Poesias (Singer)/12
 |
Questo testo è completo. | |
Gian Singer - Poesias (1907)
La rimmembranza
| ◄ | 11 | 13 | ► |
Questo testo fa parte della raccolta Rätoromanische chrestomathie
| [p 43] | La rimmembranza. |
O quaunt cher’ m’ais ta memoria,
Bell’infanzi’, aurora püra!
Tü zuond cuorta, transitoria
Sco la flur della cottüra!
5 Sün tia barcha fügitiva
Cumanzet eau naviger,
Cun fidaunz’e pêsch naïva
Sün las uondas del grand mêr!
Il solagl dell’innocenza
10 Am guidaiva tres il port,
Nè pissers nè sofferenza
Imnatschaivan a ma sort!
Tu sparittast, bell infanzia,
Ma nel cour, ameda flur,
15 Conserv’eau ta rimmembranza,
Dutsch sorrir in ma dolur!