Quels giats, chi maglian tantas mürs
 |
Questo testo è completo, ma ancora da rileggere. | |
| ◄ | Un juven generus per tschert | Ils peschs aint in l'aua san saimper noudar | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
145.
(Annalas XI, Vital, p. 195 — 198.)
Quels giats, chi maglian tantas mürs
Ed uossa sun in trapla tschüfs,
Ais bain da’ s müravgliar.
Quels giats pon bain eir s’almantar
5 Ed eir con raca vusch chantar:
Miau, miau, miau!
Quels giats, chi maglian tants buns trats,
Sun uossa zuond fich magunats
Ed han fat mal lur gnieu.
E malas mürs tegnan cussagl;
10 Perquai ils giats fan bain mamvagl:
Miau, miau, miau!
Quels giats han gnü ’sche fich sgrattà,
Ch’els han lur unglas gio üsà,
Ed uossa strofiats.
Perquai pon uossa las mürs sotar,
15 E tuots ils giats s’ ston pazientar:
Miau, miau, miau!
Nella Cadè eira ün giat,
Chi eira vegl, fich strapatschà,
E ’vaiva eir trat sü
Ün giat d’ün’otra qualità,
20 Chi involaiv’inviern e stà:
Miau, miau, miau!
Seis dschender, giat amo plü fin,
Per involar ’vaiv il rampin,
Propi seis natüral;
Eira pertuot it involand,
25 Imminchadi v’ laiv’oter tant:
Miau, miau, miau!
In Sursaiss’eir’ün giat grisch,
Chi involaiva eir pernischs,
Ma bricha da seis lö.
’Na clostra ha el sblundrià,
30 Ils gesuiters fügentà:
Miau, miau, miau!
In Villa eir’ün giat pulit,
Chi faiva tuot per far dispet;
Quel eir’ün pover giat!
Da sai svess ’vaiv’el involà;
35 Perquai ais el eir gnü s-chatschà:
Miau, miau, miau!
In Vallendau eir’ün giat fin,
Quel eira brich’ün giat comün,
Domandai il Columban.
Sco mincha giat ha sa natüra:
40 Ed in las grifflas sa masüra:
Miau, miau, miau!
Il melder giat eir’in Razüns,
Savaiva perfin far ils quints,
Avdaiva in castels.
Eir’usche fich it involand,
45 Ch’el staiva ir as azoppand:
Miau, miau, miau!
Da tuots ils giats in Flem eir’ün,
Chi comandaiv’infin in ün,
Magliaiva mürs e rats.
Sco ün barbar giaiv’el s-charnand
50 E va con l’oter spadergliand:
Miau, miau, miau!
Füss eir blers plüs giats da nomnar,
Chi bain savaivan mürs pigliar,
Ed eiran giats rapins
Tras las lur tschattas da valü.
55 Suvent tgnaivan la cua dret sü:
Miau, miau, miau!
Uoss’han els la cua in gio,
Cur van da s-chala sü e gio;
Ma co ais quai müdà.
Da temp quels faivan ils grands sprungs,
60 Ed uoss’ils trattan da tschigruns;
Miau, miau, miau!