Poesie milanesi/VI - Sonetti/11
 |
Questo testo è incompleto. | |
| ◄ | VI - Sonetti - 10 | VI - Sonetti - 12 | ► |
11.
(1815).
Sissignor, sur marches, lu l’è marches,
Marchesazz, marcheson, marchesonon,
E mi sont el sur Carlo milanes,
E bott lí senza nanch on strasc d’on don.
Lu el ven luster e beli, e el cress de pes
Grattandes con so comed i mincion,
E mi, magher e biott, per famm sti spes
Boeugna che menna tutt el dí el fetton1.
Lu, senza savè scriv ne savè legg
E senza, direv squas, savè descor,
El god salamelecch, carezz, cortegg;
E mi (destinon porch) col me sta su
Sui palpee tutt el dí, gh’hoo nanch l’onor
D’on salud d’on asnon come l’è lu.
Note
- ↑ menna.... el fetton: faticare.