Poesie milanesi/IV - Quartine/Ai carroccee e fiaccaree
 |
Questo testo è incompleto. | |
Ai carroccee e fiaccaree
| ◄ | IV - Quartine - Resposta a ona lettera d’on amis | IV - Quartine - Lettera a on amis | ► |
AI carocCee e fiaccaree
(1815-1816)
FAVOLA.
La giustizia de sto mond
La someja a quij ragner
Ordii in longh, tessuu in redond,
Che se troeuva in di tiner.
Dininguarda ai mosch, moschitt
Che ghe barzega on poo arent,
Purghen subet el delitt
Malappenna ghe dan dent.
A l’incontra i galavron
Sbusen, passen senza dagn,
E la gionta del scarpon
La ghe tocca tutta al ragn.
Fiaccarista e vicciuritt,
Che vee foeura de manera,
Inanz batt quij gambaritt1
Pensee ai mosch e a la ragnera.
NOTA.
- ↑ gambaritt: cavalli magri, deboli, stentati, che appena si reggono in piedi.