Poesie (Porta)/142 - AL SCIOR AVVOCATT MARTINELL A ABANO
 |
Questo testo è completo. | |
Carlo Porta - Poesie (XIX secolo)
142 - AL SCIOR AVVOCATT MARTINELL A ABANO
| ◄ | 141 - Se fuss omm de quell talent | 143 - Tucc i fior che la mammina | ► |
AL SCIOR AVVOCATT
MARTINELL A ABANO
Sonett
Tra i tanc amis de casa Martinella,
che s’hin vodaa al gran Sant di Padovan
per fà ch’el torna a cà viscor e san,
ghe sont anch mì sò servitor brighella.
E adess che grazia al Sant semm squasi a quella5
d’avell, come el vorevem, in Milan,
troeuvem giust ognidun de tirà a man
quaj regall de mandagh alla cappella.
Intant però che i sozzi hin in desputta
per inventà on regall che rappresenta10
la spezia della grazia rezeputta,
mì in qualità de cavalier del dent
ghe mandi per cunt mè a posta correnta
dò sguansc de azzal ch’hin mej che né d’argent.