Rätoromanische chrestomathie X/Historias biblicas/Jesus da 12 oñs nel taimpel
 |
Questo testo è completo. | |
| ◄ | Historias biblicas - La fugia ver Egipt | Florin Pitsch | ► |
| [f. 42v] | La 10. Historia. |
Jesus da 12 oñs nel taimpel.
Jesus creschet sü nella hitta da seis Genituors a Nazareth. El era ün uffaunt da divina condolenza at schon da dün puob da divina sapienschia. Joseph et Maria viagetan minch’on sülla festa da Jerusalem. Quai comondet la letschia dels Israelits. Cur chia Jesus era 12 ons vegl tal piglietan eir con els. Usche lung chia era il viadi, jet el tauntüna con algrezia. Co comovent sto esser stadt per el con dar öl la soinchia cita et l’ât taimpel e chial ha trapla la prüma sco ün juven sfluri. El era quà plain da devotiun, aduratiun, algrezia et gratitudina. Ils dits dellas festas jetan inafin, el s’ retegnit amo a Jerusalem et quasi ad’üna nel taimpel. Seis genituors schon sülla via vers chiasa. Sülla via s’incorgietan intüna jada chia Jesus qual senza sia licenzia non jet ma della vard, et ossa nel el plü pro els. Els crajetan fratanto ch’el sara pro seis compogns da viadi, et consümetan la prüma giornda. La saira nel ogio dumondetan els dapertott pro seis paraints. Ma ninglur tal chiatetan quà seis genituors. Con aunguoschia da cor consümetan amen duoi tott il di darchiau vers Jerusalem. Dapertot tal chierchietan els nellas grondas jasas da quista grande cità et dapertot tal dumondetan els davo el traunter la gronda maschia da blera milli crastiauns. Id’era schon ariva il terz di Minchia momaint sdozet sia anguoschia. Ossa jetan els nel taimpel e per chierchiar ein a qua, et guarda, qua nel taimpel da Dieu oglietan els l’uffaunt Jesus taunter ils doturs. Els als taiclet pro el als dumondet et als respondet eir sun lur dumondas. Üna quantita da pövel eran radunats intuorn el. Ils öls da Totts eran indrizats sün el. Tott obbeditan minchia pled chi gnitt ora da seis levs et smiraveglia del straordinaria sapienzia dell’uffaunt.
[f. 43r] Sia mama, quala s’havet travagliada quists dits usche bler, dischet ella con el: „O meis uffaunt. Perchia ans hasch tauntüna fatt quai? Guarda teis bab et jau t’hain chierchia con aunguoschia. Il uffaunt Jesus respondat dutsch et amiaivel. „Eri da da basögn da niha chierchiar usche löng? Non savauat chia jau stögn esser nella chiasa da mais bab?“O uffaunts! quist pled vo dir bler! Da Jerusalem tuornet darchiau Jesus inavo a Nazareth nella quieta e povra hitta da seis genituors. Quà pasaintet el seis oñs da juventüm, et jüsta quà, eis el per vus uffaunts il plü bella imagina. Simpissei sün sia Historia da sia juvemtüm. Ella eis missa insemel con quists pacs pleds et ha nom: „Jesus era sottomiss a seis Genituors et pigliet pro sapienzia et amiaivleza avaunt Dieu et crastiauns sco ün d’eta. Uffaunts al devaintaj simils, schon in vossa juventüm et al imitai! El seis dat per ün exaimpel et ingün atter.