro Dieu. Ell’ müchia dal comerz da mals crastiauns. El prechia sia inozenzia amo plü ât, co tott la fortüna del Mond. El non ama la virtü per via da guadogns mundauns. El da bler da plü, per sia inozenzia co per honur mundauna, et la sura faculta et preverenza, et va plü jent nella praschun, co sa pechiaintar cuntra la vöglia da Dieu. O chia bel sacrifici! Fatt con minchia taindaziun eir uschea.