Apri il menu principale
Quitaus de pastur

../3 ../5 IncludiIntestazione 1 ottobre 2015 25% Da definire

3 5

Quitaus de pastur.

 
Sin Palas stat la montanera
Gion Pieder ei siu bien nuorser:
Sil crest de pegns sper la cotglera,
El sesa cun siu vischander.
5 Fertont ch' ei cauman, sias tschuttas,
Fugiend dal caul dil clar miezdi,
Emprend nuorser las nodas tuttas
Da Gion cuitg nudadas si.
Al bien nuorser en l' aria steppa
10 In lad pegnun dat frestg asil.
El prend in cedel ord la gieppa,
Entscheiv' il studi difficil.
Cheu stat ei scret, co mintga casa,
Marchescha ses animalets,
15 Co il cunti l' ureglia smasa
Al tschut che quescha, tgeus e crets.
Davon, davos en ell' ureglia
Furtgets e tagls ein d' observar;
Mugrin e gavigliel e streglia
20 E fildiroms ein cheu d' anflar.
L' ureglia orasum smutada,
Ne scursalada davos si,
Magari empermiez furada,
Enzennas sut e suravi!
25 Nuorser va vidaneu, suspira:
„Quei vul memoria din cavagl,
Mo patertgar la roda entira,
Co mintga pur fa snez e
tagl!“
Quei ei aschia necessari,
30 Essend ch' il mund han biars partiu;
Mo il suprem proprietari
Tgunsch enconuscha quei ch' ei siu.