Scena d' atun

../4 ../6 IncludiIntestazione 1 ottobre 2015 25% Da definire

4 6

Scena d' atun.

 
„Agl e tschaguolas e feglia d' arbagas!“
Clom' il talianer il pign marcadon.
„Grondas las breigias e pintgas las pagas —
Mo buna rauba jeu portel uonn.“
5 „Clara, neu en cheu, quei ch' auda, mercada,“
Cloma la mumma, ch' ha si il giantar;
En dalla bargia cun coniv tgemblada,
Clara vegn ussa naven dil stegliar.
„Stei en suler mo, la stiv' ei lavada,“
10 Di la massera sper siu bulzani;
Sveltamein tschenta cun ina menada
Quel de Valtrina siu schierl giud schui.
E dal hermer sper la porta cuschina:
„Biala, bien di!“ gia resnn' il battagl:
15 „Buna tschaguola per la cazzetina,
E per las puolpas il ferm e bien agl!“
„Um de tschaguolas, veis oz buna luna,
E nos basegns buca mal vus saveis!
Dei mintg' uisa, mo rauba tut buna,
20 Feglia d' arbagas sco vus
manigieis.“
Il viandont e hermer de Valtrina
Pren la stadera e carga bugien,
Dat la porziun alla feglia carina
E pil furtem las arbagas suren.
25 Fatgs il marcau on suler sper la platta,
Aulz' il talianer siu schierl, va e ri:
„Sco la tschaguola, stei sauna, vus matta,
Feglia d' arbagas dat in bi
tschupi!“