Apri il menu principale

Poesias I. (Pallioppi) (1907)

romancio

Zaccaria Pallioppi 1907 P Indice:Decurtins - Rätoromanische chrestomathie, VIII.djvu Poesias I. Intestazione 17 febbraio 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


[p. 198 modifica]ZACCARIA PALLIOPPI. Poesias I. Samedan.


[p. 7] Ils buttuns da rösa

O zarts buttuns da mieu röser,
Che voul il dutsch arrir
Da voss föglins d' ün cotschen cler,
Nel calisch verd, am dir?

6 „Pür ama, bram' il splenduraint
Solagl, a nus inguel!
La glüsch suletta fo containt,
La vaira glüsch del tschêl.“

Rösins; o dschè' m, scha vus posais,
10 Nel calisch chod e lam.
Perche l' avriss? perche tscherchais.
Da solver quaist liam?

„Il paradis da nos plaschair,
Celesta clarited,
15 Brich in preschun volains giodair,
Mo libers, in vardet!“ … …

[p. 8] E vus non tmais, cha milli spins,
D' invilgia procreos,
As puondscheron, o poverins,
20 Cur essas our prüos?

„Chi bram' il cler sco nus bramains,
Nun ho terrur dal mel —
Triunf, ün cour plain d' or mussains
In fögls pompus al tschêl!“ …

[p. 199 modifica]

[p. 11] Gentiana acaulis.

Paschaivla flur, chi hest
In tschêl müdo la terra,
Scu el sublima est,
Azzur ais el scu tü;
5 L' umaun però, d' ün cour
Bramus da saung e guerra,
Ün vair infiern … landrour.
Faregia saimper pü!

[p. 12] La viola.

Vögl chanter da tia vitina
Ün vardaivel, intim pled:
Violina, violina,
Pia sour dell' ümilted!

5 D' or da purpura splenduran,
Per gradir als ögls del muond,
Ambiziusas fluors o dmuran
In zardins costaivels zuond;

Tü però, in simpel vstieu
10 Scu del tschêl què dutsch blovaint,
Tü t' inclinast be vers Dieu,
Chi süls munts at ais ardaint.

Violina, violina.
Pia sour dell' ümilted!
15 Vögl chanter da tia vitina
Ün vardaivel, intim pled:

[p. 13] Ot s' elevan fluors granderas,
Mo sün fragil manch; lur cho,
El pumpagia sur las eras,
20 Eir scha' l cour ais velenô;

Tü però, bassin creschida
Traunter müs-chel … frais-ch … intuorn,
Spandast ün' odur, chi müda
In elisio tieu contuorn.

[p. 200 modifica]


26 Vögl chanter da tia vitina
Ün vardaivel, intim pled:
Violina, violina,
Pia sour dell' ümilted!

Rian fluors luxuriusas
30 Al solagl; lur vaun arrir
Smauncha, scu infructuusas
Ormas, ün ardaint morir;

Tü containta sur il stedi
Tieu da charited e fè,
35 Cridast perlas da rosedi,
Cha las stailas sun con te!

[p. 15] Il vadret.

Ais que vardet, oppür be fantasia,
Cha tieu intern, miraculus vadret,
Per brama d' esser candid e perfet,
As purificha da scodün' ascria?

5 Què nun deciderò la poesia;
Ella so be, cha' l veterô melnet
Nun ho, scu tü, uschè sublim aspet,
Nè volv' ün frunt uschè serain a Dieu.

O cour malign, pü indürieu cu spelma,
10 Quaunt lönch, quaunt lönch voust auncha rotuler
Dellas passiuns nella pü ota belma?

Cour infidel, pü dschiet a fier cu glatscha,
Nun hest ne saung, ne larmas per crider,
Scha Dieu ho vout da te sia sencha fatscha?


Prümavaira.

Il terrain scoverna sieu linzöl da mort —
[p. 23] Nova, megldra vita, o celest confort!

