 |
Questa pagina è ancora da trascrivere o è incompleta. | |
2.
PER ONA SCENNA MAL ORGANIZZADA
(-1815).
Per burattà1 se droeuva el buratton,
Per pontellá se drceuva di ponti],
Per lima e scopellá, limm e scoppij,
Per stanga e bastona, stangh e baston;
Se droeuva per stoppa di stopporon,
Per martella se droeuva di marti j.
Per imbriá di bruco se droeuva i brij,
E per scopponá sii, di bon coppon;
Per inredá i merlott se droeuva el red,
Per sganassá a l’ingross di bonn ganass,
Per inspedá polid se droeuva el sped;
Ergo donca Ve cossa che la va
Soeulia, soeulia, polid e del so pass
Se droeuven i orghen per organizza.
3. (-1815).
Ma sal, el mè sur Lella2, che a dì pocch
El meritta de vess casciaa in galera,
Asen fottuu! ch’el vaga a strappa i sciocch3,
E minga a strappa i dent in sta manera!
Per cavamm on dent guast tramm tutta in tocch
La gengiva e on bon quart de restellera?4
Ah, sur Leila! ona porca de tarocch5
Pesg de lu no la gh’è propi davvera!
So che parland di strappadent in massa
Se diseva ona voeulta che costor
O che strappen el dent o la ganassa;
Ma lu, sur Leila, senza avegh la flemma
De fa vuna di dò come fan lor,
El strappa la ganassa e i dent insemma.
- ↑ buratta: abburattare, cernere la farina dalla crusca. (Nota transclusa da pagina 320)
- ↑ Leila: il dentista Bonella allora in voga. (Nota transclusa da pagina 320)
- ↑ sciocch: ceppo, radice di albero. (Nota transclusa da pagina 320)
- ↑ restellera: rastrelliera, cioè la dentatura. (Nota transclusa da pagina 320)
- ↑ porca de tarocch: porcacchione. (Nota transclusa da pagina 320)
