Poesias (Singer)/9
 |
Questo testo è completo. | |
Gian Singer - Poesias (1907)
L' utuon
| ◄ | 8 | 10 | ► |
Questo testo fa parte della raccolta Rätoromanische chrestomathie
| [p. 25] | L’utuon. |
Il trist utuon sparischa
Cun pass severs e launts;
Tuot moura tuot passischa,
Tuot renda dschems e plaunts.
5 Las fluors pü nun ’s regalan
Lur balsam lur sorrir:
Crodand ellas esalan
Als vents l’ultim suspir!
La glüsch del tschel pü s-chüra
10 Trametta razs main chôds;
Da lur rests da verdura
As spoglian vals e gods;
Ils munts sun corunôs
Cun lur zindels da naiv,
15 Vadrets sun circondôs
Cun intransibla saiv.
L’inter creô succomba
E crouda plaun a plaun
Nell’impossanta tomba
20 Chaveda da sieu maun;
Sa vusch aunch’üna geda
Complaundscha prossma fin:
Ma l’ur’ais calcodeda
Dal temp e dal destin.