Poesie milanesi/VI - Sonetti/3

by Carlo Porta

3

../2 ../4 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

3

◄

VI - Sonetti - 2

VI - Sonetti - 4

►

3. (-1815).

Ma sal, el mè sur Lella¹, che a dì pocch
El meritta de vess casciaa in galera,
Asen fottuu! ch’el vaga a strappa i sciocch²,
E minga a strappa i dent in sta manera!

Per cavamm on dent guast tramm tutta in tocch
La gengiva e on bon quart de restellera?³
Ah, sur Leila! ona porca de tarocch⁴
Pesg de lu no la gh’è propi davvera!

So che parland di strappadent in massa
Se diseva ona voeulta che costor
O che strappen el dent o la ganassa;

Ma lu, sur Leila, senza avegh la flemma
De fa vuna di dò come fan lor,
El strappa la ganassa e i dent insemma.

Note

1. Leila: il dentista Bonella allora in voga.
2. sciocch: ceppo, radice di albero.
3. restellera: rastrelliera, cioè la dentatura.
4. porca de tarocch: porcacchione.