Pagina:Decurtins - Rätoromanische chrestomathie, VIII.djvu/204


Hest tü viss lur orma püra
10 Svolazzer intuorn nel tschel?
E, müdand els lur natüra,
Sun els libers d' ogni mêl?
Circondos da pêsch e gloria,
Els nun 's haun sgür brich smanchôs
15 Vers la patria transitoria
Volvan … els lur sguards amôs? (beôs).
Odan els il cour da mamma
A dschemir da pain' oppress?
Odan els l' orfnet chi clamma:
20 Bap! al pè del fraid cipress?
Vezzan els brancher lur fossa
Et il marmel s' alguanter
E la chera puolvr' et ossa
Suot las larmas s' animer?
25 Crouda, crouda pür naivetta!
Tü 'ns avisat cha' l mortel
E natüra staungla spetta,
Il repòs chi vain da tschel!

[p 43] La rimmembranza.

O quaunt cher' m' ais ta memoria,
Bell' infanzi', aurora püra!
Tü zuond cuorta, transitoria
Sco la flur della cottüra!
5 Sün tia barcha fügitiva
Cumanzet eau naviger,
Cun fidaunz' e pêsch naïva
Sün las uondas del grand mêr!
Il solagl dell' innocenza
10 Am guidaiva tres il port,
Nè pissers nè sofferenza
Imnatschaivan a ma sort!