Poesie friulane/Timps di pâs/Sère in montagne

Sère in montagne

../Su l’albe ../Cujète IncludiIntestazione 12 febbraio 2022 100% Da definire

Timps di pâs - Su l’albe Timps di pâs - Cujète
[p. 27 modifica]

Sère in montagne.

No sai lafè plui gran malincunìe
che di çhatassi sói, in un paîs
di montagne, sul fà de avemarìe,

[p. 28 modifica]


lontàns di çhase, lontàns dai amîs
e dal tresièt, capitâds sù in malòre
fra i grèbanos, svojâds, redrôs, scunîds.

’O spièti su di un clap, che suni l’òre
di gnòt, e ’o pólsi un flâd, e ’o çhali il crèt
de Amariane che al slûs còme une bòre,

ançhimò a lung sul cil làmpid e nèt.
Cualchi stèle, ne sì ne nò ’e trimòle
ad alt, cun t’un lusignamènt cujèt.

Fra i stèrps di rôl e di noglàr vongòle
l’ùltime bavesèle, svintulànd
un bòn odór di fèn che mi consòle;

e, a fil de bave, s’intive, di cuànd
in cuànd, la vôs de But, clare, lontane,
che dismònte la grave çhantuzzànd.

[p. 29 modifica]


La pâs di chèste sère mi travane,
mi si disgòte a gòt a gòt tal cur,
intant che si distude l’Amariane,

intant che un pôc a la vólte al vèn scur.