Poesie (Porta)/141 - Se fuss omm de quell talent
 |
Questo testo è completo. | |
Carlo Porta - Poesie (XIX secolo)
141 - Se fuss omm de quell talent
| ◄ | 140 - Prometti e giuri col vangeli in man | 142 - AL SCIOR AVVOCATT MARTINELL A ABANO | ► |
Se fuss omm de quell talent
de fà vers all’improvvisa
el sarav quest el moment
de dagh dent proppi de frisa.
Chè i finezz che la me usa5
hin per mì on’obbligazion
de ubbedilla senza scusa
in tutt quell che fudess bon.
Mì sont chì come la voeur
cont i brasc coj man coj pee10
cont i spall coj dent col coeur
con tutt quell che la voeur lee.
Ma intuitù de robb de coo
se la poss minga ubbedì
l’è per via che no ghe n’hoo15
nanch per l’uso mè de mì.
Donca lee, da brava donna
come l’è, che l’aggradissa
l’intenzion che ghe l’hoo bonna,
e del rest che la supplissa20
a ornà lee cont el sò coo
quell’eviva che ghe foo.