La chüralla svoula our dal s-chür … vaschè —
Ormas, cheras, ormas, pür in Dieu crajè!

5 Munt e val s' infittan un prüvedas fluors —
Beadentsch' eterna, tü nun hest doluors! …

[p. 201 modifica]


Randolinas tuornan' tuorna la chalur —
10 O mieu frer, turnainta' m eir tia vegl' amur!

Il solagl as spievla aint in clers ovels —
Barattain il Mammon col tesor dels tschêls!

[p. 29] Nossa patria.

Frantuna: „forza! forza!“
L' immens vadret darcho,
In sfracaschand sa scorza,
Chi lönch il tgnet lio.

5 Sussura ferm l' orrenda
Lavina giò dal ot:
„Triunf! triunf!“ e sfenda
Il spelm e smach' il god.

Flüms rumpan lur chadagnas
10 Da glatsch; cun majested
Strasuna sper muntagnas
Lur uonda: „liberted!“

O patria nöbla, degna
D' ün Gian Caldar, d' ün Tell:
15 Tü grandius' insegna,
Da ster a te fidel!

[p. 40] Cuors del muond.

Taunt pitschen ais il cour, ch' eau nun savaiva
Comprender da vainch ans, cu ch' el serress
Il paradis in se, la terra svess
E tuot sieu or, chi genuin paraiva.

5 Eir ais il cour taunt fragil, ch' eau crajaiva
Sainz' oter desch ans zieva, ch' el rumpess,
Colpieu dal fos, chi cun barbaric snöss
Da mia pü viva charited riaiva.

Mo uossa, per artschaiver be fraidezza
10 E vöda insensibilted mundauna,
Ais ogni spazzi lung e larg avuonda.

E sch' eau sun tschert, cha' l Segner ais mia spuoand,

[p. 202 modifica]

Cha' l tschêl etern tuottün' alver nun pauna.
Stun eau bain cunter eir a lur dürezza.

[p. 14] Incoraggiamaint.

(Suainter Platen.)

Tschert ais bel, d' eseguir immortelas e splendidas ouvras,
Giuven, lavura perquè, mê aun spargner la süur!
Eir scha tü sest, cha immérita glieud, vetered' in pigrizia,
Merits inascra gugent, perfidamaing bajaffand.

[p. 14] Incoraggiamaint.

(Suainter Platen.)

Tschert ais bel, d' eseguir immortelas e splendidas ouvras,
Giuven, lavura perquè, mê aun spargner la süur!
Eir scha tü sest, cha immérita glieud, vetered' in pigrizia,
Merits inascra gugent, perfidamaing bajaffand.

[p. 17] La revista notturna.

(Suainter Zedlitz.)

A mezzanot banduna
La foss' il vegl tambur,
Quel rimurus, chi suna,
Giand sü e giò allur.
 
5 O guarda, cu s-charnida …
Ais l' ossa da sieu maun,
Chi ratapland invida
Scodün guerrier al plaun!

O taidla, cu rimbomba
10 Quel orrid ratapler,
Chi clam' in fraida tomba:
„Reviva, degn confrer!“

„Tü glorius perieu,
Intrepid veteran,
15 Da César est bannieu,
Quel fulmen corsican!“

[p. 18] „Bannieu alla revista
Sün l' era dels beos,
Davent da quaista trista
20 Preschun … da mort repos.“

E mera, chi sün glatscha
O suot la naiv perit,
Fügind avaunt la fatscha
Del bárbar Moscovit;

[p. 203 modifica]


25 E chi, schabain patidas
Eir tropicas chaluors,
Dasper las piramidas
Ho termino il cuors;

E chi da precipizis
30 In s-chür … abiss crudet,
E chi nel mer d' orizis,
Ferieu, la mort chattet:

La tomba laschan uossa,
Da cho a pè armos,
35 Quels tuots, cha Clio muossa
Scu genuins sudos.

[p. 19] E dschand: „a Dieu, o fossa!“
Els marchan ziev' il sun,
In unifuorma d' ossa
40 Da pè a cupigliun. —
 
A mezzanot fanfara
Il trombettist allur,
Chi, galoppand, a gara
Risvaglia col tambur.

45 E tombas pü nun zoppan
Neir agils cavalliers,
Chi d' ogni vart galoppan
Immediat notiers.

La speda sanguinusa
50 Dal inimih mazzo
Cu ho, na pü charnusa,
Lur secha bratsch' ozo!

O guarda l' appertüra,
Inua lur ögl dmuret,
55 Taunt vöda e taunt s-chüra … —
Cha' l saung as inquagliet!

[p. 20] O taidla, cu cha sfrignan
Con buocha sainza leiv:
„Da noss chavals, cur grignan,
60 Ais l' oragan pü greiv!“

[p. 204 modifica]


E spert scu la sagetta
Rabatt' üna squadrun
Süll' otr' al plaun, chi spetta
Da tuottas l' uniun. —

65 A mezzanot, o arte
Co müda tieus signels!
Appera Bonaparte …
Con tuots sieus generels.

Quel unic ais charnieu,
70 Nun po as putrefer,
E deja e vestieu
Nun paun il banduner.

Quel spiert, chi superescha
Tuot oter spiert umaun,
75 Eir uoss' electrisescha
Ognün guerrier sül plaun.

[p. 21] E splendurind Selena
Dandettamaing in tschêl:
„Bainvgnieu da Sench' Elena!“
80 L' acclaman tuots eguel.

Ma scu pü bod flammaiva
Suotour il chapein,
Sieu ögl eir uoss' artschaiva
L' armeda sainza fin.

85 L' armeda, chi preschainta.
Banderas inclinand,
Quell' arma taunt glüschainta,
Pined' a sieu comand.

Allur suot vusch al crouda
90 Al prossem graduô
Ün pled, chi fo la rouda
Fin al extrem sudô.

Quel pled incoraggescha
L' armeda tres e tres;
95 Quel pled, chi animescha.
Aunch' uossa vairs Franzes.

[p. 205 modifica]


[p. 22] Quel pled, chi det victoria
Al fulmen corsican, …
Ais la parola „gloria!“
100 Mo eir sovenz ingian.

Perche col sun dell' üna
Tuot in ün hui! sparit,
César e sia fortüna —
Güvland il Moscovit.


[p. 24] Il firmamaint.

(Suainter Rückert.)

Il firmamaint ais üna granda charta …
D' azzur, chi ho, posand nel maun da Dieu,
Fin al preschaint constantamaing mantgnieu
Sieu bel colur, e chi neir ziev' il squarta.

5 In quaist' epistola fidell' e zarta
Sarò del tschert angelic text contgnieu;
Mo da' l incler e vair sun impedieu
Fin cha' l solagl, sieu degn bullin, nun parta!

El partirò, cura la not prorumpa
10 E muoss' a me in stailas innombrablas
Quet text sublim cun gloriusa pumpa.

Allura leg: „Sto ferm, eau sun tia channa!
Eau sun tieu s-chüd! … … Fadias non sun stablas,
Mo stabl' ais mi' amur, chi nun ingianna!“

[p. 30] Alla tomba d' ün amih.

(Suainter Rückert.)

Pür semna vivas fluors,
Posand intuorn la fossa,
E nun smancher la mort,
Schi nun tmarost si' ossa!

5 Murit però a te
Ün bun amih e cher —
Impaissa' t: be ün dì
La vita po dürer!

[p. 206 modifica]


Perquè sarò l' amih
10 Be üna cuort' urella
Rivo aunz te lossü,
In chesa stabl' e bella.

E nun al voust covir,
Ch' el ais beo fingiò?
15 Süainta l' ögl! damaun
Sarost eir tü allò.